چیف جسٹس یحییٰ آفریدی نے 27ویں آئینی ترمیم پر فل کورٹ اجلاس طلب کرلیا
اشاعت کی تاریخ: 13th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:چیف جسٹس پاکستان جسٹس یحییٰ آفریدی نے 27ویں آئینی ترمیم کے معاملے پر فل کورٹ اجلاس طلب کرلیا ہے، اجلاس کل بروز جمعہ سے قبل منعقد کیا جائے گا، جس میں سپریم کورٹ کے تمام ججز شریک ہوں گے اور ترمیم کے مختلف پہلوؤں پر تفصیلی مشاورت ہوگی۔
میڈیا رپورٹس کےمطابق ذرائع کا کہنا ہے کہ چیف جسٹس نے یہ اجلاس سپریم کورٹ کے تین ججز کی تحریری درخواست کے بعد بلایا ہے، جنہوں نے 27ویں آئینی ترمیم پر آئینی و قانونی پہلوؤں کا جائزہ لینے کے لیے فل کورٹ اجلاس منعقد کرنے کی سفارش کی تھی۔
سپریم کورٹ کے جج جسٹس صلاح الدین پنہور نے بھی چیف جسٹس کو باضابطہ خط لکھا تھا، جس میں انہوں نے 27ویں آئینی ترمیم کا شق وار جائزہ لینے کی تجویز دی تھی، جسٹس صلاح الدین نے اپنے خط میں مؤقف اختیار کیا تھا کہ وہ یہ درخواست کسی احتجاج کے طور پر نہیں بلکہ عدلیہ کی آئینی ذمہ داری کے تحت کر رہے ہیں تاکہ آئین کے بنیادی ڈھانچے اور ادارہ جاتی توازن پر کوئی اثر نہ پڑے۔
انہوں نے مزید کہا کہ اس اہم آئینی ترمیم کے اثرات کو مدنظر رکھتے ہوئے لاء اینڈ جسٹس کمیشن اور دیگر پالیسی ساز اداروں سے بھی مشاورت ضروری ہے تاکہ ریاستی اداروں کے درمیان اختیارات کی تقسیم میں توازن برقرار رہے۔
جسٹس پنہور کے مطابق 27ویں آئینی ترمیم کے بعض نکات ادارہ جاتی ڈھانچے کو متاثر کر سکتے ہیں، اس لیے سپریم کورٹ کو اس معاملے کا تفصیلی مطالعہ کرنا چاہیے۔
ذرائع کے مطابق فل کورٹ اجلاس میں آئینی ماہرین کی تجاویز پر بھی غور کیا جائے گا تاکہ اس ترمیم سے پیدا ہونے والے ممکنہ قانونی اثرات پر واضح موقف طے کیا جاسکے۔
ذریعہ
ذریعہ: Jasarat News
کلیدی لفظ: نے 27ویں آئینی ترمیم فل کورٹ اجلاس ترمیم کے چیف جسٹس
پڑھیں:
قومی انڈر-18 ٹیم نے ہاکی فائیو اے سائیڈ ورلڈ کپ کیلیے کوالیفائی کرلیا
پاکستان کی انڈر-18 ہاکی ٹیم نے شاندار کارکردگی کا مظاہرہ کرتے ہوئے مصر میں منعقد ہونے والے ہاکی فائیو اے سائیڈ ورلڈ کپ کے لیے باقاعدہ کوالیفائی کرلیا ہے۔
اس شاندار کامیابی کے ساتھ ہی پاکستان ٹیم نے ٹورنامنٹ کے فائنل میں بھی جگہ بنالی ہے جہاں اس کا مقابلہ 25 تاریخ کو روایتی حریف بھارت سے ہوگا۔
قومی جونیئر ٹیم نے پورے ایونٹ کے دوران بہترین ڈسپلن، جارحانہ کھیل اور بہترین حکمتِ عملی کا مظاہرہ کیا۔
پورے ایونٹ میں بہترین کارکردگی کا مظاہرہ کرتے ہوئے فائنل تک رسائی اور ورلڈکپ کا ٹکٹ حاصل کرنا پاکستان ہاکی کے روشن مستقبل کا واضح ثبوت ہے۔
پاکستان ہاکی فیڈریشن کے ترجمان نے کہا کہ پاکستان انڈر-18 ہاکی ٹیم کی یہ کامیابی قوم کے لیے ایک عظیم تحفہ ہے۔
انہوں نے مزید کہا کہ نوجوان کھلاڑیوں نے جس محنت اور جذبے کے ساتھ میدان میں گرین شرٹس کی نمائندگی کی ہے وہ قابلِ تحسین ہے۔ مصر ورلڈکپ کے لیے کوالیفائی کرنا ہماری جونیئر ہاکی ڈیویلپمنٹ پالیسی کی بڑی کامیابی ہے۔
ترجمان پی ایچ ایف نے قوم سے اپیل ہے کہ 25 تاریخ کو بھارت کے خلاف فائنل معرکے کے لیے ٹیم کے لیے خصوصی دعائیں کریں۔
پاکستان ہاکی فیڈریشن کے صدر محی الدین احمد وانی، ڈیویلپمنٹ کمیٹی، چیف سلیکٹر اور کوچنگ اسٹاف نے تمام کھلاڑیوں اور قوم کو اس اہم کامیابی پر مبارکباد پیش کی ہے اور امید ظاہر کی ہے کہ ٹیم فائنل بھی جیت کر ملک کا نام روشن کرے گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی