کوئٹہ سے جعفر ایکسپریس 17 روز بعد بحال، 400 مسافروں کو لیکر پشاور روانہ
اشاعت کی تاریخ: 28th, March 2025 GMT
کوئٹہ سے جعفر ایکسپریس 17 روز بعد بحال، 400 مسافروں کو لیکر پشاور روانہ WhatsAppFacebookTwitter 0 28 March, 2025 سب نیوز
کوئٹہ: دہشتگردوں کے حملے کے بعد معطل جعفر ایکسپریس 17 روز بعد بحال ہو کر کوئٹہ سے پشاور کیلئے روانہ ہوگئی۔
رکن قومی اسمبلی جمال شاہ نے ٹرین کا افتتاح کیا، ڈی ایس ریلوے سمیت ریلوے افسران بھی ان کے ہمراہ موجود تھے۔
10 بوگیوں پر مشتمل ٹرین 400 سے زائد مسافر لے کر کوئٹہ سے پشاور کیلئے روانہ ہوئی، مسافروں کی ریلوے سٹیشن پر سخت چیکنگ کی گئی، ٹرین میں سکیورٹی کے سخت انتظامات کئے گئے ہیں۔
ریلوے حکام کا کہنا ہے کہ ٹرین کی بندش سے 90 لاکھ روپے کا نقصان ہوا۔
یاد رہے کہ جعفر ایکسپریس کو 11 مارچ کو دہشت گردوں کے حملے کا سامنا کرنا پڑا تھا، جس کے بعد ٹرین سروس معطل کر دی گئی تھی لیکن اب 17 دن بعد یہ دوبارہ کوئٹہ ریلوے سٹیشن سے اپنے سفر پر روانہ ہو چکی ہے۔
.ذریعہ: Daily Sub News
کلیدی لفظ: جعفر ایکسپریس کوئٹہ سے
پڑھیں:
کندھ کوٹ؛ خوشحال خان خٹک ٹرین بڑے حادثے سے بچ گئی
سٹی 42 : کندھکوٹ میں خوشحال خان خٹک ایکسپریس کی 2 بوگیاں پٹری سے اتر گئیں،تاہم تمام مسافر محفوظ رہے۔
کندھ کوٹ گریڈ اسٹیشن کے قریب خوشحال خان خٹک ٹرین پشاور سے کراچی کی طرف جا رہی تھی، اسی دوران ٹرین کی دو بوگیاں پٹڑیاں ٹریک سے اتر گئیں۔
ریلوے حکام کا کہنا ہے کہ ٹرین میں موجود مسافروں کو کوئی بھی جانی نقصان نہیں ہوا۔ دو گھنٹے کے اندر ان دونوں بوگیوں کا کام ہو جائے گا ، جس کے بعد ٹرین اپنی منزل کی طرف روانہ ہو جائے گی۔
فنڈز کی کمی: نگران دورِ حکومت میں تعمیر کیے گئے تھانے فعال نہ ہو سکے
وزیراعظم کا ایرانی صدر سے ٹیلیفونک رابطہ، اہم امور پر تبادلہ خیال