سرکاری کالجز کے خراب نتائج کی اصل وجوہات کا تعین کیا جائے، نگران وزیر اعلیٰ جی بی کی ہدایت
اشاعت کی تاریخ: 12th, December 2025 GMT
جسٹس (ر) یار محمد نے اجلاس سے خطاب کرتے ہوئے کہا کہ چیک اینڈ بیلنس سسٹم کے ساتھ سخت سزاء و جزاء کا نظام نافذ کیا جائے۔ نااہلی اور ناقص نتائج کے ذمہ داروں کے خلاف محکمانہ کارروائی کی جائے۔انسپکشن ٹیمیں تجربہ کار ماہرین پر مشتمل ہونی چاہئیں اور اساتذہ کی تربیت پر بھی بھرپور توجہ دی جائے۔ اسلام ٹائمز۔ نگران وزیر اعلیٰ گلگت بلتستان جسٹس (ر) یار محمد نے صوبائی سیکریٹری ہائیر، ٹیکنیکل اینڈ سپیشل ایجوکیشن کی جانب سے دی جانے والی محکمانہ بریفنگ کے موقع پر گفتگو کرتے ہوئے کہا ہے کہ جی بی میں ٹیکنیکل ایجوکیشن، ٹورزم اور ہاسپٹیلٹی کے شعبوں میں وسیع مواقع موجود ہیں جن سے فائدہ اٹھانے کیلئے متعلقہ تعلیمی پروگراموں کا آغاز کرنے کی ضرورت ہے۔ نگران وزیر اعلیٰ نے صوبائی سیکریٹری ہائیر، ٹیکنیکل اینڈ سپیشل ایجوکیشن کو ہدایت کی کہ خصوصی بچوں کی تعلیم پر توجہ دی جائے تاکہ وہ معاشرے کے باوقار اور کامیاب شہری بن کر تعمیر و ترقی میں اپنا کردار ادا کر سکیں۔ نگران وزیر اعلیٰ نے کہا کہ سرکاری کالجز کے خراب نتائج کی اصل وجوہات کا تعین کیا جائے۔ چیک اینڈ بیلنس سسٹم کے ساتھ سخت سزاء و جزاء کا نظام نافذ کیا جائے۔ نااہلی اور ناقص نتائج کے ذمہ داروں کے خلاف محکمانہ کارروائی کی جائے۔انسپکشن ٹیمیں تجربہ کار ماہرین پر مشتمل ہونی چاہئیں اور اساتذہ کی تربیت پر بھی بھرپور توجہ دی جائے۔
نگران وزیر اعلیٰ نے کہا کہ ملک کی بڑی اور اعلیٰ یونیورسٹیز کیلئے طلبہ کی نامزدگیاں سو فیصد میرٹ پر کی جائیں اور شفافیت کو یقینی بنانے کیلئے نومینیشن سسٹم کو مکمل طور پر آن لائن کیا جائے۔ کالجز سے فارغ التحصیل طلبہ کو معاشرے کی ترقی میں اپنا موثر کردار ادا کرنا چاہیے جبکہ کالج سطح پر گرامر کو لازمی تدریس میں شامل کیا جائے۔ نگران وزیر اعلیٰ نے کہا کہ سپیشل ایجوکیشن سنٹرز پر خصوصی توجہ دی جائے۔ خصوصی بچوں کی فلاح و بہبود اور تربیت حکومت کی بنیادی ذمہ داری ہے اور انہیں ترجیحات میں شامل کیا جانا چاہیے۔ سپیشل ایجوکیشن سنٹر میں ڈاکٹر کی تعیناتی جلد عمل میں لائی جائے اور سپیشل ایجوکیشن کے ریکروٹمنٹ رولز کو جلد حتمی شکل دے کر منظوری کیلئے پیش کیا جائے۔ ٹیکنیکل ایجوکیشن کے فروغ سے گلگت بلتستان میں بے روزگاری میں نمایاں کمی لائی جا سکتی ہے، جس کو مدنظر رکھتے ہوئے ٹیکنیکل ایجوکیشن کو جدید تقاضوں کے مطابق وسعت دی جائے۔
ذریعہ: Islam Times
کلیدی لفظ: نگران وزیر اعلی سپیشل ایجوکیشن توجہ دی جائے کیا جائے کہا کہ
پڑھیں:
دادو، نئی گاج ڈیم پر8 ماہ سے کام بند،وفاق کا نوٹس، کام شروع
دادو(نیوزڈیسک) نئی گاج ڈیم پر گزشتہ آٹھ ماہ سے جاری تعطل کے معاملے نے بالآخر اعلیٰ سطح پر توجہ حاصل کر لی، وزیرِ اعظم کی معائنہ کمیشن ٹیم نے ڈیم پر کام کی بندش کا نوٹس لیتے ہوئے فوری کام شروع کرنے کا حکم دے دیا۔
وزیراعظم انسپیکشن کمیشن نے چیف سیکریٹری سندھ کو باضابطہ خط ارسال کرتے ہوئے صورتحال پر سخت تشویش کا اظہار کیا ہے۔ خط میں کہا گیا ہے کہ نئی گاج ڈیم پر کام بند ہونا تشویشناک ہے اور واپڈا کو ہدایت کی گئی ہے کہ تمام رکاوٹیں دور کر کے تعمیراتی کام فی الفور بحال کیا جائے۔
کمیشن نے ایک ہفتے کے اندر انکوائری رپورٹ فراہم کرنے کی بھی ہدایت کی ہے تاکہ ذمہ داروں کا تعین کیا جا سکے اور منصوبے کو مزید تاخیر سے بچایا جائے۔تحقیقات کے دوران سامنے آنے والے حقائق کے مطابق ڈیم کی تعمیر آٹھ ماہ سے عدم ادائیگیوں کے باعث رکی ہوئی ہے۔
کمیشن نے اس صورتحال پر سخت ناراضی ظاہر کرتے ہوئے کمشنر حیدرآباد اور ڈپٹی کمشنر دادو کو ہدایت کی ہے کہ نجی مالکان کو واجبات کی ادائیگی کا عمل فوری تیز کیا جائے،دوسری جانب کنٹریکٹر نے تصدیق کی ہے کہ تعمیراتی کام معطل کرنے کی بنیادی وجہ تصدیق شدہ ادائیگیوں کا نہ ملنا ہے،جس کے باعث منصوبہ طویل عرصے سے رکاؤ کا شکار ہے
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر