ریاست رام پور کےآخری حکمران کی بیٹی مہرالنساءبیگم انتقال کرگئیں۔ پاکستانی ایئرچیف مارشل سے ہوئی تھی شادی
اشاعت کی تاریخ: 29th, October 2025 GMT
data-id="863a0a8" data-element_type="widget" data-widget_type="theme-post-content.default">
رام پور:ریاست رام پور کے آخری حکمران کی بیٹی مہرانیسہ بیگم، جن کی شادی پاکستان کے ایئر چیف مارشل سے ہوئی تھی، انتقال کر گئیں۔
ریاست رام پور (اب اترپردیش کا ایک ضلع ہے رامپور) کے آخری حکمران نواب رضا علی خان کی صاحبزادی نوابزادی مہرالنساءبیگم 92 برس کی عمر میں امریکی دارالحکومت واشنگٹن ڈی سی میں انتقال کرگئیں، ان کے انتقال پر شاہی خاندان سوگوار ہے۔
کاشف خان، سابق وزیر نواب کاظم علی خان عرف نوید میاں کے پی اے اور انڈین نیشنل ٹرسٹ فار آرٹ اینڈ کلچرل ہیریٹیج (این آئی ٹی اے سی ایچ) روہیل کھنڈ چیپٹر کے شریک کنوینر، نے بتایا کہ نوابزادی مہرالنساءبیگم کی پیدائش 19 جنوری 1934 کو رام پور میں ہوئی تھی۔
طلعت زمانی بیگم جو آخری حکمران نواب رضا علی خان کی تیسری بیوی کی بیٹی تھیں۔ انہوں نے 28 اکتوبر 2025 کو آخری سانس لی۔ انہیں 29 اکتوبر کو واشنگٹن ڈی سی میں ایک پروقار تقریب میں سپرد خاک کیا گیا۔
کاشف خان نے بتایا کہ مہرانیسہ بیگم کی تعلیم مسوری اور لکھنو میں ہوئی تھی۔ ان کی پہلی شادی انڈین سول سروس کے رکن سید تقی نقی سے ہوئی۔
ان کی دوسری شادی پاکستان کے ایئر چیف مارشل عبدالرحیم خان سے ہوئی جو اسپین میں پاکستان کے سفیر بھی تھے۔
مہرالنساءبیگم 1977 میں وہ امریکا چلی گئیں، جہاں انہوں نے انٹرنیشنل سینٹر فار لینگویج اسٹڈیز میں اردو اور ہندی پڑھائی۔ نوابزادی صاحبہ کا ایک بیٹا زین نقی اور دو بیٹیاں زیبا حسین اور مریم خان ہیں۔ ایک بیٹا عابد خان انتقال کر گیا ہے۔ زین نقی امریکا میں رہتے ہیں اور اپنی آخری سانس تک اپنی والدہ کی دیکھ بھال کرتے رہے۔
کاشف خان نے بتایا کہ نواب رضا علی خان کے تین بیٹے تھے، نواب زادہ مرتضیٰ علی خان، نواب زادہ ذوالفقار علی خان عرف مکی میاں اور نواب زادہ عابد علی خان عرف سلیم میاں۔ تینوں ابھی باحیات نہیں ہیں۔
نوابزادی مہرالنساءبیگم آخری حکمران کی چھ بیٹیوں میں سے دوسری تھیں۔ ان سے پہلے نوابزادی خورشید لکا بیگم اور نوابزادی کمالہ بیگم وفات پاگئیں۔ نوابزادی برجیس لکا بیگم اور نوابزادی ناہید لکا بیگم دہلی میں رہتی ہیں، جب کہ نوابزادی اختر لکا بیگم لکھنومیں رہتی ہیں۔
نوابزادی مہرالنساءبیگم کے انتقال نے رام پور کے شاہی خاندان کے افراد کو گہرا صدمہ پہنچایا ہے۔ سابق وزیر نواب کاظم علی خان عرف نوید میاں،آخری حکمران کے پوتے نے ان کی موت کو پورے خاندان کے لیے ایک اہم نقصان قرار دیا۔
گزشتہ حکمران کی بہو سابق رکن اسمبلی بیگم نوربانو نے بھی نوابزادی مہرالنساءبیگم کے انتقال پر دکھ کا اظہار کیا۔
