شردھا کپور کے بھائی سدھانت کپور 252 کروڑ کے ڈرگ کیس میں طلب
اشاعت کی تاریخ: 22nd, November 2025 GMT
اداکارہ شردھا کپور کے بھائی اور معروف اداکار سدھانت کپور کو ممبئی پولیس کی اینٹی نارکوٹکس سیل (ANC) نے 252 کروڑ روپے کے مبینہ ڈرگ کیس میں طلب کر لیا۔
کیس کا تعلق ایک ایسے ڈرگ سنڈیکیٹ سے جوڑا جا رہا ہے جسے داؤد ابراہیم کے نیٹ ورک سے منسلک بتایا جا رہا ہے۔ اس پیش رفت نے فلم انڈسٹری میں ہلچل مچا دی ہے اور کئی نامور شخصیات اب تفتیش کی زد میں آ گئی ہیں۔
سرکاری حکام کے مطابق سدھانت کپور کو 25 نومبر کو تحقیقات کے لیے طلب کیا گیا ہےجبکہ ان کے مبینہ تعلقات اُن ڈرگ پارٹیوں سے جوڑے جا رہے ہیں جو مبینہ طور پر ہائی پروفائل شخصیات کے لیے منعقد کی جاتی تھیں۔ ایک گرفتار ڈرگ اسمگلر نے تفتیش میں انکشاف کیا کہ وہ ایسی لگژری پارٹیاں ارینج کرتا رہا ہے جن میں متعدد فلمی شخصیات بھی شریک ہوتی تھیں۔
سدھانت کپور، جو شوٹ آؤٹ ایٹ وڈالا اور اگلی جیسی فلموں میں اداکاری کر چکے ہیں، اب تیزی سے پھیلتی ہوئی تفتیش کے مرکز میں ہیں۔ یہ تحقیقات فروری 2024 میں ایک معمولی ڈرگ برآمدگی سے شروع ہوئیں لیکن بعدازاں ایک بڑے جرائم پیشہ نیٹ ورک کا انکشاف ہوا۔
تحقیقات میں سامنے آنے والے شواہد کے مطابق یہ سنڈیکیٹ مبینہ طور پر سلیم ڈولا نامی شخص چلا رہا تھا، جو داؤد ابراہیم کا قریبی ساتھی بتایا جاتا ہے۔ کیس میں اہم پیش رفت اس وقت ہوئی جب دبئی میں محمد سلیم محمد سہیل شیخ کو گرفتار کیا گیا۔ شیخ اس کیس میں 15ویں گرفتاری ہے اور ڈرگ ڈسٹری بیوشن چین کا بنیادی رکن سمجھا جا رہا ہے۔
تفتیشی ذرائع کے مطابق شیخ نے دورانِ انٹروگیشن بتایا کہ یہ پارٹیاں ڈرگ پیسے سے فنڈ کی جاتی تھیں اور ان کا مقصد ڈرگ نیٹ ورک کو وسعت دینا تھا۔ وہ ڈرگ سپلائرز کی بھرتی، منشیات کی خریداری اور ہائی پروفائل کلائنٹس تک ڈائریکٹ سپلائی کا ذمہ دار بھی تھا۔
تحقیقات کے دائرے میں مزید بولی ووڈ شخصیات کے آنے کا امکان ہے۔ ممبئی کرائم برانچ اب ای ڈی کے ساتھ مل کر منی لانڈرنگ کے پہلوؤں، مالی لین دین اور نیٹ ورک کے روابط کی چھان بین کر رہی ہے۔ حکام کے مطابق جن افراد کے نام سامنے آئے ہیں ان کے تفصیلی بیانات ریکارڈ کیے جائیں گے۔
جوں جوں کیس آگے بڑھ رہا ہے، سنڈیکیٹ کے مزید پرت کھلنے کی توقع ہے۔ حکام کا کہنا ہے کہ اس کیس کے اثرات بولی ووڈ سمیت کئی حلقوں تک دور رس ثابت ہو سکتے ہیں۔
سدھانت کپور اس وقت کڑی نگرانی میں ہیں جبکہ تفتیش کار آئندہ مرحلے کی پوچھ گچھ کی تیاری میں مصروف ہیں جو ممکنہ طور پر 252 کروڑ روپے کے اس بڑے کیس میں اگلی بڑی پیش رفت ثابت ہو سکتی ہے۔
.
ذریعہ: Express News
کلیدی لفظ: سدھانت کپور کے مطابق کیس میں نیٹ ورک رہا ہے
پڑھیں:
سونم کپور کے ہاں دوسرے بچے کی آمد کی خوشخبری، تصاویر وائرل
بالی ووڈ کی معروف اداکارہ اور فیشن آئیکن سونم کپور نے اپنے ہاں دوسرے بچے کی متوقع پیدائش کی خوشخبری مداحوں سے شیئر کر دی۔
اداکارہ نے فوٹو اینڈ ویڈیو شیئرنگ پلیٹ فارم انسٹاگرام پر اپنے حمل کی تصدیق کرتے ہوئے خوشخبری کا اعلان کیا۔ انہوں نے وِنٹیج ہاٹ پنک بلیزر اور میچنگ اسکرٹ میں تصاویر شیئر کیں، جس میں وہ اپنے بیبی بمپ کے ساتھ نظر آئیں۔ پوسٹ کے ساتھ انہوں نے لکھا ’ماں‘۔
View this post on Instagram
A post shared by Sonam A Kapoor (@sonamkapoor)
آنند آہوجا نے اپنی اہلیہ کی پوسٹ پر محبت بھرے کمنٹس کیے اور لکھا ’بیبی ماں اور اسٹائلش ماں بھی‘۔
اداکارہ کی اس پوسٹ پر شوبز انڈسٹری سے تعلق رکھنے والی متعدد شخصیات اور مداحوں نے انہیں مبارکباد دی اور نیک خواہشات کا اظہار کیا۔
واضح رہے کہ سونم کپور نے کاروباری شخص آنند آہوجا سے مئی 2018 میں شادی کی تھی، جس کے بعد اداکارہ لندن منتقل ہوگئی تھیں۔ اس جوڑے نے اگست 2022 میں خوبصورت بیٹے کو خوش آمدید کہا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آنند آہوجا بالی ووڈ سونم کپور
کراچی، شرجیل میمن کا خواتین کیلئے پنک بس سروس کا نیا روٹ فعال کرنے کا اعلان