حیدرآباد ،محکمہ زراعت کا دفتر زبوں حالی کا شکار
اشاعت کی تاریخ: 12th, December 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر) ایپکا سندہ امن گروپ کے صوبائی جنرل سیکرٹری شاہد سومرو۔ غلام نبی سولنگی۔ ساجن انصاری۔ شمشیر پالاری نے شہباز بلڈنگ حیدرآباد میں ایگریکلچر کے ملازمین سے ملاقات کرتے ہوئے کہا کہ ایڈیشنل ڈاریکٹر ایکسٹیشن محکمہ زراعت کا ضلع حیدرآباد کا دفتر کافی عرصی سے مکمل طور پر زبوں حالی کا شکار بنا ہوا ہے لیکن سرکاری ملازمین اس بھوت بنگلہ کا منظر پیش کرنے والے اس دفتر میں اپنی زندگیاں خطرے میں ڈال کر سرکاری امور چلانے میں مصروف ہیں دفتر کیکئی کمروں کا پلستر جھڑ کر گرنے کے بعد ان کمروں کو عملے نے تالے ڈال کر بند کردیا ہے۔ حالیہ بارشوں میں اس دفتر کی چھتوں سے کمروں میں پانی داخل ہونے سے سرکاری دفتر کا سامان بھی متاثر ہو تھا اور دیگر سامان کو بھی نقصان ہوا تھا اور ان کمروں میں اب تک خوف کے عالم میں ملازمین اپنے فرائض سرانجام دینے پر مجبور بنے ہوئے ہیں۔ کئی سالوں سے سرکاری کتنی گاڑیاں خراب ہیں جن کو اینٹوں پر کھڑا کردیا گیا ہے۔ ایپکارہنماوں نے کہا کہ ایڈیشنل ڈاریکٹر محکمہ زراعت ایکسٹیشن حیدرآباد کی ضلع دفتر کو سندھ حکومت متبادل دفتر حیدرآباد سٹی میں فراہم کرے تاکیکام کرنے والے سرکاری ملازمین کی زندگیاں محفوظ بن جائیں۔ انہوں نے کہا کہ ڈی۔ جی زراعت ایکسٹیشن سندھ کی پرانی عمارت مسمار کرکے ملبہ ابھی تک نہیں اٹھایا گیا ہے انہوں نے آخر میں وزیر اعلی سندہ۔ صوبائی وزیر زراعت سندہ۔ ڈویزنل۔کمشنر اور ڈپٹی کمشنر حیدرآباد سے مطالبہ کیا کہ بھوت بنگلہ کا منظر پیش کرنے والے زراعت معکمے حیدرآباد کے دفتر فوری طور مسمار کرتے ہوئے امکانی کسی بڑے حادثے سے بچایا جائے۔
ذریعہ: Jasarat News
پڑھیں:
مشرقی بیت المقدس میں اقوامِ متحدہ کے ایجنسی دفتر پر اسرائیلی چھاپہ، اقوامِ متحدہ کا شدید احتجاج
مشرقی بیت المقدس میں اقوام متحدہ کی ریلیف اینڈ ورکس ایجنسی (UNRWA) کے دفتر پر اسرائیلی پولیس کے چھاپے اور عمارت پر اسرائیلی پرچم لہرائے جانے پر اقوام متحدہ نے سخت مذمت کی ہے۔
تفصیلات کے مطابق اسرائیلی پولیس اور ٹیکس حکام نے پیر کے روز UNRWA کے ہیڈکوارٹرز پر یہ کارروائی کی، جو ان کے بقول بلدیاتی پراپرٹی ٹیکس کی عدم ادائیگی پر اثاثے ضبط کرنے کی کارروائی تھی۔
ٹائمز آف اسرائیل کے مطابق اہلکاروں نے دفتر سے فرنیچر، آئی ٹی آلات اور دیگر سامان ضبط کیا۔ چھاپے کے دوران پولیس اہلکاروں نے عمارت پر لہراتا ہوا اقوامِ متحدہ کا پرچم اتار کر اس کی جگہ اسرائیلی پرچم لگا دیا۔
