شردھا کپور کی خفیہ ویڈیو پر ہنگامہ، روینہ ٹنڈن نے اخلاقیات کا سبق پڑھا دیا
اشاعت کی تاریخ: 7th, July 2025 GMT
ممبئی(شوبز ڈیسک)بالی ووڈ کی سینئر اداکارہ روینہ ٹنڈن نے فلائٹ اسٹاف کی جانب سے خفیہ طور پر اداکارہ شردھا کپور اور انکے دوست راہول مودی کی ویڈیو بنانے پر سخت غصے اور ناپسندیدگی کا اظہار کیا ہے۔
انھوں نے اس پر کڑی تنقید کرتے ہوئے اسے پرائیویسی کی خلاف ورزی قرار دیا اور کہا کہ کریو ممبرز کو اس حوالے سے زیادہ بہتر طور پر معلوم ہونا چاہیے۔
واضح رہے کہ اداکارہ شردھا کپور اور انکے بوائے فرینڈ اور مصنف راہول مودی طیارے میں اکٹھے سفر کر رہے تھے، دونوں ایک ساتھ بیٹھے تھے کہ اس دوران ایک کریو ممبر نے خفیہ طور پر ان کی ویڈیو ریکارڈ کی۔
اس ویڈیو کلپ میں شردھا کپور اور راہول آپس میں بات کر رہے ہیں اس دوران شردھا اپنا فون راہول کو دکھاتی ہیں۔ کریو ممبر پہلے مسکریا ہے اور پھر اپنا کیمرہ ان دونوں کی جانب کردیا۔ ویڈیو کے اختتام پر کیمرہ شردھا پر زوم کیا گیا۔
انڈیا فورمز کی جانب سے اسکے انسٹاگرام پیج پر شیئر کیے گئے اس ویڈیو پر اداکارہ روینہ ٹنڈن نے لکھا: عملے کو یہ معلوم ہونا چاہیے کہ یہ پرائیویسی کی خلاف ورزی ہے۔
انھوں نے کہا ایسی ریکارڈنگ کے لیے رضا مندی لینا ضروری ہے۔ عملے کے ارکان سے یہ توقع نہیں کی جاسکتی کہ وہ ایسا کریں۔ سوشل میڈیا صارفین نے بھی کریو کی اس حرکت پر تنقید کی ہے۔
مزیدپڑھیں:ایف آئی اے میں بڑے تبادلے: لاہور کے متنازعہ ڈائریکٹر سرفراز ورک بالآخر تبدیل
ذریعہ
ذریعہ: Daily Ausaf
کلیدی لفظ: شردھا کپور
پڑھیں:
پاکستانی سفیر کی جانب سے پاکستان اور میانمار کی ممتاز کاروباری شخصیات کے اعزاز میں عشائیہ
میانمار میں پاکستان کے سفیر طارق کریم(Tariq kareem) نے اپنی رہائش گاہ پر پاکستان اور میانمار کی ممتاز کاروباری شخصیات کے اعزاز میں عشائیہ کا اہتمام کیا۔
عشائیے میں یونین آف میانمار فیڈریشن آف چیمبرز آف کامرس اینڈ انڈسٹری (UMFCCI) کے صدر، نائب صدر، میانمار چیمبر آف کامرس فار فارماسیوٹیکل اینڈ میڈیکل ڈیوائسز (MCCPMD) کے چیئرمین، دیگر معروف کاروباری شخصیات اور فارمیٹیک پاکستان (پرائیویٹ) لمیٹڈ کے وفد نے شرکت کی۔
اس موقع پر سفیر طارق کریم اور معزز مہمانوں کے درمیان خوشگوار اور بامقصد تبادلہ خیال ہوا، جس میں پاکستان اور میانمار کے درمیان تجارت و اقتصادی تعاون کو مزید فروغ دینے، بالخصوص ادویہ سازی، ٹیکسٹائل اور دیگر اہم شعبوں میں تعاون بڑھانے، جبکہ دونوں ممالک کے نجی شعبوں کے درمیان براہ راست روابط (B2B Linkages) کو مضبوط بنانے کے امکانات پر گفتگو کی گئی
ٹی20 ورلڈ کپ 2026: پاکستان نے سپر 8 کے لیے جگہ پکی کر لی