ولیکا اسپتال انتظامیہ کی مجرمانہ غفلت پر بخت زمین کی مذمت
اشاعت کی تاریخ: 24th, November 2025 GMT
data-id="863a0a8" data-element_type="widget" data-widget_type="theme-post-content.default">
سائٹ لیبرفورم کے جنرل سیکرٹری بخت زمین خان نے کہا ہے کہ قائدِ عوام ذوالفقار علی بھٹو شہید کی پارٹی پاکستان پیپلز پارٹی کی سندھ حکومت اور مزدور رہنما شہید عثمان غنی کے بیٹے سعید غنی صوبائی وزیر محنت کے ہوتے ہوئے سندھ سوشل سیکورٹی اسپتال مزدوروں کے بچوں کے لیے مقتل گاہ بن گیا۔ ولیکا سوشل سیکورٹی اسپتال میں ڈاکٹروں اور انتظامیہ کی مجرمانہ غفلت کے باعث معصوم بچوں میں ایڈز کی بیماری پھیل گئی جس سے کافی بچے متاثر ہوئے۔ سائٹ لیبرفورم کے جنرل سیکرٹری بخت زمین خان نے سخت ترین الفاظ میں مذمت کرتے ہوئے کہا ہے کہ یہ سانحہ ادارے کی نااہلی، کرپشن اور غیر انسانی رویے کا منہ بولتا ثبوت ہے۔
انہوں نے کہا کہ یہ اسپتال مزدوروں کے علاج کے بجائے ان کی مقتل گاہ بن چکا ہے۔ مزدوروں کے خون پسینے کی کمائی سے چلنے والا یہ ادارہ غریبوں کے علاج پر خرچ ہونے کے بجائے بیوروکریسی اور افسر شاہی کی عیاشیوں کی نذر ہو رہا ہے۔ آئے روز مریضوں کے ساتھ ان کی غفلتوں کے وجہ سے حادثات ہوتے رہتے ہیں ۔
ان معصوم بچوں کی جانوں سے کھیلنے والے مجرمانہ غفلت کے مرتکب افراد کو کسی صورت معاف نہیں کیا جا سکتا۔ یہ صرف ان بچوں تک محدود نہیں بلکہ ان کے خاندانوں کی تباہی ہے اور تمام مزدور طبقے کے اعتماد، امید اور حقوق کا قتل ہے۔
اس واقعے کی FIR کمشنر سوشل سیکورٹی، اسپتال انتظامیہ اور ایم ایس کے خلاف فوری درج کی جائے۔
غفلت کے ذمے دار ڈاکٹروں اور عملے کو فوری طور پر معطل و گرفتار کر کے قرار واقعی سزا دی جائے۔
متاثرہ بچوں کے خاندان کو کم از کم پانچ کروڑ روپے بطور ہرجانہ ادا کیا جائے۔اور ان بچوں کا مکمل علاج کیا جائے اوراس سانحے کی مکمل جوڈیشل انکوائری کروائی جائے تاکہ آئندہ مزدوروں کے ساتھ اس طرح کے مظالم دوبارہ نہ ہوں۔
بیان میں کہا گیا کہ مزدوروں کے فنڈز سے چلنے والا سوشل سیکورٹی ادارہ آج مزدور دشمن بیوروکریسی کے شکنجے میں ہے۔ اب وقت آ گیا ہے کہ حکومت مزدوروں کے حقوق اور زندگی کے تحفظ کے لیے عملی اقدامات کرے اور گورینگ باڈی میں صنعتی ورکرز کے حقیقی نمائندوں کو شامل کریں اور سوشل سیکورٹی اسپتالوں میں ادویات کی قلت کو ختم کردیا جائے اور تمام ادویات پر سوشل سیکورٹی کی اسٹیمپ لازمی قرار دی جائے۔تاکہ تمام جعلی ادویات کا خاتمہ ہو۔ جس کی وجہ سے علاج کے لیے آنے والے مریضوں کو خطرناک بیماریاں نہ لگیں بلکہ بیماری سے شفاء ملے۔ تمام رجسٹرڈ ورکرز کو مزدور کارڈ جاری کیا جائے۔ جو اس لیے جاری نہیں کیے جارہے ہیں کہ اگر سسٹم کمپیوٹرائز ہوگیا تو کرپشن کرنے میں دشواری پیش آئے گی اور اس لیے نظام کو کمپیوٹر ائز نہیں ہونے دیا جارہا ہے ۔
انہوں نے واضح کیا کہ اگر اس غفلت کے ذمے داروں کے خلاف فوری کارروائی نہ کی گئی تو مزدور برادری احتجاج پر مجبور ہوگی۔
ذریعہ
ذریعہ: Jasarat News
کلیدی لفظ: سوشل سیکورٹی مزدوروں کے سیکورٹی ا غفلت کے
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی