وزیراعظم شہبازشریف کل دو روزہ سرکاری دورے پر متحدہ عرب امارات روانہ ہوں گے
اشاعت کی تاریخ: 9th, February 2025 GMT
اسلام آباد: وزیر اعظم شہباز شریف کل سے 11 فروری تک متحدہ عرب امارات کا 2 روزہ سرکاری دورہ کریں گے۔
وزیر اعظم یہ دورہ متحدہ عرب امارات کے نائب صدر اور وزیر اعظم اور دبئی کے حکمران شیخ محمد بن راشد المکتوم کی دعوت پر کر رہے ہیں۔
ترجمان دفتر خارجہ شفقت علی خان کے مطابق دورے کے دوران وزیراعظم ورلڈ گورنمنٹس سمٹ میں شرکت کریں گے۔ یہ سربراہی اجلاس گورننس، اختراعات اور بین الاقوامی تعاون کے مستقبل پر تبادلہ خیال کے لیے منعقد ہو رہا ہے۔
سربراہ اجلاس میں ریاستوں/حکومتوں کے سربراہان، عالمی پالیسی ساز اور نجی شعبے کی سرکردہ شخصیات کی ایک بڑی تعداد شرکت کرے گی، یہ وزیر اعظم محمد شہباز شریف کا مارچ 2024 میں عہدہ سنبھالنے کے بعد متحدہ عرب امارات کا دوسرا دورہ ہے۔
ترجمان دفتر خارجہ کا کہنا ہے کہ وزیر اعظم کے ہمراہ نائب وزیر اعظم اسحاق ڈار اور کابینہ کے دیگر اہم ارکان سمیت ایک اعلیٰ سطح وفد بھی ہوگا۔ وفد متحدہ عرب امارات و دیگر عالمی شراکت داروں کے ساتھ تعلقات کے استحکام کے پاکستان کے مضبوط عزم کی عکاسی کرتا ہے۔
دورے کے دوران، وزیراعظم ورلڈ گورنمنٹس سمٹ میں کلیدی خطاب کریں گے۔ وزیراعظم کے خطاب میں جامع اقتصادی ترقی، ڈیجیٹل تبدیلی اور گورننس اصلاحات کے لیے پاکستان کے وژن کو اجاگر کیا جائے گا۔
وزیر اعظم متحدہ عرب امارات کی قیادت کے ساتھ دو طرفہ ملاقاتیں بھی کریں گے جبکہ دیگر ممالک کے سربراہان مملکت و حکومت اور بڑی ملٹی نیشنل کمپنیوں کے سرکردہ سربراہان سے بھی ملاقات کریں گے۔
پاکستان اور متحدہ عرب امارات کے درمیان گہرے برادرانہ تعلقات ہیں۔ یہ تعلقات باہمی اعتماد، افہام و تفہیم اور دیرینہ باہمی مفید تعاون پر قائم ہیں۔ متحدہ عرب امارات پاکستان کے اہم اقتصادی اور تزویراتی شراکت داروں میں سے ایک ہے، پاکستان اور متحدہ عرب امارات کا متعدد شعبوں میں مضبوط تعاون ہے۔
ترجمان دفتر خارجہ کے مطابق متحدہ عرب امارات میں پاکستانی تارکین وطن کی دنیا بھر میں پاکستانی تارکین وطن کی دوسری بڑی کمیونٹی ہے جو دونوں ممالک کی ترقی اور کامیابی میں ایک اہم کردار ادا کر رہی ہے، پاکستانی تارکین وطن کی کمیونٹی دونوں ممالک کے درمیان ایک پل کا کام کر رہی ہے۔
وزیراعظم کا دورہ متحدہ عرب امارات کے ساتھ اپنے تعلقات کو مزید مضبوط بنانے، وسیع تر اقتصادی تعاون کے فروغ کا اہم قدم پر دورہ باہمی خوشحالی کے لیے شراکت داری کی نئی راہیں تلاش کرنے کے لیے پاکستان کے غیر متزلزل عزم کی نشاندہی کرتا ہے۔
ذریعہ: Daily Mumtaz
پڑھیں:
شہباز شریف لندن سے وطن واپسی کیلئے روانہ
وزیراعظم نے لندن میں 5 دن قیام کیا، وہ امریکا کے اہم دورے کے بعد لندن آئے تھے اور انہوں نے پاکستانیوں کے مختلف وفود سے اہم ملاقاتیں کیں۔ اسلام ٹائمز۔ وزیراعظم پاکستان محمد شہباز شریف لندن سے وطن واپسی کے لئے روانہ ہو گئے۔ وزیراعظم شہباز شریف نے لندن میں 5 دن قیام کیا، شہباز شریف امریکا کے اہم دورے کے بعد لندن آئے تھے۔ لندن میں وزیراعظم شہباز شریف نے پاکستانیوں کے مختلف وفود سے اہم ملاقاتیں کیں، انہوں نے لندن میں پاکستانی صحافیوں سے بھی اہم نشست کی۔
کراچی، قائد آباد میں پولیس مقابلہ، ڈاکو زخمی حالت میں گرفتار، ایک فرار