ٹنڈوالٰہیار،عالمی انسداد بدعنوانی کے موقع پر آگاہی ریلی
اشاعت کی تاریخ: 10th, December 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈوالٰہیار(نمائندہ جسارت)عالمی انسدادِ بدعنوانی ڈے کے موقع پر ڈپٹی کمشنر ٹنڈوالہیار نور مصطفیٰ لغاری کے احکامات پر ضلعی انتظامیہ ٹنڈوالہیار کی جانب سے ایک بھرپور آگاہی ریلی نکالی گئی۔ ریلی میں مختلف سرکاری محکموں، تعلیمی اداروں، سماجی تنظیموں اور شہریوں نے بڑی تعداد میں شرکت کی۔ ریلی کا مقصد ضلع بھر میں کرپشن کے خلاف شعور بیدار کرنا، شفافیت کے فروغ کا مؤثر پیغام پہنچانا اور عوام کو بدعنوانی کے معاشرتی نقصانات سے آگاہ کرنا تھا۔ریلی کی قیادت ایڈیشنل ڈپٹی کمشنر ٹو، میڈم وردہ نایاب نے کی، جبکہ اسسٹنٹ کمشنر ٹنڈوالہیار شہریار حبیب، اسسٹنٹ کمشنر چمبڑ حماد علی زرداری، اسسٹنٹ کمشنر جھنڈومری شہزادو عمیر جروار، ڈپٹی ڈائریکٹر محکمہ اطلاعات خالد حسین کمبوہ، ڈپٹی ڈائریکٹر اینٹی کرپشن اسٹیبلشمنٹ مونس احمد راہوجو محکمہ پولیس، محکمہ تعلیم کے افسران، اساتذہ، طلبہ و طالبات، سول سوسائٹی، این جی اوز کے نمائندگان، معزز شہریوں اور مقامی صحافیوں نے بھی بڑی تعداد میں شرکت کی۔ایڈیشنل ڈپٹی کمشنر ٹو میڈم وردہ نایاب نے ریلی سے خطاب کرتے ہوئے کہا کہ بدعنوانی صرف مالی کرپشن تک محدود نہیں بلکہ یہ معاشرے کے ہر شعبے کو متاثر کرتی ہے۔ انہوں نے کہا کہ قومی ترقی اور بہتر حکمرانی اس وقت تک ممکن نہیں جب تک بدعنوان عناصر کے خلاف سخت کارروائی نہ کی جائے اور اداروں میں شفافیت کو یقینی نہ بنایا جائے۔ انہوں نے مزید کہا کہ ضلعی انتظامیہ عوامی خدمات میں بہتری، میرٹ پر فیصلے اور شفافیت کے فروغ کے لیے عملی اقدامات جاری رکھے ہوئے ہے ریلی سے خطاب کرتے ہوئے اسسٹنٹ کمشنر ٹنڈوالہیار شہریار حبیب نے کہا کہ کرپشن معاشرے کیلئے ناسور بن چکی ہے اور اس کے خاتمے کے لیے ہر فرد کو اپنا کردار ادا کرنا ہوگا۔ انہوں نے کہا کہ آج ہمیں یہ عہد کرنا چاہیے کہ ہم رشوت اور کرپشن کے خلاف آواز بلند کریں گے تاکہ آنے والی نسلوں کو کرپشن سے پاک معاشرہ فراہم کیا جا سکے۔ انہوں نے مزید کہا کہ رشوت لینا اور دینا دونوں سنگین برائیاں ہیں اور اسی بدعنوانی سے معاشرتی بگاڑ جنم لیتا ہے۔ اس آگاہی ریلی کا مقصد عوام میں کرپشن کے خاتمے کیلئے شعور بیدار کرنا ہے۔اینٹی کرپشن اسٹیبلشمنٹ کے افسران نے اپنے پیغام میں کہا کہ شہری کرپشن کی نشاندہی میں بھرپور کردار ادا کریں اور کسی بھی شکایت کی صورت میں فوراً متعلقہ محکمے سے رابطہ کریں۔
ذریعہ: Jasarat News
پڑھیں:
حیدرآباد،خصوصی افراد معاشرے کے کار آمد ،شہری ہیں،اسسٹنٹ کمشنر
data-id="863a0a8" data-element_type="widget" data-widget_type="theme-post-content.default">
251210-2-11
حیدرآباد (اسٹاف رپورٹر )