یہ بھی پڑھیے اسرائیل اقوام متحدہ کے عملے کا دہشت گرد گروپوں سے تعلق ثابت کرنے میں ناکام
UNRWA کے سربراہ فلیپ لزارینی نے واقعے کو خطرناک precedent قرار دیتے ہوئے کہا کہ
گزشتہ روز اسرائیلی پولیس کا UNRWA کے مشرقی بیت المقدس کمپاؤنڈ میں گھس کر کنٹرول سنبھالنا اور UN کے پرچم کی جگہ اسرائیلی پرچم لگانا انتہائی تشویشناک ہے۔ یہ لمحۂ فکریہ ہے۔ جو آج UNRWA کے ساتھ ہوا، وہ کل کسی بھی بین الاقوامی تنظیم یا سفارتی مشن کے ساتھ دنیا کے کسی بھی حصے میں ہو سکتا ہے۔
اقوامِ متحدہ کے سیکریٹری جنرل انتونیو گوتریس نے بھی چھاپے کی شدید مذمت کرتے ہوئے کہا کہ اقوام متحدہ کے دفاتر ناقابلِ دست اندازی ہیں اور کسی بھی قسم کی مداخلت سے محفوظ رہنے چاہئیں۔
اسرائیل کی طرف سے پابندی اور الزاماتاسرائیل نے اکتوبر 2024 میں UNRWA کی سرگرمیوں پر پابندی عائد کر دی تھی، الزام لگاتے ہوئے کہ یہ ایجنسی خفیہ طور پر حماس کی مدد اور انہیں کور فراہم کرتی ہے۔ اقوام متحدہ نے ان الزامات کو مسترد کیا ہے۔
بیت المقدس کے ڈپٹی میئر آریہ کِنگ نے چھاپے کا دفاع کرتے ہوئے کہا کہ UNRWA کو مشرقی بیت المقدس میں کام کرنے کی اجازت ہی نہیں، کیونکہ یہ علاقہ اقوام متحدہ کے نزدیک مقبوضہ فلسطینی سرزمین ہے۔ ان کے مطابق ’قانون کی خلاف ورزی برداشت نہیں کی جا سکتی‘۔
انہوں نے مزید دعویٰ کیا کہ UNRWA کا تعلق ’7 اکتوبر 2023 کے حملے اور ہلاکتوں‘ سے تھا، جنہیں اسرائیل نے غزہ جنگ کا محرک قرار دیا تھا۔ تاہم اقوام متحدہ کی اپنی تحقیقات کے مطابق صرف 9 UNRWA ملازمین کے ممکنہ طور پر حملے میں ملوث ہونے کے شواہد ملے تھے، جبکہ ادارے کی مجموعی سطح پر حماس سے تعلق کے الزام کو ثابت نہیں کیا جا سکا۔
یہ بھی پڑھیے اسرائیل غزہ امن معاہدے کے تحت امداد پہنچانے نہیں دے رہا، اقوام متحدہ
واضح رہے کہ UNRWA فلسطینی مہاجرین کی تعلیم، صحت، رہائش اور امدادی ضروریات پوری کرنے والی سب سے بڑی بین الاقوامی ایجنسی ہے۔ اسرائیل اور اقوام متحدہ کے درمیان گزشتہ 2 برسوں سے اس کے کردار، اختیارات اور عملے پر شدید اختلافات برقرار ہیں۔
مشرقی بیت المقدس عالمی سطح پر مقبوضہ علاقہ تسلیم کیا جاتا ہے، اسی لیے UNRWA کا دفتر وہاں بین الاقوامی قوانین کے تحت قائم کیا گیا تھا۔
اقوام متحدہ نے اسرائیلی حکام سے فوری طور پر اقوام متحدہ کے چارٹر کا احترام کرنے، ضبط شدہ سامان واپس کرنے اور ادارے کے دفاتر میں مداخلت نہ کرنے کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل اقوام متحدہ کی ریلیف اینڈ ورکس ایجنسی مشرقی بیت المقدس
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر