بھارتی دہشت گردی کے اقدامات تشدد کا باعث بنتے ہیں، ثروت اعجاز قادری
اشاعت کی تاریخ: 6th, December 2025 GMT
چیئرمین پی ایس ٹی کا کہنا تھا کہ بھارتی انتہا پسندانہ کارروائیوں میں صحافیوں اور انسانی حقوق کے محافظوں کو بھی گرفتار اور حراست میں لیا گیا ہے، ہم بھارت کی جانب سے گرفتاریوں، مشتبہ ہلاکتوں، تشدد اور کشمیری و مسلم کمیونٹی کے خلاف امتیازی سلوک کی مذمت کرتے ہیں۔ اسلام ٹائمز۔ انتہا پسند ہندو جماعت بی جے پی کی کٹھ پتلی مقبوضہ کشمیر پر قابض مودی سرکار سمیت تمام بھارتی ریاستی حکومتوں کے سفاکانہ دور مقبوضہ کشمیر کی وادی کے لیے سیاہ باب سے عبارت ہے۔ ان خیالات کا اظہار پاکستان سنی تحریک کے چیئرمین انجینئر محمد ثروت اعجاز قادری نے اپنے بیان میں کیا۔ انہوں نے کہا کہ جابر مودی کی مقبوضہ وادی میں انسانی حقوق کی سنگین خلاف ورزیوں پر اقوام متحدہ کے ماہرین بھی بول اٹھے ہیں، اقوامِ متحدہ کے ماہرین نے مقبوضہ کشمیر میں بھارت کی سفاکیت اور سنگین انسانی حقوق کی سنگین خلاف ورزیوں کا پردہ چاک کردیا، اقوام متحدہ کے ماہرین کے مطابق پہلگام حملے کے بعد بھارتی حکام کی جموں و کشمیرمیں کی جانے والی انسانی حقوق کی خلاف ورزیوں پر شدید خدشات ہیں، ماہرین نے متنبہ کیا ہے کہ بھارت کو سیکیورٹی خدشات کے باوجود بین الاقوامی انسانی حقوق کے قوانین کی پابندی کرنا ہوگی۔
ثروت اعجاز قادری کا کہنا تھا کہ بھارتی انتہا پسندانہ کارروائیوں میں صحافیوں اور انسانی حقوق کے محافظوں کو بھی گرفتار اور حراست میں لیا گیا ہے، ہم بھارت کی جانب سے گرفتاریوں، مشتبہ ہلاکتوں، تشدد اور کشمیری و مسلم کمیونٹی کے خلاف امتیازی سلوک کی مذمت کرتے ہیں، بھارت میں مسلمانوں کے خلاف نفرت و ہراسانی، انہدامات عالمی قوانین کی خلاف ورزی ہے، متعدد انسانی حقوق کے محافظ برسوں سے سیکیورٹی قوانین کے تحت بلا جواز نظربند ہیں، بھارتی انسدادِ دہشت گردی اقدامات آئین و قانون کی خلاف ورزی اور سماجی تقسیم و تشدد کا باعث بنتے ہیں، مقبوضہ وادی میں بھارتی مظالم اور مودی کے ظلم و بربریت کی عکاس ہے، بھارتی ظلم و جبر کے خلاف کشمیریوں کی جدوجہد، آزادی کا سورج طلوع ہونے تک جاری رہے گی۔
ذریعہ: Islam Times
کلیدی لفظ: انسانی حقوق کے کے خلاف
پڑھیں:
کینیڈا نے شام کو ’دہشت گردی کے حامی ممالک‘ کی فہرست سے نکال دیا
کینیڈا نے شام کو اُن ممالک کی فہرست سے خارج کر دیا ہے جن پر دہشت گردی کی حمایت کا لیبل عائد تھا۔
عالمی خبر رساں ادارے کے مطابق کینیڈا کی وزارتِ خارجہ نے نہ صرف شام کو بلکہ سابق باغی اتحاد کی مرکزی تنظیم تحریر الشام کی دہشت گرد تنظیم کے طور پر نامزدگی بھی ختم کر دی۔
یہ تنظیم ایک وقت میں القاعدہ سے وابستہ رہی ہے مگر مغربی ممالک نے حالیہ مہینوں میں اس تنظیم کو دہشت گرد تنظیم کی فہرست سے نکالنا شروع کردیا ہے۔
کینیڈا کی وزارتِ خارجہ کے بیان میں کہا گیا ہے کہ یہ دونوں فیصلے معمولی نہیں تھے بلکہ اتحادی ممالک کے اقدامات سے ہم آہنگ ہونے اور شام کے نئے حکمراں کی طرز حکومت کو دیکھتے ہوئے کیے گئے۔
اگرچہ کینیڈا نے شام اور تحریر الشام کو دہشت گردی کی فہرست سے خارج کر دیا لیکن اب بھی 56 شامی شخصیات پر پابندیاں برقرار ہیں جن میں بشارالاسد حکومت کے سابق عہدیدار اور ان کے اہلِ خانہ شامل ہیں۔
کینیڈا نے یہ فیصلے حال ہی میں امریکا اور برطانیہ کے شام سے متعلق کیے حالیہ اقدامات کے بعد کیے گئے ہے۔
جس کی ایک وجہ شام کی عبوری حکومت کے صدر احمد الشرع کے ملک میں استحکام لانے کی مسلسل کوششوں کو بھی قرار دیا گیا ہے۔
کینیڈا نے یہ اعلان اس وقت کیا ہے کہ جب شام کے سابق حکمران بشارالاسد کے طویل دورِ حکومت کے خاتمے کو ایک سال مکمل ہونے پر جشن منایا جا رہا ہے۔
یاد رہے کہ 2012 میں بشارالاسد نے جمہوریت نواز تحریک کو سختی سے کچلا تھا جس پر کینیڈا نے شام کو ’دہشت گردی کی حامی ریاست‘ قرار دیدیا تھا۔
گزشتہ برس شام کے باغی گروہوں نے تحریر الشام کی قیادت میں عسکری اتحاد بنایا جس نے بشار حکومت کے خلاف فوجی کارروائیاں کیں اور ملکی فوج کو پسپا کیا۔
باغی گروہ کی قیادت ابو محمد الجولانی کررہے تھے جنھوں نے 2016 میں القاعدہ سے وابستگی ختم کرے مقامی تنظیم کو منظم کیا۔
انو محمد الجولانی نے باغی گروہوں کے اتحاد سے بشار حکومت کا تختہ الٹ دیا اور نئے عبوری صدر بن گئے اور اب انھیں دنیا ان کے اصل نام احمد الشرع کے نام سے جانتی ہے۔
شام میں حکومت کی اس تبدیلی کو امریکا اور سعودی عرب سمیت دیگر خلیجی اور مغربی ممالک کی حمایت بھی حاصل رہی ہے۔
امریکا نے جون 2025 میں شام پر عائد کچھ پابندیاں جزوی طور پر معطل کیں اور نومبر میں انہیں مزید توسیع دی۔
صدر ٹرمپ نے شام کے نئے حکمراں احمد الشرع کو عالمی دہشت گردوں کی فہرست سے بھی خارج کردیا۔
یورپی ممالک بھی شام پر کئی پابندیاں نرم کرچکے ہیں۔ شامی عبوری صدر احمد الشرع صدر ٹرمپ سے کئی ممالک کا دورہ کرکے سربراہان مملکت سے ملاقات کرچکے ہیں۔
شامی صدر نے ملک میں عسکری تنظیموں کو اسلحہ فوج کے حوالے کرکے ضم ہونے کی ہدایت بھی کرچکے ہیں۔
جلد اکثریت میں آکر بلاول کو وزیر اعظم بنائیں گے،نثار کھوڑو