ایمازون 14 ہزار ملازمین کو فارغ کرنے کا اعلان، AI اثرات کا ذکر
اشاعت کی تاریخ: 28th, October 2025 GMT
دنیا کی سب سے بڑی ای کامرس کمپنی ایمازون نے اپنے کارپوریٹ شعبے میں 14 ہزار ملازمین کو فارغ کرنے کا اعلان کیا ہے۔ یہ فیصلہ کمپنی کی جانب سے مصنوعی ذہانت (AI) کے بڑھتے ہوئے کردار اور نئے مواقع سے فائدہ اٹھانے کی ضرورت کے تناظر میں لیا گیا ہے۔
ابتدائی رپورٹس میں کہا گیا تھا کہ کمپنی ممکنہ طور پر 30 ہزار ملازمین کو فارغ کر سکتی ہے، لیکن اب حتمی تعداد 14 ہزار رکھی گئی ہے۔
ایمازون کی سینیئر نائب صدر بیتھ گیلیٹی نے ملازمین کو لکھے گئے نوٹ میں بتایا کہ یہ اقدام کمپنی کو زیادہ مضبوط بنانے اور وسائل کو ایسے شعبوں میں منتقل کرنے کے لیے ضروری ہے جو کمپنی اور صارفین کے موجودہ اور مستقبل کے لیے اہم ہیں۔ اُن کے مطابق، مصنوعی ذہانت انٹرنیٹ کے بعد سب سے بڑی تبدیلی لا رہی ہے اور اس نے کام کی رفتار اور جدت میں بے مثال اضافہ کیا ہے۔
گیلیٹی نے کہا کہ کمپنی اپنے ڈھانچے کو زیادہ مؤثر اور اختیارات والے بنانے کی کوشش کر رہی ہے تاکہ صارفین اور کاروبار کے لیے تیزی سے کام کیا جا سکے۔ انہوں نے یہ بھی واضح کیا کہ کمپنی متاثرہ ملازمین کی مدد کے لیے اقدامات کر رہی ہے، جہاں ممکن ہو انہیں کمپنی کے اندر نئی ذمہ داریاں دی جائیں گی، اور جہاں ایسا ممکن نہ ہو، وہاں اسپیشل پیکج اور معاونت فراہم کی جائے گی۔
واضح رہے کہ ایمازون کے دنیا بھر میں 15 لاکھ سے زائد ملازمین کام کرتے ہیں، جن میں سے 14 ہزار کی چھانٹی کمپنی کے کارپوریٹ شعبے کو متاثر کرے گی۔
ذریعہ
ذریعہ: Daily Mumtaz
کلیدی لفظ: ملازمین کو کے لیے
پڑھیں:
ٹیسلا نے بچوں کے لیے نئی بیلنس بائیک متعارف کرا دی، قیمت کتنی ہے؟
اسلام آباد: معروف امریکی الیکٹرک گاڑیاں بنانے والی کمپنی ٹیسلا نے 2 سے 5 سال عمر کے بچوں کے لیے نئی بیلنس بائیک متعارف کرا دی ہے، جسے جدید ڈیزائن اور ہلکے وزن کے ساتھ تیار کیا گیا ہے۔
کمپنی کے مطابق یہ ٹیسلا بچوں کی بیلنس بائیک مضبوط مگر ہلکے میگنیشیم فریم پر مشتمل ہے، جبکہ اس میں بچوں کی سہولت کے لیے ایڈجسٹ ہونے والی نشست بھی دی گئی ہے۔ بائیک کے سائیڈ پر ٹیسلا کا نام اور سامنے نمایاں T لوگو بھی موجود ہے۔
یہ بائیک روایتی سائیکل سے مختلف ہے کیونکہ اس میں نہ پیڈل موجود ہیں، نہ موٹر اور نہ ہی بریک۔ بچے اپنے پیروں کی مدد سے اسے چلاتے ہیں، جس سے ان میں توازن برقرار رکھنے اور سائیکل چلانے کی بنیادی مہارت پیدا کرنے میں مدد ملتی ہے۔
کمپنی نے اس منفرد بائیک کی قیمت 225 امریکی ڈالر مقرر کی ہے، جو عام بیلنس بائیکس کے مقابلے میں زیادہ ہے، کیونکہ مارکیٹ میں ایسی بیشتر بائیکس تقریباً 100 ڈالر میں دستیاب ہوتی ہیں۔
قیمت نسبتاً زیادہ ہونے کے باوجود یہ بائیک فروخت کے آغاز کے فوراً بعد آؤٹ آف اسٹاک ہو گئی، جس سے صارفین کی غیر معمولی دلچسپی ظاہر ہوتی ہے۔
ٹیسلا کے مطابق نئی کھیپ کے لیے 31 جولائی سے پری آرڈر دوبارہ شروع کیے جائیں گے۔
کمپنی کا کہنا ہے کہ یہ بائیک 2 سے 5 سال عمر کے بچوں کے لیے موزوں ہے۔ اس کے استعمال کے لیے بچے کی ٹانگ کی کم از کم لمبائی 13.7 انچ (35 سینٹی میٹر) ہونی چاہیے، جبکہ تجویز کردہ زیادہ سے زیادہ وزن 30 کلوگرام اور قابل برداشت زیادہ سے زیادہ وزن 35 کلوگرام رکھا گیا ہے۔
ٹیسلا نے یہ بھی بتایا کہ بائیک کی اسمبلنگ کے لیے درکار تمام ضروری اوزار پیکج میں شامل ہوں گے، جبکہ صارفین کو مکمل ہدایات پر مشتمل استعمال کا کتابچہ بھی فراہم کیا جائے گا۔
ماہرین کے مطابق بچوں کی مصنوعات کی مارکیٹ میں ٹیسلا کی یہ نئی پیشکش کمپنی کی برانڈ توسیع کی حکمت عملی کا حصہ ہے، جس کے ذریعے وہ گاڑیوں کے علاوہ دیگر صارفین کی مصنوعات میں بھی اپنی موجودگی مضبوط بنا رہی ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی