انٹرا پارٹی الیکشن کیس: چیئرمین پی ٹی آئی نے دلائل کیلیے مزید وقت مانگ لیا
اشاعت کی تاریخ: 8th, April 2025 GMT
اسلام آباد(نیوز ڈیسک) انٹرا پارٹی الیکشن کیس میں چیئرمین پاکستان تحریک انصاف (پی ٹی آئی) بیرسٹر گوہر نے دلائل کیلیے مزید وقت مانگ لیا۔
الیکشن کمیشن میں چیف الیکشن کمشنر سکندر سلطان راجہ کی سربراہی میں 5 رکنی بینچ نے پی ٹی آئی انٹرا پارٹی الیکشن کیس کی سماعت ہوئی جس میں چیئرمین بیرسٹر گوہر اور درخواست گزار اکبر ایس بابر پیش ہوئے۔
چیف الیکشن کمشنر نے بیرسٹر گوہر سے استفسار کیا کہ آپ نے آج دلائل دینے تھے۔ اس پر چیئرمین پی ٹی آئی نے کہا کہ ہائیکورٹ کے احکامات کی تفصیلات پیش کر دی ہیں، گزارش ہے کہ دلائل کیلیے وقت دیا جائے۔
سکندر سلطان راجہ نے کہا کہ ایک سال سے یہ کیس زیر التوا ہے، ٹھیک ہے ہائیکورٹ نے فیصلے سے منع کیا ے مگر پروسیڈنگ سے نہیں۔
بیرسٹر گوہر نے کہا کہ میرے پاس دستاویزات ابھی موجود نہیں کچھ وقت دے دیں۔ اس پر چیف الیکشن کمشنر نے کہا کہ اگلی سماعت پر آپ ہر صورت تیار ہو کر آئیں۔
الیکشن کمیشن نے کیس کی مزید سماعت 22 اپریل 2025 تک ملتوی کر دی۔
سماعت کے بعد میڈیا سے گفتگو کرتے ہوئے بیرسٹر گوہر نے بتایا کہ انٹرا پارٹی الیکشن کا معاملہ لاہور ہائیکورٹ میں زیر سماعت تھا، الیکشن کمیشن نے ہائیکورٹ کیس کی تفصیلات مانگی تھیں، آج یہ کیس چیف الیکشن کمشنر کی سربراہی میں بینچ میں فکس تھا۔
انہوں نے بتایا کہ ہم چاہیں گے کہ یہ کیس آگے بڑھے اور فیصلہ ہوا، الیکشن کمیشن میں آڈیو اور ویڈیو ثبوت اور تفصیلات جمع کروائیں، عدالت میں درخواست دی کہ ہمارا ڈیٹا ہمیں فراہم کیا جائے، ایف آئی اے ہمارا ڈیٹا لے کر چلی گئی تھی۔
مزید پڑھیں: یو اے ای کا ویزہ ! پاکستانیوں کے لیے بڑی خوشخبری آگئی
ذریعہ: Daily Ausaf
کلیدی لفظ: انٹرا پارٹی الیکشن چیف الیکشن کمشنر الیکشن کمیشن بیرسٹر گوہر نے کہا کہ
پڑھیں:
چیف الیکشن کمشنر اور 2ممبران کی تعیناتی، پاکستان تحریک انصاف نے نام فائنل کرلیے
چیف الیکشن کمشنر اور 2ممبران کی تعیناتی، پاکستان تحریک انصاف نے نام فائنل کرلیے WhatsAppFacebookTwitter 0 16 June, 2025 سب نیوز
اسلام آباد (سب نیوز)چیف الیکشن کمشنر اور الیکشن کمیشن کے 2ممبران کی تعیناتی کے معاملے پر پاکستان تحریک انصاف نے نام فائنل کر لیے، عمر ایوب کا کہنا ہے کہ ہماری لسٹ تیار ہے جلد نام منظر عام پر لائیں گے۔
پاکستان تحریک انصاف کے رہنماوں نے حکومت کی مالی پالیسیوں پر شدید تنقید کی جبکہ عمر ایوب، شیخ وقاص اکرم اور تیمور سلیم جھگڑا نے ایف بی آر، ایران سے پیٹرول اسمگلنگ، ٹیکس بوجھ اور مہنگائی کے سنگین اثرات پر حکومت کو آڑے ہاتھوں لیا، عمر ایوب نے 550 ارب کی پیٹرول اسمگلنگ اور 6100 ارب خسارے پر سوال اٹھائے، شیخ وقاص اور تیمور جھگڑا نے عوامی مشکلات، ٹیکس بوجھ اور غیرحقیقی اہداف پر شدید تنقید کی۔
قومی اسمبلی میں اپوزیشن لیڈر عمر ایوب اور پی ٹی آئی ارکان نے بجٹ پر شدید ردعمل دیتے ہوئے ایف بی آر، ٹیکس پالیسیوں اور مہنگائی کو آڑے ہاتھوں لیا۔خیبرپختونخوا ہاوس میں پریس کانفرنس کرتے ہوئے پی ٹی آئی رہنما عمر ایوب نے کہا کہ ہماری سیریز آف پریس کانفرنس جاری ہے، ملکی مسائل کو سیریز آف پریس کانفرنس میں کورکررہے ہیں، یہ کوئی بجٹ نہیں ہے، یہ صرف لیلہ بجٹ ہے، حکومت کہہ رہی مہنگائی کم ہوگئی ہے، ماضی کے مقابلے میں 125 فیصد تک مہنگائی بڑھ گئی ہے، دوران بجٹ میری تقریر بند کردی گئی، ہم حکومت کو کھلا چیلنج کرتے ہیں آئیں مارکیٹ چلتے ہیں، حکومت کو کہتے ہیں آئیں مل کر گرانڈ سروے کرتے ہیں۔
عمر ایوب نے کہا کہ زراعت 0.56 فیصد بڑھی ہے، زراعت میں کپاس اور دیگر اشیا میں کمی ہوئی ہے، لائیو سٹاک کی ریشو میں تبدیلی ہوئی ہے، ماضی کے مقابلوں میں ایک لاکھ گدھوں کا اضافہ ہوا ہے، حکومت اپنی مرضی کے اعداد و شمار بنا رہی ہے، حکومت نے گراونڈ سرویسز کو مذاق بنا لیا ہے۔اپوزیشن لیڈر کا کہنا تھا کہ آج فنانس کمیٹی میں تیل کے بحران اور اس کی قیمتوں کا پہلو اجاگر کیا، اس وقت ایران میں بلیسٹک ہیپرسانک مزائل چل رہے ہیں، 8 کڑور 20 لاکھ بیرل تیل کی پیداوار ہے، اس وقت 13-12 دن کے تیل کا ذخیرہ موجود ہے، عالمی منڈی میں تیل75 ڈالر فی بیرل پر آگیا ہے، آنے والے وقت میں روپیہ مزید گر سکتا ہے، آنے والے وقت میں ٹیکسز بڑھنے کا خدشہ ہے۔
انہوں نے مزید کہا کہ ایس آئی ایف سی کے اہداف اپنے مرضی سے جاری کئے جا رہے ہیں، ایران سے 550 ارب روپے سالانہ پیٹرول کی اسمگلنگ ہو رہی ہے مگر ایف بی آر کمیٹی میں اس معاملے پر خاموش رہا، حکومتی پالسیوں کے باعث بنک مالکان کو فائدہ پہنچایا جارہا ہے، حکومتیں پالیسیوں سیعام آدمی اورانڈسٹریزفائدے سے کوسوں دور ہیں۔پی ٹی آئی رہنما عمر ایوب نے ایف بی آر پر الزامات عائد کرتے ہوئے کہا کہ ادارے نے کرپشن کا نیا طریقہ کار ایجاد کیا ہے، کاروبار پہلے ہی بند ہیں، اس بجٹ نے ٹیکس دہندگان کا گلا گھونٹ دیا ہے۔
پی ٹی آئی سیکرٹری اطلاعات شیخ وقاص اکرم نے کہا کہ حکومت کہتی ہے معیشت بہتر ہو رہی ہے، درحقیقت معیشت کا جنازہ نکل گیا ہے، تنخواہ دار طبقے پراربوں روپے کا ٹیکس بڑھا دیا گیا ہے، سیلز ٹیکس بڑھا دیا گیا، ود ہولڈننگ ٹیکس الگ سے اربوں روپے بڑھا، عام آدمی آج آپ کو بد دعائیں دے رہا ہے، اصل سروے دیکھیں تو اس وقت زیرو فیصد گروتھ ہے، حکومت کی جابرانہ پالیسیاں کھل کر سامنے آگئی ہیں۔شیخ وقاص اکرم نے کہا کہ ایک بار حکومت نے گنے سے جوس نکال لیا ہے، اب حکومت گنے کی پھوک سے دوبارہ جوس نکالنے کی کوشش کررہی ہے اور یہ بجٹ عوام کے بچوں کی روٹی کا سوال بن چکا ہے، تاجروں پر 500 ارب کے نئے ٹیکس لگائے جارہے ہیں، تاجر نے غلطی کر لی پاکستان میں کاروبار کر لیا، پچھلے چند سالوں میں 32 لاکھ پاکستانی باہر چلے گئے۔
ان کا مزید کہنا تھا کہ ساڑھے 2400 ارب کے ٹیکسز تاجر برادری پر لگنے جا رہے ہیں، اب کیا تاجر جو کمائے وہ حکومت کو دے دے؟، تاجر کے بال بچے روٹی کہاں سے کھائیں گے، ہم حکومت کو کہتے ہیں سب کچھ خود ٹیک اوور کر لے، خود بھی کماو اور ہمیں بھی کما کر کھلاو، چھوٹی گاڑیاں، آن لائن ٹرانزیکشن سب پر ٹیکس لگایا جا رہا، لگتا ہے حکومت کو عوام کی کوئی پرواہ نہیں رہی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرہم ایران کے ساتھ کھڑے تھے اور کھڑے رہیں گے، نواز شریف ہم ایران کے ساتھ کھڑے تھے اور کھڑے رہیں گے، نواز شریف سینیٹ اجلاس میں اپوزیشن نے بجٹ کو امیر پرور اور غریب کش قرار دیدیا اسرائیل کا ایک بار پھر تہران پر حملہ، سرکاری ٹی وی چینل کی عمارت کو نشانہ بنایا ایرانی پارلیمنٹ پاکستان سے اظہار تشکر کے نعروں سے گونج اٹھی ایران پر اسرائیلی حملے عالمی قوانین کی کھلی خلاف ورزی ہیں، شہباز شریف پنجاب کا5335ارب روپے کا ٹیکس فری بجٹ پیش، تنخواہ 10، پنشن میں 5فیصد اضافہ،کم از کم اجرت 40ہزار مقرر،، اپوزیشن کی ہنگامہ آرائیCopyright © 2025, All Rights Reserved
رابطہ کریں ہمارے بارے ہماری ٹیم
کوششوں کے باوجود دنیا سے بچہ مزدوری کا مکمل خاتمہ نہیں ہوسکا، رپورٹ