مائیک ٹائسن نے جیک پال سے شکست کے بعد 13 ملین ڈالر کا پرتعیش محل خرید لیا
اشاعت کی تاریخ: 17th, January 2025 GMT
سابق عالمی ہیوی ویٹ چیمپئن مائیک ٹائسن نے اپنی باکسنگ کے بعد کی زندگی کو ایک نئی سمت دی ہے اور فلوریڈا کے علاقے ڈیلرے بیچ میں 13 ملین ڈالر کی شاندار جائیداد خرید کر مداحوں کو حیران کردیا۔
یہ خریداری جیک پال کے خلاف ہونے والے ہائی پروفائل مقابلے کے دو ماہ بعد ہوئی، جو مائیک ٹائسن کی پروفیشنل باکسنگ کے کیریئر کا آخری مقابلہ تھا۔
نومبر 15 کو ہونے والے اس مقابلے نے دنیا بھر کے شائقین کو اپنی طرف متوجہ کیا، جہاں 80 ہزار افراد نے اسٹیڈیم میں بیٹھ کر مقابلہ دیکھا اور 60 ملین افراد نے نیٹ فلکس پر براہ راست اس کا لطف اٹھایا۔
اگرچہ مائیک ٹائسن کو جیک پال کے خلاف متفقہ فیصلے میں شکست کا سامنا کرنا پڑا، لیکن انہوں نے اسے اپنی ذاتی فتح قرار دیا۔
ٹائسن نے سوشل میڈیا پر کہا، "یہ ان لمحات میں سے ایک تھا جب آپ شکست کھا کر بھی جیت جاتے ہیں۔ میں نے اپنی صحت کے مسائل کو شکست دی اور اپنے بچوں کے سامنے ایک کم عمر فائٹر کے ساتھ مقابلہ کیا، جو میرے لیے سب سے بڑی کامیابی ہے۔"
8 جنوری کو خریدی گئی یہ جائیداد 12,000 مربع فٹ پر محیط ہے، جس میں چھ بیڈروم، نو باتھ رومز، ایک نجی جھیل، 80 فٹ کا پول اور سپا شامل ہیں۔ اس کے علاوہ ایک مکمل جم، چار کاروں کا گیراج، اور وسیع و عریض گراونڈز بھی ہیں جو مکمل پرائیویسی فراہم کرتے ہیں۔
ٹائسن کی اہلیہ، لاکِیہ "کی کی" ٹائسن کا نام بھی اس پراپرٹی کے دستاویزات میں شامل ہے، جو ان کی دیرینہ شراکت داری کی عکاسی کرتا ہے۔
جیک پال کے خلاف مائیک ٹائسن کا یہ مقابلہ نہ صرف ان کے کیریئر کا آخری مقابلہ تھا بلکہ نیٹ فلکس پر لائیو نشر ہونے والا پہلا بڑا باکسنگ ایونٹ بھی تھا۔ اس مقابلے سے ٹائسن نے 20 ملین ڈالر کمائے۔
.
ذریعہ: Express News
کلیدی لفظ: ٹائسن نے
پڑھیں:
پاکستانی باکسر عثمان وزیر نے بھارتی حریف کو پہلے راؤنڈ میں شکست دیدی
پاکستانی باکسر عثمان وزیر نے جمعرات کو سنسنی خیز کارکردگی کا مظاہرہ کرتے ہوئے اپنے بین الاقوامی رینکنگ باؤٹ کے پہلے راؤنڈ میں اپنے بھارتی حریف ایس ایشورن کو ٹیکنیکل ناک آؤٹ کردیا۔
پاکستان اور بھارت کے درمیان کھیلوں کی تاریخی رقابت کے پیش نظر بنکاک کے ورلڈ سیام اسٹیڈیم میں منعقدہ باکسنگ کے اس مقابلے کی انتہائی چرچا تھی، مذکورہ مقابلہ عثمان وزیر کی 16ویں پیشہ ورانہ فائٹ تھی۔
23 سالہ عثمان وزیر نے اپنے ناقابل شکست ریکارڈ کو ایک اور جہت دیتے ہوئے ابتدائی راؤنڈ میں فائٹ صرف ایک منٹ اور 41 سیکنڈ میں ختم کردی۔
یہ بھی پڑھیں: ویڈیوز سے سیکھ کر عالمی باکسنگ مقابلے جیتنے والے انجینیئر ریحان اظہر
جیسے ہی مقابلے کے آغاز کی گھنٹی بجی، عثمان وزیر نے وقت ضائع کیے بغیر پہلا حملہ داغا جس نے لڑائی کی رفتار اور جارحیت کا تعین کردیا، ایشورن نے اپنے تئیں جارحیت کے ساتھ جواب دیا اور یوں مقابلہ تیزی سے مکوں کے دھماکہ خیز تبادلے میں تبدیل ہوگیا۔
تاہم، عثمان وزیر نے اعلیٰ تکنیک اور سمجھداری کا مظاہرہ کرتے ہوئے زور دار ضربوں کا ایک سلسلہ شروع کیا جس نے ایشورن کو دو بار گرنے پر مجبور کردیا اور یوں ریفری کو مقابلہ روکنے کے لیے مداخلت کرنا پڑی۔
’ایشین بوائے‘ کے نام سے موسوم عثمان وزیر نے باکسنگ کی دنیا میں پہلے ہی دھوم مچارکھی ہے، وہ اس سے قبل ورلڈ یوتھ ٹائٹل، ایشین ٹائٹل، اور مڈل ایسٹ ٹائٹل سمیت متعدد اعزازات اپنے نام کر چکے ہیں۔
مزید پڑھیں: پاکستان باکسنگ فیڈریشن کے عہدیداروں کا انتخاب
عثمان وزیر کی کامیابیوں نے نہ صرف انہیں عالمی سطح پر پہچان عطا کی ہے بلکہ پاکستان اور ان کے آبائی علاقے گلگت بلتستان کے لیے بھی بہت بڑے فخر کا باعث بنی ہیں۔
بھارتی باکسر کیخلاف اپنی زبردست فتح کے بعد، عثمان وزیر نے اظہار تشکر کے ساتھ اتحاد کا ایک بھرپور پیغام دیا۔
’اس جیت کے لیے الحمدللہ۔ میں ہائی لینڈ باکسنگ پروموشن، اپنے اسپانسرز اور سندھ حکومت کا ان کے تعاون کے لیے شکر گزار ہوں۔‘
مزید پڑھیں: ورلڈ باکسنگ کونسل ایشیا ٹائٹل کا کامیاب دفاع، پاکستانی باکسر کے ہاتھوں بھارتی ناک آؤٹ
انہوں نے اپنے مقابلے سے جڑے سوشل میڈیا پر بڑھتے ہوئے اختلافات کے حوالے سے سرحد کے دونوں طرف موجود شائقین پر زور دیا کہ وہ امن کو قبول کریں۔
’میں نے اس (فائٹ) کا موازنہ ہندوستان اور پاکستان کی جنگ سے کرتے ہوئے دیکھا، میں دونوں ممالک سے مخلصانہ درخواست کرتا ہوں، ہم امن چاہتے ہیں، تقسیم کرنے کی بجائے کھیلوں کو ہمیں ایک دوسرے کے قریب لانے دیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی حریف سوشل میڈیا عثمان وزیر گلگت ورلڈ یوتھ ٹائٹل
پشاور میں سماعت سے محروم بچوں کیلئے کوکلیئر امپلانٹ پروگرام کا آغاز