ذریعہ
ذریعہ: Jasarat News
کلیدی لفظ: علی خان عرف حکمران کی ہوئی تھی سے ہوئی رام پور
پڑھیں:
ماریہ شہباز کیس: وفاقی آئینی عدالت نے نظرثانی درخواست پر اٹارنی جنرل اور ایڈووکیٹ جنرل پنجاب کو نوٹس جاری کر دیے
وفاقی آئینی عدالت نے اسلام قبول کرکے شادی کرنے والی ماریہ شہباز سے متعلق نظرثانی درخواست پر وفاقی اٹارنی جنرل اور ایڈووکیٹ جنرل پنجاب کو نوٹس جاری کرتے ہوئے ان سے معاونت طلب کر لی، جبکہ مقدمے کی مزید سماعت غیر معینہ مدت تک ملتوی کر دی۔
جسٹس حسن اظہر رضوی کی سربراہی میں 2 رکنی بینچ نے درخواست کی سماعت کی۔ دوران سماعت درخواست گزار کے وکیل نے مؤقف اختیار کیا کہ ماریہ شہباز کم عمر تھی اور اسے ورغلا کر مذہب تبدیل کروایا گیا، جبکہ عدالت نے اپنے سابق فیصلے میں کم سن بچی کے نکاح کو درست قرار دیا۔
یہ بھی پڑھیں:پنجاب میں لاپتا لڑکیوں میں سے 80 فیصد نے پسند کی شادیاں کیں، پولیس کی لاہور ہائیکورٹ کو رپورٹ
جسٹس حسن اظہر رضوی نے استفسار کیا کہ سابق عدالتی فیصلے میں غلطی کیا ہے؟ درخواست گزار کے وکیل نے جواب دیا کہ قانون کے مطابق شادی کے لیے 18 سال عمر کی حد مقرر ہے اور قانون کے خلاف ہونے والی شادی برقرار نہیں رہ سکتی۔
اس پر جسٹس حسن اظہر رضوی نے ریمارکس دیے کہ قانون میں کم عمری کی شادی پر سزا کا ذکر تو موجود ہے، تاہم نکاح کو خودکار طور پر منسوخ قرار دینے کی کوئی شق موجود نہیں۔ انہوں نے یہ سوال بھی اٹھایا کہ اگر کم عمری میں شادی ہو جائے تو قانون اس صورت حال کا کیا حل فراہم کرتا ہے۔
عدالت نے مزید ریمارکس دیے کہ ماریہ شہباز نے ڈسٹرکٹ کورٹ سے لے کر وفاقی آئینی عدالت تک کسی بھی مرحلے پر یہ مؤقف اختیار نہیں کیا کہ اس کے ساتھ زبردستی کی گئی تھی۔ جسٹس حسن اظہر رضوی نے کہا کہ اگر درخواست گزار اس مؤقف پر اصرار کرتا ہے تو عدالت اٹارنی جنرل اور ایڈووکیٹ جنرل پنجاب سے قانونی معاونت حاصل کر لیتی ہے۔
یہ بھی پڑھیں: پسند کی شادی کیخلاف گاؤں نذرِ آتش کرنیکا واقعہ، وزیراعلیٰ سندھ کا سخت نوٹس
عدالت نے سماعت کے دوران وفاقی اٹارنی جنرل اور ایڈووکیٹ جنرل پنجاب کو نوٹس جاری کرتے ہوئے مقدمے کی مزید سماعت غیر معینہ مدت تک ملتوی کر دی۔
واضح رہے کہ وفاقی آئینی عدالت نے 26 مارچ کو ماریہ شہباز کو والد کے حوالے کرنے کی درخواست مسترد کرتے ہوئے قرار دیا تھا کہ تنسیخ نکاح کے لیے متعلقہ فریق سول کورٹ سے رجوع کر سکتے ہیں۔ عدالت نے اپنے فیصلے میں یہ بھی واضح کیا تھا کہ حبسِ بے جا اور حوالگی کی درخواستوں کی سماعت کے دوران نکاح کی تنسیخ کا فیصلہ نہیں کیا جا سکتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چائلڈ میرج قبول اسلام ماریہ شہباز وفاقی آئینی عدالت
بھارت سے جنگ اور افغانستان میں کارروائی خارج ازامکان نہیں، وزیردفاع