کراچی: تھانے کے باہر کھڑی شہریوں کی 40 سے 50 موٹرسائیکلوں میں پراسرار آتشزدگی
اشاعت کی تاریخ: 12th, January 2025 GMT
کراچی:
سولجر بازار تھانے کے باہر کھڑی شہریوں کی 40 سے 50 موٹرسائیکلوں میں لگنے والی آگ پر قابو پالیا گیا۔
رپورٹ کے مطابق سولجر بازار کے باہر 40 سے 50 موٹرسائیکلوں میں آگ لگ گئی ، فائربریگیڈ کی ایک گاڑی نے آگ پر قابو پالیا۔
سولجر بازار تھانے کے باہر کھڑی شہریوں کی 40 سے 50 موٹرسائیکلوں میں پراسرار طور پر آگ لگ گئی ، اطلاع ملنے پر پولیس موقع پر پہنچ گئی اور فائربریگیڈ کے عملے کو طلب کرلیا، فائر بریگیڈ ایک گاڑی نے موقع پر پہنچ کر ایک گھنٹے کی جدوجہد کے بعد آگ پر قابو پالیا۔
ایس ایچ او سولجر بازار وقار عظیم کا کہنا ہے کہ جلنے والی موٹرسائیکلیں کیس پراپرٹی نہیں ہیں بلکہ کچرے میں موٹرسائیکلوں کے پارٹس، چیچز، انجن ، ٹائر ، رقم ، سیٹیں وغیرہ پڑی تھیں۔
ان کا کہنا تھا کہ کچرے میں لگنے والی آگ بھڑکی جس نے کچرے میں پڑے موٹرسائیکلوں کے پارٹس کو بھی اپنی لپیٹ میں لے لیا ، آتش زدگی کے باعث کوئی جانی نقصان نہیں ہوا ۔
.
ذریعہ: Express News
کلیدی لفظ: سولجر بازار کے باہر
پڑھیں:
میئر کا واٹر کارپوریشن کے ہیڈ آفس اور مرکزی کال سینٹر کا دورہ
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) میئر کراچی و چیئرمین کراچی واٹر کارپوریشن بیرسٹر مرتضیٰ وہاب نے واٹر کارپوریشن کے ہیڈ آفس اور مرکزی کال سینٹر کا اچانک دورہ کیا جہاں انہوں نے شہریوں کی شکایات کے ازالے، سروس ڈیلیوری اور کال سینٹر کے مجموعی آپریشنز کا تفصیلی جائزہ لیا۔ اس موقع پر کال سینٹر انتظامیہ نے میئر کراچی کو پانی کی فراہمی، سیوریج سسٹم، مین ہول کورز اور دیگر شہری مسائل سے متعلق موصول ہونے والی شکایات اور ان کے حل کی رفتار پر خصوصی بریفنگ دی۔ دورے کے دوران میئر کراچی نے مختلف شکایت کنندگان سے ٹیلیفون پر براہِ راست گفتگو بھی کی اور دریافت کیا کہ آیا ان کی شکایات کا ازالہ مقررہ وقت میں کیا گیا یا نہیں۔ شہریوں نے اپنی شکایات 24 گھنٹوں کے اندر حل ہونے پر میئر کراچی کا شکریہ ادا کیا اور واٹر کارپوریشن کی کارکردگی کو سراہا۔ اس موقع پر میئر کراچی کا کہنا تھا کہ شہری واٹر کارپوریشن سے متعلق ہر قسم کی شکایت، خصوصاً کھلے مین ہول کورز، پانی کی فراہمی میں رکاوٹ یا سیوریج مسائل کے لیے فوری طور پر ہیلپ لائن 1334 پر رابطہ کریں۔ انہوں نے بتایا کہ واٹر کارپوریشن شکایات پر چوبیس گھنٹوں کے اندر مؤثر کارروائی کو یقینی بنا رہی ہے۔ انہوں نے کہا واٹر کارپوریشن شہریوں کی سہولت کے لیے پوری محنت اور سنجیدگی کے ساتھ کام کر رہی ہے۔ بیشتر شکایات فوری نوعیت کی تھیں جنہیں بروقت نمٹایا گیا ہے، جبکہ چند بڑے مسائل انفرا اسٹرکچر سے متعلق ہیں جن کا مستقل حل بھی جلد فراہم کردیا جائے گا۔ انہوں نے مزید کہا کہ شہریوں کو سہولیات کی فراہمی ہماری اولین ترجیح ہے اور شہر کے ہر علاقے میں بہتری کے لیے تمام وسائل بروئے کار لائے جا رہے ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر