غزہ کے شدید زخمی بچوں کو علاج کے لیے پاکستان منتقل کیا جائے گا، ڈاکٹر یوسف
اشاعت کی تاریخ: 29th, January 2025 GMT
غزہ میں اسرائیلی جارحیت کے دوران زندگی اور موت کی کشمکش میں مبتلا شدید زخمی بچوں کو عنقریب پاکستان میں علاج کے لیے منتقل کیا جائے گا تاکہ ان کی زندگیاں بچائی جا سکیں۔
اس مقصد کے لیے برطانوی ڈاکٹرز پر مشتمل تنظیم ’ڈاکٹرز آف رحمان‘ حکومت پاکستان اور چند دیگر فلاحی اداروں کی مدد سے اس کو ممکن بنانے کے لیے کوشاں ہے۔
برمنگھم میں ایک تقریب کے دوران ’جنگ نیوز‘ سے گفتگو کرتے ہوئے تنظیم کے روح رواں ڈاکٹر یوسف الدین شیخ نے بتایا کہ مزید 150 فلسطینی طلباء کو غزہ سے پاکستان بھیجنے کے انتظامات کیے جا رہے ہیں، جس سے پاکستان میں زیر تعلیم فلسطینی طلباء کی تعداد 325 ہوجائے گی۔
ڈاکٹر یوسف الدین شیخ کا کہنا تھا کہ وہ حکومت پاکستان کی مدد سے تقریباً 100 شدید زخمی بچوں کو علاج کے لیے غزہ سے پاکستان منتقل کرنے کے اقدامات کر رہے ہیں۔
ان کا کہنا تھا کہ خاص طور پر ان بچوں کو پاکستان منتقل کیا جائے گا جنہیں فوری زندگی بچانے والی یا اعضا کی بحالی کی سرجری کی ضرورت ہے کیونکہ غزہ میں ان کے علاج کے لیے کوئی سہولت باقی نہیں رہی۔
انہوں نے مزید کہا کہ وہ ان بچوں کو غزہ سے رفح کراسنگ کے ذریعے مصر اور پھر پاکستان لے جائیں گے، ابتدائی طور پر اگلے چند ہفتوں میں 10 سے 15 بچوں کو پاکستان بھیجا جائے گا، اس مقصد کے لیے انتظامات آخری مراحل میں ہیں۔
یہ منصوبہ جسے ’جی ہوپ‘ (غزہ ہیلتھ آؤٹ ریچ پروگرام فار ایجوکیشن) کہا جاتا ہے، اس وقت سامنے آیا جب ڈاکٹر یوسف الدین شیخ نے پچھلے رمضان کے دوران غزہ میں رضاکارانہ خدمات انجام دیں۔
انہوں نے جنگ نیوز کو بتایا کہ جب وہ پچھلے رمضان میں غزہ میں رضاکارانہ خدمات سر انجام دے رہے تھے ان دنوں تقریباً تمام یونیورسٹیوں پر روزانہ بمباری ہوتی تھی اور زیادہ تر میڈیکل طلباء بے گھر ہوچکے تھے، طبی خدمات فراہم کرنے والا تمام انفراسٹرکچر ملبے میں تبدیل ہوچکا ہے۔
کچھ مہینے قبل ’ڈاکٹرز آف رحمان‘ کے وفد نے برطانیہ میں پاکستان کے ہائی کمشنر ڈاکٹر محمد فیصل کی مدد سے ڈپٹی وزیراعظم اسحاق ڈار سے لندن میں ملاقات کی، جس کے بعد سیکڑوں فلسطینی طلباء کی زندگیوں کو بدلنے اور میڈیکل انفراسٹرکچر کی بحالی کی امید جگائی۔
ڈاکٹر یوسف نے مزید بتایا کہ ان کی تنظیم نے اب تک 45 طلباء کو جنوبی افریقہ، 30 کو ترکی اور 10 کو ناروے بھیجنے کے انتظامات کیے ہیں لیکن پاکستان نے سب سے زیادہ طلباء کو قبول کیا ہے۔
