ٹیلی گرام کا ڈبل شاہ کیسے شہریوں سے لاکھوں روپے لوٹ رہا ہے؟
اشاعت کی تاریخ: 14th, January 2025 GMT
پیسہ کمانے کا شوق ہر انسان کو ہوتا ہے، اگر یہ شوق جنون میں بدل جائے تو انسان سوچنے لگتا ہے کہ اگر کم وقت اور محنت سے اکاؤنٹ میں رقم آنا شروع ہوجائے تو اس میں کیا برائی ہے، اس سے تو خاندان کا فائدہ ہی ہوگا۔ عام طور پر ایسی ہر کہانی کا آغاز انٹرنیٹ سے پیسہ کمانے کے خواب سے شروع ہوتی ہے۔
ایک ایسے ہی پاکستانی شہری نے ایک طویل عرصہ انٹرنیٹ سے پیسہ کمانے کی کوششوں میں صرف کردیا، بالآخر کئی سال بعد اسے کامیابی حاصل ہوئی اور اس کے اکاؤنٹ میں ایک بڑی رقم بھی آگئی۔
یہ بھی پڑھیں: سائبر کرائم: ریٹائرڈ فوجیوں کے اکاؤنٹس کے ذریعہ ٹیکس فراڈ کا انکشاف
ہوا کچھ یوں کہ ایک بھارتی کمپنی نے سوشل میڈیا ایپ ٹیلی گرام کے ذریعے ایک پاکستانی شہری سے رابطہ کیا اور اسے ایک ’ٹیسٹ ٹاسک‘ دیا۔ اسے ایک لنک بھیجا گیا اور کہا گیا کہ 3 منٹ کے اندر اس لنک کو کھول کر اشیا کو کارٹ میں ڈالیں اور اس کا اسکرین شاٹ بھیجیں۔ پاکستانی شہری نے یہ ٹاسک کامیابی سے مکمل کیا۔
ٹسک کی کامیابی سے تکمیل پر اسے مبارک باد کا پیغام موصول ہوتا ہے کہ آپ اس کمپنی کے عارضی ملازم بن چکے ہیں اور اب آپ نے ٹیلی گرام پر موجود گروپ میں لنکس کی شکل میں آنے والے اہداف مکمل کرنے ہیں۔
’ایسا لگا جیسے میرا خواب پورا ہورہا ہے‘پاکستانی شہری نے نام ظاہر نہ کرنے کی شرط پر وی نیوز کو بتایا کہ ٹیلی گرام کے گروپ میں ہمیں اسائنمنٹس دی جاتی تھیں، اس گروپ میں ایسے لوگ بھی تھے جو رقم ملنے پر کمپنی کا شکریہ ادا کرتے تھے جبکہ باقی لوگ مبارک دیا کرتے تھے۔
یہ بھی پڑھیں: واٹس ایپ کا نیا سیفٹی فیچر آپ کو سائبر کرائم اور فراڈ سے کیسے بچائے گا؟
اس نے بتایا کہ بظاہر ایسا لگتا تھا کہ ایک خواب اس نوکری کی شکل میں پورا ہو رہا ہے، یہ ایسا کام تھا جس میں آپ کو کہیں جانا بھی نہیں پڑتا، جہاں بیٹھے ہیں، وہیں سے جب چاہا کام کرلیا۔
’جب مجھے پہلی تنخواہ ملی‘مذکورہ شخص نے بتایا، ’ایک ماہ گزرنے کے بعد مجھے کہا گیا کہ آپ اکاؤنٹ نمبر بھیجیں تاکہ آپ کو پہلے مہینے کی تنخواہ بھجوائی جاسکے، یوں مجھے پہلے مہینے کی تنخواہ 20 ہزار پاکستانی روپے موصول ہوئے جو میرے حساب سے اس کمپنی کو ٹھیک ثابت کرنے کے لیے کافی تھا‘۔
یہ بھی پڑھیں: ’ریما خان فراڈ ہیں‘، قطر سے آئے شخص کا سابقہ اداکارہ پر الزام
