الکا یاگنک نے اے آر رحمان کے گانے کو ٹھکرانے کا انکشاف کر دیا
اشاعت کی تاریخ: 23rd, March 2025 GMT
ممبئی: بالی وڈ کی معروف پلے بیک گلوکارہ الکا یاگنک نے انکشاف کیا ہے کہ انہوں نے ماضی میں موسیقار اے آر رحمان کی پیشکش کو مسترد کر دیا تھا۔
بھارتی میڈیا کو دیے گئے انٹرویو میں الکا یاگنک نے کہا کہ اس وقت اے آر رحمان ممبئی فلم انڈسٹری میں ایک نیا نام تھے اور زیادہ مشہور نہیں تھے۔ انہوں نے مجھے گانے کی پیشکش کی لیکن میں پہلے ہی دوسرے پروجیکٹس میں مصروف تھی، اس لیے فوری طور پر دستیاب نہیں تھی۔
الکا یاگنک کا کہنا تھا کہ وہ انڈسٹری کے سینئر موسیقاروں کے ساتھ کام کر رہی تھیں اور نہیں چاہتی تھیں کہ کسی نئے موسیقار کے لیے اپنے تعلقات خراب کریں۔ انہوں نے کہا کہ انہیں علم نہیں تھا کہ اے آر رحمان کون ہیں اور ان کا مزاج کیسا ہے۔
گلوکارہ نے مزید بتایا کہ انہوں نے اس حوالے سے اپنے ساتھی گلوکار کمار سانو سے بھی مشورہ کیا، جنہوں نے بھی اے آر رحمان کے ساتھ کام کرنے سے انکار کر دیا۔ کمار سانو نے کہا کہ "خدا ہی جانتا ہے کہ یہ موسیقار کون ہے، میں نے کبھی اس کے گانے نہیں سنے!"
یہ دلچسپ انکشاف اس وقت سامنے آیا جب اے آر رحمان کا شمار دنیا کے سب سے کامیاب اور مشہور موسیقاروں میں ہوتا ہے، اور ان کے گانے بالی وڈ سمیت ہالی وڈ میں بھی مقبول ہو چکے ہیں۔
.
ذریعہ: Express News
کلیدی لفظ: اے آر رحمان انہوں نے
پڑھیں:
کومل عزیز کا انکشاف، شادی میری زندگی کا سب سے بڑا خوف ہے
پاکستانی شوبز انڈسٹری کی معروف اداکارہ اور ابھرتی ہوئی کاروباری شخصیت کومل عزیز خان نے حالیہ مارننگ شو میں شرکت کے دوران اپنی زندگی کے سب سے بڑے خوف سے پردہ اٹھایا اور انکشاف کیا کہ انہیں شادی سے ڈر لگتا ہے ان کا کہنا تھا کہ وہ خود کو بہادر سمجھتی ہیں اور زندگی کے ہر میدان میں ڈٹ کر کھڑی رہی ہیں مگر شادی ایک ایسا مرحلہ ہے جو آج بھی ان کے لیے خوف کی علامت ہے اور وہ اب تک اس پر قابو نہیں پا سکیں اداکارہ نے گفتگو کے دوران کہا کہ وہ دھرنوں میں جا چکی ہیں جاگیرداروں اور پولیس والوں سے الجھ چکی ہیں مگر شادی کا تصور انہیں بے چینی میں مبتلا کر دیتا ہے ان کا کہنا تھا کہ انہوں نے اپنے اردگرد جو شادیاں دیکھی ہیں وہ کسی پریوں کی کہانی کی طرح خوبصورت نہیں بلکہ ایک سمجھوتے کا نام تھیں اور اسی مشاہدے نے ان کے خیالات کو متاثر کیا ہے کومل عزیز کا کہنا تھا کہ وہ چاہتی ہیں کہ شادی سے پہلے مالی اور جذباتی طور پر مکمل خود مختار ہوں کیونکہ یہی خود مختاری ایک عورت کو اپنی زندگی کے فیصلے خود کرنے کی آزادی دیتی ہے ان کے مطابق کپڑے جوتے زیورات اور بیگز کی چمک دمک صرف چند دن کی ہوتی ہے شادی کے بعد اصل ذمے داریاں شروع ہوتی ہیں اور اکثر لڑکیاں اپنی ملازمت چھوڑ دیتی ہیں کیونکہ گھر والے آج بھی خواتین کو کام کرنے کی مکمل اجازت نہیں دیتے کومل عزیز نہ صرف ایک کامیاب اداکارہ ہیں بلکہ اپنے فیشن برانڈ Omal by Komal کی بانی بھی ہیں جسے وہ کامیابی سے چلا رہی ہیں سوشل میڈیا پر ان کے فالوورز کی تعداد بھی سولہ لاکھ سے زائد ہو چکی ہے جو ان کی مقبولیت اور اثر انگیزی کا واضح ثبوت ہے
9 مئی مقدمات؛ ملزمان میں چالان کی نقول تقسیم، فرد جرم کے لیے تاریخ مقرر