اس موقع پر برطانیہ میں پاکستان کے ہائی کمشنر ڈاکٹر محمد فیصل نے ’ڈاکٹرز آف رحمان‘ کی خدمات کو سراہتے ہوئے کہا کہ ان کی انسانیت دوست کوششیں بے مثال ہیں، خاص طور پر فلسطینی میڈیکل طلباء کو پاکستان میں تعلیم کے مواقع فراہم کرنا امید کا پل بن گیا ہے۔
ڈاکٹر محمد فیصل نے مزید کہا کہ تعلیم سب سے بڑی طاقت ہے، جو انسانوں کو مشکلات پر قابو پانے، زندگی بدلنے اور اپنی کمیونٹی کی خدمت کے قابل بناتی ہے۔
ان کا کہنا تھا کہ وزیراعظم شہباز شریف نے پاکستان میں موجود طلباء سے دو ماہ قبل ملاقات بھی کی اور فلسطینی طلباء سے خطاب میں انہیں یقین دلایا کہ وہ پاکستان کو اپنا دوسرا گھر سمجھیں۔
.ذریعہ: Jang News
کلیدی لفظ: فلسطینی طلباء پاکستان میں علاج کے لیے ڈاکٹر یوسف طلباء کو بچوں کو جائے گا
پڑھیں:
سکھرسول اسپتال،پیڈسٹر فیس گرنے سے مریض خاتون شدید زخمی
data-id="863a0a8" data-element_type="widget" data-widget_type="theme-post-content.default">
251111-05-1
سکھر (نمائندہ جسارت )سکھر سول اسپتال میں پیش آنے والے افسوسناک واقعے میں غفلت اور لاپرواہی کا ایک اور سنگین واقعہ، جہاں اسپتال کے میڈیکل یونٹ ون میں زیرِ علاج 60 سالہ خاتون کے اوپر اچانک پیڈسٹر فین گرنے سے خاتون شدید زخمی ہوگئیں، سرحد کے گاؤں عمر ڈرھو کی رہائشی ضعیف العمر خاتون فاطمہ علاج کی غرض سے سکھر سول اسپتال کے میڈیکل یونٹ ون میں داخل تھیں۔ عینی شاہدین کے مطابق، اچانک وارڈ کی چھت سے نصب پیڈسٹر فین تیز آواز کے ساتھ خاتون کے اوپر آ گرا، جس کے باعث وہ شدید زخمی ہوئیں اور وارڈ میں موجود دیگر مریضوں اور تیمارداروں میں خوف و ہراس پھیل گیا۔زخمی خاتون کو فوری طور پر اسپتال عملے نے آپریشن تھیٹر منتقل کیا، جہاں ڈاکٹروں کے مطابق فاطمہ کی حالت انتہائی تشویشناک ہے۔ ڈاکٹرز کا کہنا ہے کہ خاتون کے سر اور چہرے پر گہری چوٹیں آئیں، جنہیں فوری طبی امداد فراہم کی جا رہی ہے۔واقعے کے بعد اسپتال انتظامیہ حرکت میں آگئی اور متعلقہ یونٹ کے انچارج کو واقعے کی ابتدائی رپورٹ طلب کرلی ۔ اسپتال ذرائع کے مطابق پرانے وارڈز میں لگے برقی آلات کی حالت خستہ ہے، اور اس سے قبل بھی متعدد بار انکی مرمت یا تبدیلی کیلیے متعلقہ حکام کو آگاہ کیا ہے، تاہم کوئی خاطر خواہ اقدام نہیں اٹھایا گیا۔عوامی حلقوںنے سول اسپتال انتظامیہ اور محکمہ صحت سندھ سے مطالبہ کیا ہے کہ واقعے کی انکوائری کرائی جائے۔
ریاست ِ مدینہ کے معالم اور جدید عالمی ترکیب