انہوں نے کہا کہ تنخواہ ملنے پر میں پہلے سے زیادہ پرجوش تھا، اس دوران کمپنی نے ایک آفر دی کہ ابھی تک آپ اس کمپنی کے عارضی ممبر ہیں، مستقل ممبر بننے کے لیے آپ ایک لاکھ روپے بھیجیں جو آپ کی سیکیورٹی کے طور پر ہم رکھیں گے اور کمپنی چھوڑنے پر آپ کو بھیج دیے جائیں گے، مستقل ممبر بننے کا فائدہ یہ ہوگا کہ آپ کو مزید بہتر آفرز دی جائیں گی جس سے آپ دگنی رقم کما سکتے ہیں۔
’مستقبل کے خواب‘ان کا کہنا تھا کہ کمپنی کی جانب سے 20 ہزار روپے ملنے کے بعد اندازہ ہوچکا تھا کہ یہ فراڈ تو نہیں ہوسکتا، اس لیے میں نے ایک لاکھ روپے بھیج دیے اور مستقبل کے خواب دیکھنے لگا، لیکن رقم مبینہ کمپنی کو موصول ہونے کے بعد اس کمپنی نے مجھے ہر پلیٹ فارم سے بلاک کردیا، پہلی بار جب ٹیلی گرام گروپ میرے لیے ناقابل استعمال ہوا تو اندازہ ہوگیا کہ کچھ گڑبڑ ہے، اس کے بعد واٹس ایپ چیک اور ای میل چیک کیا لیکن کہیں سے کوئی رابطہ نہیں ہوسکا۔
یہ بھی پڑھیں: واٹس ایپ ہیکنگ سے وائس کلوننگ تک، آن لائن فراڈ کے نت نئے طریقے
ان کا مزید کہنا تھا کہ یوں اس فراڈ کمپنی نے مجھے 20 ہزار روپے دے کر مجھ سے 80 ہزار روپے لوٹ لیے۔ ان کا کہنا تھا کہ ابھی تک میں نے کہیں شکایت درج نہیں کرائی لیکن مشورہ کرکے فیصلہ کروں گا کہ شکایت کا اندراج کرانا ہے یا نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اکاؤنٹ آن لائن پیسے کمانا آن لائن فراڈ بھارتی کمپنی پاکستانی ٹاسک ٹیلی گرام دھوکا رقم سائبر سیکیورٹی شہری ممبر.ذریعہ: WE News
کلیدی لفظ: اکاؤنٹ ا ن لائن پیسے کمانا ا ن لائن فراڈ بھارتی کمپنی پاکستانی ٹاسک ٹیلی گرام سیکیورٹی پاکستانی شہری ٹیلی گرام کے بعد تھا کہ
پڑھیں:
ایتھوپیا: امدادی کٹوتیوں کے باعث لاکھوں افراد کو فاقہ کشی کا سامنا
اسلام آباد (اُردو پوائنٹ ۔ UN اردو۔ 22 اپریل 2025ء) ایتھوپیا میں اقوام متحدہ کے پروگرام برائے خوراک (ڈبلیو ایف پی) کے لیے امدادی وسائل کی قلت کے نتیجے میں غذائی کمی کا شکار 650,000 خواتین اور بچوں کو ضروری غذائیت و علاج کی فراہمی بند ہو جائے گی۔
ملک میں ادارے کے ڈائریکٹر زلاٹن میلیسک کا کہنا ہے کہ اس کے پاس باقیماندہ وسائل سے ان لوگوں کو رواں ماہ کے آخر تک ہی مدد فراہم کی جا سکتی ہے۔
اگر ہنگامی بنیاد پر مدد نہ آئی تو ملک میں مجموعی طور پر 36 لاکھ لوگ 'ڈبلیو ایف پی' کی جانب سے مہیا کردہ خوراک اور غذائیت سے محروم ہو جائیں گے۔ Tweet URLانہوں نے بتایا ہے کہ ملک میں ایک کروڑ سے زیادہ لوگوں کو شدید غذائی عدم تحفظ کا سامنا ہے۔
(جاری ہے)
ان میں جنگ اور موسمی شدت کے باعث بے گھر ہونے والے 30 لاکھ لوگ بھی شامل ہیں۔بچوں میں بڑھوتری کے مسائلایتھوپیا میں 40 لاکھ سے زیادہ حاملہ و دودھ پلانے والی خواتین اور چھوٹے بچوں کو غذائی قلت کا علاج درکار ہے۔ ملک میں بہت سی جگہوں پر بچوں میں بڑھوتری کے مسائل 15 فیصد کی ہنگامی حد سے تجاوز کر گئے ہیں۔ 'ڈبلیو ایف پی' نے رواں سال 20 لاکھ خواتین اور بچوں کو ضروری غذائی مدد پہنچانے کی منصوبہ بندی کی ہے لیکن اسے گزشتہ سال کے مقابلے میں نصف سے بھی کم مقدار میں امدادی وسائل موصول ہوئے ہیں۔
زلاٹن میلیسک نے کہا ہے کہ ادارے کے پاس مقوی غذا کے ذخائر ختم ہو رہے ہیں اسی لیے جب تک مدد نہیں پہنچتی اس وقت تک یہ پروگرام بند کرنا پڑے گا۔
امدادی خوراک میں کمی'ڈبلیو ایف پی' نے رواں سال کے پہلے تین ماہ میں 30 لاکھ سے زیادہ لوگوں کو غذائیت فراہم کی ہے۔ ان میں شدید غذائی قلت کا شکار 740,000 بچے اور حاملہ و دودھ پلانے والی خواتین بھی شامل ہیں۔
وسائل کی قلت کے باعث ادارے کی جانب سے لوگوں کو امدادی خوراک کی فراہمی بھی متاثر ہوئی ہے۔ گزشتہ ڈیڑھ سال میں 800,000 لوگوں کو فراہم کی جانے والی خوراک کی مقدار کم ہو کر 60 فیصد پر آ گئی ہے جبکہ بے گھر اور غذائی قلت کا سامنا کرنے والوں کی مدد میں 20 فیصد تک کمی ہوئی ہے۔
شمالی علاقے امہارا میں مسلح گروہوں کے مابین لڑائی کی اطلاعات ہیں جہاں لوٹ مار اور تشدد کے واقعات بڑھ گئے ہیں۔
ان حالات میں ادارے کے عملے کو لاحق تحفظ کے مسائل کی وجہ سے ضروری امداد کی فراہمی میں خلل آیا ہے۔22 کروڑ ڈالر کی ضرورتاطلاعات کے مطابق، اورومیا میں بھی لڑائی جاری ہے جبکہ ٹیگرے میں تناؤ دوبارہ بڑھ رہا ہے جہاں 2020 سے 2022 تک جاری رہنے والی خانہ جنگی میں تقریباً پانچ لاکھ لوگ ہلاک ہو چکے ہیں۔
'ڈبلیو ایف پی' امدادی وسائل کی کمی اور سلامتی کے مسائل کے باوجود ہر ماہ سکول کے 470,000 بچوں کو کھانا فراہم کر رہا ہے۔
ان میں 70 ہزار پناہ گزین بچے بھی شامل ہیں۔ ادارے نے خشک سالی سے متواتر متاثر ہونے والے علاقے اورومیا میں لوگوں کے روزگار کو تحفظ دینے کے اقدامات بھی کیے ہیں۔ادارے کو ملک میں 72 لاکھ لوگوں کے لیے ستمبر تک اپنی امدادی کارروائیاں جاری رکھنے کی غرض سے 22 کروڑ ڈالر کی ضرورت ہے۔
اورنگی میں ڈکیتی مزاحمت پر قتل شہری کی والدہ بچوں کی تعلیم کیلئے فکرمند