NOWPDP ہنر ٹیم کی جانب سے مختلف شعبوں میں گریجویٹ کرنے والے 55 اسپیشل طلبا میں اسناد تقسیم کرنے کی ایک سادہ مگر بروقار تقریب کا مقامی بینکویٹ میں۔انعقاد کیا گیا اس موقع پر مہمان خصوصی اسسٹنٹ کمشنر ہیڈ کوارٹر محمد نوید نے خطاب کرتے ہوئے کہاکہ اللہ عدل کرنے والوں کے ساتھ محبت کرتا ہے خصوصی افراد بھی معاشرہ کے کارآمد شہری ہیں اگر کوئی جوہری چاہے جو ان اسپیشل افراد میں چھپی صلاحیتوں کو اجاگر کرسکے۔ انہوں نے صنعتکاروں اور سماجی تنظیموں پر زور دیا کہ وہ اسپیشل افراد کی فلاح بہبود میں اپنا کردار ادا کریں۔ این او ڈبلیو پی ڈی پی سندھ کے آپریشن انچارج شاداب جونیجو نے کہاکہ اسپیشل افراد کے حیدرآباد میں سروسیز کا فقدان ہے 2023ء میں قاسم اباد میں سینٹر کا آغاز کیا جس میں 55 اسپیشل افراد نے مختلف شعبوں انگلش لینگویج کمپیوٹر لٹریسی اینڈ انفارمیشن ٹیکنالوجی گرافک ڈیزائننگ میں کوالیفائیڈ ٹرینرز سے تربیت حاصل کی ہے اگلے سال 100 سے زائد اسپیشل افراد کو ٹریننگ دی جائیگی تمام کورسز مفت اور دیگر سہولیات فراہم کی جارہی ہیں گریجویشن کرنے والے طلبا کو مختلف کمپنیوں میں ملازمتیں دلوائی جائیں گی ہنر کے علاوہ مزید 6 پروگرامز پر کام کررہے ہیں۔ ڈپٹی ڈائریکٹر ڈپارٹمنٹ اف ایمپاورمینٹ ڈس ایبل پرسن حیدرآباد ریجن امتیاز احمد خان نے کہاکہ کورنگی کراچی کی طرز پر اسٹیٹ آف آرٹ ووکیشنل انسٹی ٹیوٹ کا عنقریب حیدرآباد میں قیام عمل لایا جائے گا یہ دائرہ دیگر اضلاع تک پھیلایا جائے گا۔ ان کا کہنا تھاکہ اللہ نے انسان کو بہترین صلاحیتوں کے ساتھ مکمل پیدا کیا ہے اس وقت 67 سینٹرز کام کررہے ہیں جہاں اسپیشل افراد کو کتابیں یونیفارم لنچ اور ٹرانسپورٹ کی سہولیات مفت فراہم کی جاتی ہیں اسپیشل افراد کا ماہانہ وظیفہ 2 ہزار روپے سے بڑھاکر 3 ہزار روپے والدہ کے اکاؤنٹ میں باقاعدگی سے جمع کرائے جاتے ہیں۔ پروگرام ہنر کی ڈپٹی منیجر نیلو فر عبدالرحمن نے اسپیشل افراد کے لیے ہنر پروگرام کے بارے میں شرکا کو تفصیلی آگاہی فراہم کی اور بتایا کہ ہنر پرگرام حیدرآباد کے علاوہ سجاول ،لاڑکانہ اور سکھر سمیت دیگر اضلاع میں بڑی کامیابی کے ساتھ جاری ہے۔ اس پرگرام کے تحت ہزاروں افراد کو ہنر فراہم کیا ہے۔ تقریب سے سندھ یونیورسٹی جامشورو کے شعبہ انگریزی کے پروفیسر طارق عمرانی نے کہاکہ NOWPDP اسپیشل افراد کو ہنر مند بناکر بہت اچھا کام کررہا ہے اسپیشل طلبا کے لیے گریجویٹ تقریب دیکھ کر اور اس میں شرکت کرکے بے حد خوشی ہوئی ہے یہ ہمارے معاشرہ کے لیے ایک مثال ہے۔ تقریب میں اسپیشل طلبا مرتضی احمد اور مصباح نے اپنی کہانی بیان کیں۔ اس موقع پر شمائل سید نے اشاروں کی زبان میں تقریب کا حال بیان کیا۔ تقریب میں ایچ آر ڈائولینس عمران بھٹی انسپائرانسٹی ٹیوٹ ہارڈورڈ کی رانا مریم DEPD کے ڈپٹی ڈائڑیکٹر خرم انصاری ایسوسی ایٹ کلیم اللہ سومرو دل جان خٹک محمد ناصر ماہ نور ارشاد اوردیگر نے شرکت کی\
پی آئی اے کی نجکاری 23 دسمبر کو، شہباز شریف: کرغزستان کے صدر کا شاندار استقبال