اسلام آباد، ڈاکٹر عافیہ صدیقی کیس کی سماعت 20نومبر تک ملتوی
اشاعت کی تاریخ: 29th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:۔۔ اسلام آباد ہائی کورٹ کے چار رکنی لارجر بنچ نے امریکی جیل میں قید پاکستانی شہری ڈاکٹر عافیہ صدیقی سے متعلق کیس کی سماعت وکیلِ درخواست گزار کی عدم دستیابی کے باعث 20نومبر تک ملتوی کر دی۔
بدھ کے روز کیس کی سماعت جسٹس ارباب محمد طاہر کی سربراہی میں قائم چار رکنی لارجر بنچ نے کی جس میں جسٹس خادم حسین سومرو، جسٹس اعظم خان اور جسٹس انعام امین منہاس بھی شامل تھے۔
سماعت کے دوران جسٹس ارباب محمد طاہر نے ایڈیشنل اٹارنی جنرل راشد حفیظ سے استفسار کیا کہ کیا عدالت نے درخواست میں کی گئی تمام استدعاﺅں کا جائزہ لیا ہے؟ اس پر ایڈیشنل اٹارنی جنرل نے موقف اپنایا کہ درخواست میں جو استدعائیں کی گئی تھیں وہ تمام پوری ہو چکی ہیں۔ انہوں نے بتایا کہ جب ڈاکٹر عافیہ صدیقی لاپتا ہوئیں، اس وقت یہ درخواست دائر کی گئی تھی۔ حکومتِ پاکستان نے اس وقت ان کی موجودگی کے حوالے سے معلومات حاصل کیں اور طبی معائنے کی جو استدعا کی گئی تھی، اس پر بھی عمل درآمد کیا گیا۔
ایڈیشنل اٹارنی جنرل نے مزید کہا کہ تمام استدعائیں پوری ہونے کے بعد وفاقی حکومت نے درخواست نمٹانے کے لیے متفرق درخواست دائر کی تاہم فوزیہ صدیقی کی جانب سے درخواست میں ترمیم کی متفرق درخواست بھی جمع کروائی گئی ہے۔ راشد حفیظ نے کہا کہ وزیراعظم پاکستان نے امریکی صدر کو ڈاکٹر عافیہ صدیقی کے معاملے پر خط بھی لکھا جبکہ امریکی عدالت میں رحم کی اپیل دائر کرنے کا عمل بھی زیرِ غور ہے۔
انہوں نے موقف اختیار کیا کہ عافیہ صدیقی کی رحم کی اپیل میں ریاستِ پاکستان کو بھی فریق بنانے کی کوشش کی جا رہی ہے جبکہ اس اپیل میں ایسے نکات شامل ہیں جو ریاستِ پاکستان کے موقف کے خلاف ہیں، اس صورت میں ریاست اس اپیل کی حمایت نہیں کر سکتی۔
عدالت نے ریمارکس دیئے کہ آئندہ سماعت پر درخواست گزار کے وکیل کو سننے کے بعد معاملے پر مزید کارروائی کی جائے گی۔ بعدازاں عدالت نے کیس کی سماعت 20 نومبر تک ملتوی کر دی ۔
ذریعہ
ذریعہ: Jasarat News
کلیدی لفظ: ڈاکٹر عافیہ صدیقی کیس کی سماعت کی گئی
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع