گلگت بلتستان، تین ہفتوں کے دوران 58 چوری اور ٹمپرڈ گاڑیاں ضبط
اشاعت کی تاریخ: 28th, October 2025 GMT
سیکریٹری ایکسائز اینڈ ٹیکسیشن گلگت بلتستان نے مزید کہا کہ روزانہ کی بنیاد پر روڈ بیٹ کو مزید موثر اور تیز کرتے ہوئے غیر قانونی گاڑیوں کے خلاف کارروائی کی جائے گی اور NCP گاڑیوں کی انڈیکسشن کو مزید تیز کیا جائے گا۔ اسلام ٹائمز۔ سیکریٹری ایکسائز اینڈ ٹیکسیشن و ٹرانسپورٹ گلگت بلتستان رحمان شاہ کی زیر صدارت محکمانہ امور کی پیش رفت پر جائزہ اجلاس منعقد ہوا۔ اجلاس میں ڈائریکٹر ایکسائز اینڈ ٹیکسیشن گلگت بلتستان، ڈپٹی ڈائریکٹر دیامر استور ڈویژن، ڈپٹی ڈائریکٹر بلتستان ڈویژن، ڈپٹی ڈائریکٹر گلگت ڈویژن اور منیجر آئی ٹی شریک ہوئے۔ اجلاس میں گزشتہ میٹنگ میں ہونے والے فیصلوں کے عمل درآمد کا جائزہ لیا گیا۔ گزشتہ تین ہفتوں کے دوران گلگت ڈویژن میں چوری اور ٹمپرڈ کی 44 گاڑیاں، بلتستان ڈویژن میں 8 گاڑیاں اور دیامر استور ڈویژن میں 6 گاڑیوں کو ضبط کیا گیا ہے۔ جبکہ گزشتہ دو سے تین ہفتوں کے دوران گلگت ڈویژن میں 256 NCP ان انڈیکس گاڑیوں کی انڈیکسیشن ہوئی ہے، بلتستان ڈویژن مے 125 NCP گاڑیوں کی انڈیکسیشن اور دیامر استور ڈویژن میں 41 گاڑیوں کی انڈیکسشن ہو چکی ہے۔ اس کے علاوہ گلگت ڈویژن سے غیر نمونہ 891 نمبر پلیٹس، بلتستان ڈویژن سے 241 نمبر پلیٹ اور دیامر استور سے 160 نمبر پلیٹس اتارے گئے ہیں۔ گلگت بلتستان کے تمام اضلاع کی NCP گاڑیوں کے ریکارڈ کو ڈیٹا سنٹر کے ساتھ منسلک کر دیا گیا اور ساتھ ساتھ تمام ڈیٹا کو دوسرے قانون نافذ کرنے والے اداروں کے ساتھ بھی شیر کیا جا رہا ہے۔ سیکریٹری ایکسائز اینڈ ٹیکسیشن گلگت بلتستان نے مزید کہا کہ روزانہ کی بنیاد پر روڈ بیٹ کو مزید موثر اور تیز کرتے ہوئے غیر قانونی گاڑیوں کے خلاف کارروائی کی جائے گی اور NCP گاڑیوں کی انڈیکسشن کو مزید تیز کیا جائے گا۔
.
ذریعہ
ذریعہ: Islam Times
کلیدی لفظ: ایکسائز اینڈ ٹیکسیشن گلگت بلتستان دیامر استور گاڑیوں کی ڈویژن میں NCP گاڑیوں کو مزید
پڑھیں:
کراچی میں شوہر کے ساتھ موٹرسائیکل چوری کی درجنوں وارداتوں میں ملوث ملزمہ گرفتار
سولچر بازار پولیس نے موٹرسائیکل لفٹنگ میں ملوث خاتون ملزمہ کو گرفتار کرلیا۔
تفصیلات کے مطابق سولچر بازارپولیس نے خفیہ اطلاع پر کارروائی کرتے ہوئے موٹر سائیکل لفٹنگ میں ملوث خاتون ملزمہ سحر بتول زوجہ کاشف خان کو گرفتار کرلیا
۔پولیس کے مطابق ملزمہ کی گرفتاری سی سی ٹی وی فوٹیج کی مدد سے عمل میں لائی گئی۔گرفتار ملزمہ اپنے شوہر کے ہمراہ موٹرسائیکل لفٹنگ کی درجنوں وارداتوں میں ملوث رہی ہے۔
دونوں میاں بیوی کو موٹر سائیکل لے جاتے ہوئے سی سی ٹی وی فوٹیج میں بھی دیکھا جاسکتا ہے۔ ملزمہ کے قبضے سے موٹر سائیکل نمبر KQX-2361 میکر سپر اسٹار 70 برآمد کرلی گئی۔
گرفتارملزمہ اورفرار شوہر کے خلاف ضابطے کے تحت مقدمہ درج، مزید تفتیش جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار