اسحٰق ڈار اور مصری وزیر خارجہ نے غزہ میں امن پر بات چیت کی
اشاعت کی تاریخ: 15th, November 2025 GMT
نائب وزیراعظم و وزیر خارجہ محمد اسحٰق ڈار نے مصر کے وزیر خارجہ بدر عبد العاطی کے ساتھ ٹیلی فون پر رابطہ کیا، جس میں غزہ میں امن کے قیام اور علاقائی پیش رفت پر تفصیلی بات چیت ہوئی۔
دفتر خارجہ کے ترجمان کے مطابق، مصر کے وزیر خارجہ نے پاکستان میں حالیہ دہشت گردی کے حملوں میں قیمتی جانوں کے ضیاع پر تعزیت بھی کی۔ دونوں رہنماوں نے مسلسل اعلیٰ سطح کے رابطوں کی اہمیت پر زور دیتے ہوئے خطے میں امن و استحکام کے لیے تعاون بڑھانے پر اتفاق کیا۔
ترجمان کے مطابق بدر عبد العاطی نے جلد پاکستان کے دورے کی خواہش کا بھی اظہار کیا۔
ذریعہ: Daily Mumtaz
پڑھیں:
افغان حکومت اپنی سرزمین دہشتگردی کیلئے استعمال ہونے سے روکے؛ ترجمان دفتر خارجہ
ویب ڈیسک : ترجمان دفتر خارجہ طاہر حسین اندرابی نے کہا ہے کہ امید ہے کہ افغان طالبان ٹی ٹی پی کیخلاف کارروائی کریں گے،عوام پاک افواج کے ساتھ ہیں، دہشتگردی کے خاتمے کیلئے ہر اقداما ت کریں گے۔
ان خیالات کا اظہار ترجمان دفتر خارجہ نے ہفتہ وار پریس بریفنگ کے دوران کیا، کہا کہ افغان طالبان رجیم کے دوران دہشتگردی کے واقعات میں اضافہ ہوا، پاکستان ٹی ٹی پی سے مذاکرات نہیں کرے گا، افغان حکومت اپنی سرزمین دہشتگردی کیلئے استعمال ہونے سے روکے۔ انہوں نے کہا کہ پاکستان کسی بھی دہشتگرد گروپ سے مذاکرات نہیں کرے گا، افغان رجیم کو دہشتگردی کے تمام ثبوت فراہم کیے، افغان حکومت اپنی سرزمین سے دہشتگردی کو روکنے میں ناکام ہے۔
سونے اور چاندی کے آج کے ریٹس ۔جمعہ 14نومبر ، 2025
طاہر اندرابی نے کہا کہ پاکستان میں پشتون قوم پرستی کو بھڑکانے کی کوشش کی جا رہی ہے، پاکستان میں سرگرم دہشتگرد گروہ افغان شہریوں پر مشتمل ہیں۔انہوں نے بتایا کہ اردن کے شاہ عبداللہ دوئم 2روزہ سرکاری دورے پر کل پاکستان پہنچیں گے، اردن کے شاہ ، وزیراعظم شہباز شریف کی دعوت پر دورہ کر رہے ہیں، ان کے دورے سے دونوں ملکوں کے تعلقات کو مزید تقویت ملے گی۔
انہوں نے مزید کہا کہ اعلیٰ سطح کا یہ دورہ پاکستان اور اردن کے درمیان دیرینہ اور برادرانہ تعلقات کا مظہر ہے، اردن کے شاہ صدر مملکت اور وزیراعظم شہباز شریف سے ملاقاتیں کریں گے۔
آج کے گوشت اور انڈوں کے ریٹس ۔جمعہ 14نومبر ، 2025
27ویں آئینی ترمیم کے حق میں ووٹ نہ دینے فیصلہ: مولانا فضل الرحمان بیرون ملک چلے گئے