وزیراعلیٰ پنجاب مریم نواز نے آسان کاروبار کارڈ کا اجرا کردیا
اشاعت کی تاریخ: 17th, February 2025 GMT
وزیراعلیٰ پنجاب مریم نواز شریف نے صوبے میں آسان قرضے کارڈ پروگرام کا اجرا کردیا ہے، شہریوں کو 10 لاکھ سے 3 کروڑ روپے تک کا قرضہ آسان شرائط پر فراہم کیا جائے گا۔
وزیراعلیٰ پنجاب مریم نواز شریف نے لاہور میں آسان کاروبار پروگرام کی تقریب سے خطاب کرتے ہوئے کہا کہ پچھلے ایک سال میں ملکی معیشت میں بہتری آئی ہے، لوگوں کا معیار زندگی بہتر ہورہا ہے کیوں کہ جب مہنگائی کم ہوتی ہے تو لوگوں کی جیبوں پر بوجھ کم ہوتا ہے۔
یہ بھی پڑھیں: وزیراعلیٰ پنجاب مریم نواز کی سرمایہ کاروں کو بڑی پیشکش
مریم نواز نے کہا کہ جب ہم نے حکومت سنبھالی تو مہنگائی 38 فیصد سے اوپر تھی اس وقت 4 فیصد ہے، پنجاب میں تمام صوبوں کے مقابلے میں آٹا سستا ہے، پنجاب میں روٹی اب بھی 12 روپے کی ہے، مگر میں سمجھتی ہوں کہ اب بھی لوگوں کی تنخواہوں کی نسبت مہنگائی زیادہ ہے، کیوں کہ پچھلے 8، 10 سال میں جو مہنگائی ہوئی ہے اس سے لوگوں کا معیار زندگی گرگیا ہے۔
انہوں نے کہا کہ اگر مہنگائی کم ہونے کا اجر ہر گھر میں پہنچانا ہے تو یہ بہت ضروری ہے کہ لوگوں کو قرضہ فراہم کیا جائے تاکہ وہ اپنا کاروبار شروع کرسکیں، چاہے چھوٹا کاروبار ہو، درمیانے درجے کا ہو یا بڑا کاروبار ہو، میرٹ پر قرضے دے رہے ہیں، قرضوں پر ایک روپیہ بھی سود نہیں لیا جارہ۔
ان کا کہنا تھا کہ ان کے پاس قرضے کے لیے ایک لاکھ 85 ہزار درخواستیں 10 لاکھ کے قرضہ کارڈ کے لیے آئی ہیں، 71 ہزار درخواستیں 3 کروڑ کے قرضہ اسکیم کی پہلی قسط 50 لاکھ کے لیے آئی ہیں، میں بینک آف پنجاب سے کہوں گی وہ لوگوں کو قرضہ فراہمی آسان بنائے، خود چیک کروں گی کہ کتنے لوگوں کو قرضہ ملا ہے۔
یہ بھی پڑھیں: پنجاب واحد صوبہ ہے جہاں مہنگائی کی شرح کم ہے، مریم نواز کا دعویٰ
مریم نواز نے کہا کہ کتنی کالر آئی ہیں کہ باہر نکلو، جلاؤ گھیراؤ کرو اور ایسے کردو، ویسے کردو، ایک بندہ بھی پنجاب سے نہیں نکلا، خیبرپختونخوا میں بھی جولوگ نکلے ہیں وہ سرکاری ملازم تھے سب، اس کی کیا وجہ ہے، ہمیں یہ بتایا گیا کہ بہت مقبول ہیں تو مقبولیت کا پیمانہ کیا ہے، مقبولیت کا یہ پیمانہ ہے کہ ابھی سزائیں سنائیں گئیں، کالز دی گئیں لیکن کسی نے کان نہیں دھرے۔
انہوں نے کہا کہ لوگ اس لیے نہیں نکلے کہ انہوں نے اپنا گھر چلانا ہے، مہنگائی کم ہورہی ہے، نواز شریف کے دور میں مہنگائی 3 فیصد تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آسان کاروبار کارڈ پاکستان پنجاب قرضہ مریم نواز مہنگائی نواز شریف وزیراعلی.ذریعہ: WE News
کلیدی لفظ: ا سان کاروبار کارڈ پاکستان مریم نواز مہنگائی نواز شریف وزیراعلی پنجاب مریم نواز نواز شریف نے کہا کہ کے لیے
پڑھیں:
پاکستان اور جرمنی جمہوریت، برداشت اور پارلیمانی طرزِ حکمرانی پر یقین رکھتے ہیں، مریم نواز
— اسکرین گریبوزیراعلیٰ پنجاب مریم نواز کا کہنا ہے کہ پاکستان اور جرمنی جمہوریت، برداشت اور پارلیمانی طرزِ حکمرانی پر یقین رکھتے ہیں۔ پارلیمانی تعاون عوامی اعتماد اور باہمی تفہیم کا پُل ہے۔
وزیراعلیٰ پنجاب مریم نواز سے جرمن پارلیمنٹ کی رکن دِریا تُرک نَخباؤر کی ملاقات ہوئی۔ ملاقات میں دو طرفہ تعلقات، پارلیمانی تعاون، ماحولیات، کلین انرجی اور دیگر منصوبوں پر گفتگو ہوئی۔
وزیر اعلیٰ پنجاب کا کہنا ہے کہ سیلاب کے دوران اظہار ہمدردی و یکجہتی پاک جرمن دیرینہ دوستی کی عکاسی ہے۔
انہوں نے کہا کہ جرمن تعاون نے پنجاب میں ماحولیات، توانائی اور دیگر شعبوں کے فروغ میں اہم کردار ادا کیا۔ 2024 میں پاکستان اور جرمنی کے درمیان تجارت 3.6 ارب ڈالر تک پہنچنا خوش آئند ہے۔
ان کا کہنا ہے کہ پنجاب جرمنی کی رینیو ایبل انرجی سمیت مختلف شعبوں میں مزید سرمایہ کاری کا خیرمقدم کرتا ہے، تعلیم حکومت پنجاب کے اصلاحاتی ایجنڈے کا بنیادی ستون ہے۔
وزیراعلیٰ پنجاب نے کہا کہ پنجاب نصاب کی جدت، ڈیجیٹل لرننگ اور عالمی تحقیقی روابط کے فروغ پر کام کر رہا ہے، 10 ہزار سے زائد پاکستانی طلبہ جرمن جامعات میں زیرِ تعلیم ہیں۔
ان کا کہنا تھا کہ ثقافتی تعاون مؤثر سفارت کاری ہے، جرمن اداروں کے ساتھ مشترکہ فن و ثقافت کے منصوبوں کا خیرمقدم کرتے ہیں، پاکستان اور جرمنی امن، ترقی اور انسانی وقار کی مشترکہ اقدار کے حامل ہیں۔
وزیراعلیٰ نے فریڈرک ایبرٹ فاؤنڈیشن کے تحت تربیتی ورکشاپس منعقد کرنے کی تجویز پیش کی، جبکہ نوجوانوں کی روزگاری صلاحیت میں اضافے کے لیے جرمن ماڈل اپنانے کی خواہش کا اظہار بھی کیا۔
ایمازون 14 ہزار ملازمین کو فارغ کرنے کا اعلان، AI اثرات کا ذکر