ون ڈے سیریز: نیوزی لینڈ نے ویسٹ انڈیز کو وائٹ واش کردیا
اشاعت کی تاریخ: 22nd, November 2025 GMT
data-id="863a0a8" data-element_type="widget" data-widget_type="theme-post-content.default">
نیوزی لینڈ نے تیسرے اور آخری ون ڈے میں ویسٹ انڈیز کو 4 وکٹوں سے شکست دے کر سیریز میں وائٹ واش کر دیا۔
ویسٹ انڈیز اور نیوزی لینڈ کے درمیان تیسرا اور آخری ون ڈے میچ ہیملٹن کرکٹ اسٹیڈیم میں کھیلا گیا۔ ویسٹ انڈیز نے ٹاس جیت کر بیٹنگ کا فیصلہ کیا جو ابتدا ہی سے غلط ثابت ہوا، صرف چند اوورز کے اندر پوری بیٹنگ لائن دباؤ میں آگئی اور کوئی کھلاڑی لمبی اننگز نہ کھیل سکا۔
کیریبیئن ٹیم 161 رنز پر سمٹ گئی، جس میں روسٹن چیز 38 اور جون کیمپبیل 26 رنز کے ساتھ نمایاں رہے جبکہ کھاری پیری 22 رنز پر ناٹ آؤٹ رہے۔
کیوی بولرز نے ایک بار پھر شاندار کارکردگی دکھائی۔ میٹ ہینری نے 4 شکار کیے، جیکب ڈفی اور مچل سینٹنر نے 2،2 وکٹیں حاصل کیں، جبکہ کائل جیمیسن اور زیک فولکس نے ایک، ایک کھلاڑی کو آؤٹ کیا۔
ہدف کے تعاقب میں نیوزی لینڈ کا آغاز بہتر نہ تھا اور 32 کے مجموعی اسکور پر تین وکٹیں گر گئیں۔ تاہم مارک چیپمین نے ذمہ دارانہ بیٹنگ کرتے ہوئے 64 رنز کی اہم اننگز کھیلی جبکہ مائیکل بریسویل 40 رنز کے ساتھ ناٹ آؤٹ رہے۔ دونوں بلے بازوں کی شاندار شراکت نے ٹیم کو 30.
اس سے قبل نیوزی لینڈ ٹی ٹوئنٹی سیریز بھی 1-3 سے اپنے نام کر چکا ہے۔ دونوں ٹیموں کے درمیان اب تین ٹیسٹ میچز پر مشتمل سیریز 2 دسمبر سے شروع ہوگی۔
ذریعہ
ذریعہ: Jasarat News
کلیدی لفظ: ویسٹ انڈیز نیوزی لینڈ
پڑھیں:
مردان: گھر سے خاتون سمیت 3 افراد کی لاشیں برآمد
مردان: خیبرپختونخوا کے ضلع مردان کے علاقے شیخ ملتون سیکٹر بی میں ایک گھر سے خاتون سمیت تین افراد کی لاشیں برآمد ہونے کا واقعہ سامنے آیا ہے۔
ریسکیو 1122 کے مطابق اطلاع موصول ہوتے ہی میڈیکل ٹیم فوری طور پر موقع پر پہنچ گئی اور پولیس کی موجودگی میں کارروائی کا آغاز کیا گیا۔
ریسکیو حکام کے مطابق تینوں لاشوں کو قانونی کارروائی اور ضروری معائنے کے لیے مردان میڈیکل کمپلیکس (ایم ایم سی) اسپتال منتقل کر دیا گیا ہے۔
ابتدائی اطلاعات کے مطابق جاں بحق افراد کی شناخت جلال، زوجہ جلال اور مصطفیٰ کے ناموں سے ہوئی ہے۔
واقعے کی وجوہات فوری طور پر سامنے نہیں آسکیں، جبکہ پولیس نے معاملے کی تحقیقات شروع کر دی ہیں۔ حکام کا کہنا ہے کہ پوسٹ مارٹم اور تفتیشی عمل مکمل ہونے کے بعد واقعے کی اصل نوعیت واضح ہو سکے گی۔
پولیس اور متعلقہ ادارے مختلف پہلوؤں سے واقعے کا جائزہ لے رہے ہیں، جبکہ اہلِ علاقہ میں واقعے کے بعد تشویش کی لہر دوڑ گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