نیشنل ٹی20 کپ؛ شعیب، وہاب جیسے بزرگ جلوہ افروز ہوں گے؟
اشاعت کی تاریخ: 12th, March 2025 GMT
نیشنل ٹی20 کپ کے آغاز 14 مارچ سے ہوگا، جہاں ایک مرتبہ پھر بزرگ کھلاڑی ایکشن میں دیکھائی دیں گے۔
ایونٹ میں 16 ریجنز کی 18 ٹیمیں حصہ لیں گی، ٹورنامنٹ میں 39 میچز 3 شہروں فیصل آباد، لاہور اور ملتان میں کھیلے جائیں گے۔
نیشنل ٹی20 کپ میں قومی ٹیم کے سابق کپتان بابراعظم ایکشن میں دیکھائی نہیں دیں گے، ان کا نام کسی بھی اسکواڈ میں شامل نہیں ہے۔ چند روز قبل بابرکے والد اعظم صدیقی نے اپنی انسٹاگرام پوسٹ میں عندیہ دیا تھا کہ آؤٹ آف فارم بابراعظم نیشنل ٹی20 ایونٹ میں حصہ لیں گے مگر گزشتہ روز سامنے آنے والے اسکواڈز میں سے کسی بھی ٹیم میں بابر شامل نہیں ہیں۔
مزید پڑھیں: عامر نے بھی 90 کی دہائی کے کھلاڑی پر الزامات کی بوچھاڑ کردی
انہیں سلیکشن کمیٹی نے دورہ نیوزی لینڈ کیلئے ٹی 20 اسکواڈ میں شامل نہیں کیا تھا، جس پر ان کے والد نے بابراعظم کی ڈومیسٹک ایونٹ میں شرکت کا عندیہ دیا تھا۔
اسی طرح نیوزی لینڈ کے خلاف ٹی 20 اسکواڈ میں شامل نہ کیے جانے والے محمد رضوان بھی نیشنل ٹی20 کپ میں حصہ نہیں لے رہے ہیں۔
مزید پڑھیں: شدید ردعمل کے بعد وہاب ریاض کا نیشنل ٹی 20 کپ سے دستبرداری کا فیصلہ
تاہم اس کے برعکس 43 سالہ آل راؤنڈر شعیب ملک سیالکوٹ ریجن کی نمائندگی کریں گے، اس ریجن سے نوجوان کھلاڑیوں اذان اویس اور شاہزیب بھٹی کو نظر انداز کردیا گیا ہے۔
سیالکوٹ کو قائداعظم ٹرافی کا فائنل جتوانے والے کھلاڑی شاہزیب کو اسکواڈ کا حصہ نہ بنانے پر سوشل میڈیا پلیٹ فارمز پر تنقید کی جارہی ہے۔
مزید پڑھیں: "موقع ملا تو آئی پی ایل کھیلوں گا"مگر کس ٹیم کیلئے نام بھی بتادیا
دوسری جانب شدید تنقید کے بعد وہاب ریاض نے نیشنل ٹی20 کپ نہ کھیلنے کا فیصلہ کیا تھا تاہم انکی جگہ نوجوان فاسٹ باؤلر احمد بشیر کو لاہور وائٹس کے 15 رکنی اسکواڈ میں شامل کرلیا گیا ہے۔
.ذریعہ: Express News
کلیدی لفظ: اسکواڈ میں نیشنل ٹی20 کپ
پڑھیں:
بھارت کے اعلانات غیر مناسب ، ترکی بہ ترکی جواب دیا جائے گا: وزیر خارجہ
اسلام آباد ( ڈیلی پاکستان آن لائن )نائب وزیراعظم اور وزیر خارجہ سینیٹر اسحاق ڈار نے کہا ہے کہ بھارت کے اعلانات میں غیر سنجیدگی نظر آتی ہے، بھارت کو ترکی بہ ترکی جواب دیا جائے گا۔
"جیو نیوز" کے پروگرام" آج شاہزیب خانزادہ کے ساتھ 'میں گفتگو کے دوران اسحاق ڈار نے کہا کہ بھارت نے جو اعلانات کیے وہ غیر مناسب ہیں۔بھارت نے دہشت گردی کے واقعات کے کوئی شواہد پیش نہیں کیے، بھارت کے اعلانات میں غیر سنجیدگی نظر آتی ہے۔ کل نیشنل سیکیورٹی کمیٹی کا اجلاس طلب کرلیا گیا ہے، دہشت گردی واقعات کا غصہ اس طرح نکالنا مناسب نہیں۔ بھارت اپنے مسائل کا ملبہ پاکستان پر ڈال دیتا ہے، بھارتی اقدامات کا جواب کل مل جائے گا، نیشنل سیکیورٹی کمیٹی جواب دے گی۔
ستاروں کی روشنی میں آپ کا آج (جمعرات) کا دن کیسا رہے گا ؟
مزید :
کرکٹرز نے مجھے اپنی نامناسب تصاویر بھیجیں بھارتی کوچ کی بیٹی کے انکشافات