اسرائیل کی ناجائز ریاست کو کسی صورت تسلیم نہیں کیا جاسکتا، منعم ظفر
اشاعت کی تاریخ: 17th, January 2025 GMT
اجتماع سے خطاب کرتے ہوئے امیر جماعت اسلامی کراچی نے کہا کہ قائداعظم نے بھی واضح اور دوٹوک انداز میں کہا تھا کہ اسرائیل مغرب کا ناجائز بچہ ہے اسے کبھی تسلیم نہیں کریں گے، نیتن یاہو نے کُھل کر گریٹر اسرائیل کی بات کرنا شروع کردی، تمام مسلم ممالک نے اسرائیل کو فلسطینیوں کی نسل کشی کی چھوٹ دے رکھی ہے۔ اسلام ٹائمز۔ امیر جماعت اسلامی پاکستان حافظ نعیم الرحمن کی اپیل پر حماس اسرائیلی جنگ بندی 15 ماہ سے جاری اسرائیلی جارحیت و دہشت گردی کے باوجود اہل غزہ و فلسطین کی مزاحمت اور حماس کے مجاہدین کی تاریخی کامیابی پر ملک گیر سطح پر ”یوم عزم تشکر“ کراچی میں بھرپور طریقے سے منایا گیا، شکرانے نے نوافل ادا کیے اور اہل غزہ سے اظہار یکجہتی کیا گیا، آئمہ مساجد نے خطبات جمعہ میں امریکہ و اسرائیل کی مذمت کی اور اہل غزہ و فلسطین کی حمایت کے حوالے سے گفتگو کی۔اسماعیل ہنیہ، یحیٰ سنوار سمیت تمام شہداء خواتین، بچوں، بزرگوں اور نوجوانوں کی قربانیوں اور جدوجہد کو خراج تحسین پیش کیا گیا۔
امیر جماعت اسلامی کراچی منعم ظفر خان نے اورنگی ٹاؤن میں شرکاء سے خطاب کرتے ہوئے کہا کہ غزہ و فلسطین میں حماس کے مجاہدین نے پوری دنیا کے باضمیر انسانوں کو تاریخی جدوجہد اور قربانیوں سے اپنی جانب متوجہ کیا، معاہدے پر عملدرآمد کے نتیجے میں چند سو اسرائیلی فوجیوں کے بدلے ہزاروں فلسطینی مسلمانوں کی رہائی ممکن ہوگی لیکن امریکہ و اسرائیل کی کوشش ہوگی کہ وہ پاکستان، سعودی عرب اور انڈونیشیا سے مطالبہ کرے کہ اسرائیل کو تسلیم کیا جائے، ہم حکمرانوں اور امریکہ کی طرف دیکھنے والوں کو متنبہ کرتے ہیں اسرائیل کو تسلیم کرنے کا سوچا بھی گیا تو زبردست عوامی مزاحمت کا سامنا کرنا پڑے گا۔
منعم ظفر خان نے مزید کہا کہ اسرائیل کی ناجائز ریاست کو کسی صورت تسلیم نہیں کیا جاسکتا، بانی پاکستان قائداعظم نے بھی واضح اور دوٹوک انداز میں کہا تھا کہ اسرائیل مغرب کا ناجائز بچہ ہے اسے کبھی تسلیم نہیں کریں گے، غزہ کی صورتحال انتہائی خراب ہو چکی ہے، ہزاروں بچے بوڑھے اور خواتین سردی کا شکار ہیں، نیتن یاہو نے کُھل کر گریٹر اسرائیل کی بات کرنا شروع کردی، تمام مسلم ممالک نے اسرائیل کو فلسطینیوں کی نسل کشی کی چھوٹ دے رکھی ہے۔
ذریعہ: Islam Times
کلیدی لفظ: کہ اسرائیل اسرائیل کو تسلیم نہیں اسرائیل کی
پڑھیں:
مقامی حکومتوں کے بغیر مسائل حل نہیں ہوسکتے، ملک احمد خان
data-id="863a0a8" data-element_type="widget" data-widget_type="theme-post-content.default">
251202-8-1
اسلام آباد(مانیٹر نگ ڈ یسک) اسپیکر پنجاب اسمبلی ملک احمد خان کا کہنا ہے کہ مقامی حکومتوں کے بغیر بنیادی مسائل حل نہیں ہوسکتے، ریاست کمزور ہوگی۔ اسپیکر پنجاب اسمبلی نے کہا کہ اسمبلی میں تمام پارٹیوں کی جاندار نمائندگی موجود ہے اور کسی بھی رکن اسمبلی نے مقامی حکومتوں کی مخالفت نہیں کی، اگر مقامی حکومتوں کو اختیارات منتقل نہ کیے گئے تو ریاست کمزور ہوگی، کیونکہ اختیارات بٹنے سے ہی بڑھتے ہیں۔ان کا کہنا تھا کہ جب تک اختیارات نچلی سطح تک نہیں جائیں گے ریاست اور شہری کے درمیان معاہدہ کمزور رہے گا، انہوں نے ملک میں موجود غیر مساوی تقسیم پر بھی تشویش کا اظہار کیا اور کہا کہ گاؤں میں رہنے والے لوگوں کو صاف پانی، پکی سڑکیں اور بہتر انفرااسٹرکچر کی ضرورت ہے۔
اداکار ایتھن براؤن 52 برس کی عمر میں چل بسے