دبئی کیپیٹلز نے ڈیزرٹ وائپرز کو شکست دیکر آئی ایل ٹی 20 کے فائنل میں جگہ بنالی
اشاعت کی تاریخ: 6th, February 2025 GMT
دبئی کیپیٹلز نے ڈیزرٹ وائپرز کو شکست دیکر آئی ایل ٹی 20 کے فائنل میں جگہ بنالی WhatsAppFacebookTwitter 0 6 February, 2025 سب نیوز
دبئی : دبئی کیپٹلز نے آخری گیند پر سنسنی خیز مقابلے کے بعد ڈیزرٹ وائپرز کو شکست دیکر آئی ایل ٹی 20 سیزن 3 کے فائنل میں جگہ بنالی۔ دبئی انٹرنیشنل اسٹیڈیم میں کھیلے گئے میچ میں گلبدین نائب کی آل راؤنڈ کارکردگی کی بدولت کیپیٹلز نے 5 وکٹوں سے کامیابی حاصل کی۔ قبل ازیں ایلکس ہیلز نے صرف 32 گیندوں پر 67 رنز کی شاندار اننگز کھیل کر میکس ہولڈن کے ساتھ 98 رنز کی شراکت قائم کرتے ہوئے وائپرز کو شاندار آغاز فراہم کیا ۔ تاہم کیپیٹلز نے شاندار جوابی اننگز کھیلتے ہوئے وائپرز کو 7 وکٹوں کے نقصان پر 189 رنز پر محدود کر دیا اور پھر ہدف حاصل کرلیا۔
ابتدائی 6 اوورز کے بعد رنز بننا بند ہوگئے اور صورتحال اس وقت مزید خراب ہو گئی جب لوکی فرگوسن نے 10 ویں اوور میں ایڈم روسنگٹن کو آوٹ کیا انہوں نے 31 گیندوں پر 44 رنز بنائے اس وقت اسکور 2 وکٹوں کے نقصان پر 67 رنز تھا۔ گلبدین نائب اور کپتان سیم بلنگز کو ہدف کو تیزی سے حاصل کرنے کی ذمہ داری ملی بلنگز نے 12 ویں اوور میں محمد عامر کی پٹائی کرتے ہوئے 2 چوکے اور ایک چھکا لگایا، پھر اگلے اوور میں ہسارنگا کو تین چوکے اور ایک چھکا مارا وہ 16 گیندوں پر 38 رنز بنا کر آوٹ ہوئے۔ نائب کے ساتھ روومین پاول بھی موجود تھے۔ کیپیٹلز کو 30 گیندوں پر 52 رنز درکار تھے پاول نے 18 ویں اوور میں ڈیوڈ پین کے ہاتھوں آؤٹ ہونے سے قبل 20 رنز بنائے۔ کیپیٹلز کو آخری اوور میں 12 رنز کی ضرورت تھی اور نائب خوش قسمت تھے کہ انہوں نے پہلی دو گیندوں پر چھ رنز بنائے۔
اگلی گیند پر دھرو پراشر نے انہیں ڈراپ کر دیا لیکن ایک گیند بعد میں اسکور برابر ہونے کی وجہ سے وہ آؤٹ ہو گئے۔ سکندر رضا نے آخری گیند پر باؤنڈری لگا کر رنز کے تعاقب کو یقینی بنایا۔اسے قبل متحدہ عرب امارات کے فرحان خان نے رحمان اللہ گرباز کو آؤٹ کر کے کیپیٹلز کو پہلے ہی اوور میں کامیابی دلا دی۔ ایلکس ہیلز اور میکس ہولڈن نے وائپرز کو چھ اوورز میں ایک وکٹ کے نقصان پر 64 رنز تک پہنچایا۔ ہیلز نے 7 ویں اوور میں سکندر رضا کو لگاتار دو چھکے لگائے اور 28 گیندوں پر نصف سنچری بنائی۔ انہوں نے آئی ایل ٹی 20 میں نویں بار سنگ میل عبور کرنے کے لئے سات چوکے لگائے اور تین بار باؤنڈری پار کی ۔
ہولڈن اچھے پارٹنر ثابت ہوئے اس جوڑی نے 52 گیندوں پر 98 رنز کی شراکت قائم کی تھی۔ وائپرز کا اسکور 10.
ذریعہ: Daily Sub News
کلیدی لفظ: ا ئی ایل ٹی 20 کیپیٹلز نے وائپرز کو
پڑھیں:
ورلڈ ایتھلیٹکس چیمپئن شپ: ارشد ندیم فائنل میں پہنچ گئے
پاکستانی ایتھلیٹس ارشد ندیم ورلڈ ایتھلیٹکس چیمپئن شپ کے فائنل میں پہنچ گئے۔
موصولہ اطلاعات کے مطابق ٹوکیو میں منعقدہ ورلڈ ایتھلیٹکس چیمپئن شپ کوالیفائنگ راؤنڈ میں ارشد ندیم نے تیسری تھرو میں 28۔ 85 میٹر کی تھرو کی۔
دریائے چناب میں ملتان کے مقام پر سیلابی صورتحال برقرار، شہرکو بچانے کیلئے شیرشاہ بند کو توڑنے کا فیصلہ