پاکستانی طالبعلم کی عالمی کامیابی، بائیولوجی اولمپیاڈ میں پہلا گولڈ میڈل جیت لیا
اشاعت کی تاریخ: 2nd, August 2025 GMT
ویب ڈیسک :پاکستان کے لیے ایک تاریخی لمحہ! بین الاقوامی بائیولوجی اولمپیاڈ میں پہلی بار پاکستانی طالبعلم نے گولڈ میڈل جیت کر ملک کا نام روشن کر دیا ہے۔
پاکستان نے یہ کامیابی فلپائن میں 20 سے 27 جولائی تک منعقد ہونے والے 35 ویں بین الاقوامی بائیولوجی اولمپیاڈ (آئی بی او) میں حاصل کی۔اس مقابلے میں دنیا بھر کے ذہین ترین طالب علموں نے شرکت کی۔
صدیق پبلک اسکول راولپنڈی کے طالب علم عبدالرافع پراچہ نے پاکستان کے لیے گولڈ میڈل حاصل کرکے عالمی تعلیمی سطح پر قوم کا نام روشن کیا۔ انہوں نے پاکستان کے لیے پہلی مرتبہ بین الاقوامی بائیولوجی اولمپیاڈ (IBO) میں طلائی تمغہ جیت کر تاریخ رقم کر دی ہے۔
راولپنڈی ایکسپریس ٹرین کو حادثہ
پاکستانی وفد نے ہائر ایجوکیشن کمیشن اور پاکستان انسٹی ٹیوٹ آف انجینئرنگ اینڈ اپلائیڈ سائنسز کے مشترکہ منصوبہ اسٹیم کیریئرز پروگرام کے تحت شرکت کی۔ ٹیم کی قیادت ڈاکٹر عاصمہ عمران اور ڈاکٹر عاصمہ رحمان نے کی جو نیشنل انسٹی ٹیوٹ آف بائیو ٹیکنالوجی اینڈ جینیاتی انجینئرنگ سے وابستہ ہیں۔
بین الاقوامی بائیو لوجی اولمپیاڈ میں گورنمنٹ کالج یونیورسٹی لاہور کی ایان اسلم کو اعزازی سند سے نوازا گیا۔ پاکستان کی نمائندگی کرنے والے ٹیم کے دیگر ممبران میں سعدیہ ذوالفقار (صدیق پبلک اسکول، راولپنڈی) اورعروج فاطمہ (فیوژن کالج، شکر گڑھ، نارووال) شامل تھیں۔
رنگ روڈ بند کرنے کا فیصلہ
اولمپیاڈ کی کامیابی نیشنل سائنس ٹیلنٹ مقابلہ (این ایس ٹی سی) کے تحت ایک وسیع تر قومی کوشش کا حصہ ہے، جس کا انعقاد پی اے ای سی اور پی آئی ای اے ایس کے اشتراک سے ہر سال کیا جاتا ہے۔
اس کے تحت ہر سال ملک بھر سے باصلاحیت طلباء کو فزکس، کیمسٹری، بائیولوجی اور ریاضی میں تربیت دی جاتی ہے۔2001 سے اب تک پاکستان نے بین الاقوامی سائنسی اولمپیاڈز میں 140 تمغے حاصل کئے ہیں اور 4500 سے زائد طلباء کو عالمی معیار کی سائنسی تربیت دی جا چکی ہے۔
لاہور میں 220 ٹریفک حادثات ؛267 افراد زخمی
.ذریعہ: City 42
پڑھیں:
ایکسپو 2025 اوساکا میں پاکستانی پویلین نے عالمی سطح پر ملکی وقار میں اضافہ کیا، سید فیروز عالم
جاپان کے شہر اوساکا میں ہونے والی عالمی نمائش ایکسپو 2025 میں پاکستان کے پویلین نے دنیا بھر میں پاکستان کی مثبت شناخت کو اجاگر کیا ہے۔
یہ بات پاک جاپان بزنس فورم کے ڈائریکٹر اور پاکستان بورڈ آف انویسٹمنٹ کے اعزازی مشیر سید فیروز عالم شاہ نے ایک ملاقات میں گفتگو کرتے ہوئے کہی۔
انہوں نے کہا کہ ایکسپو 2025 میں پاکستان کے پویلین کو بے حد سراہا جا رہا ہے، جہاں پاکستان کی ثقافت، معیشت اور ٹیکنالوجی کے پہلوؤں کو نہایت خوبصورتی سے پیش کیا گیا ہے۔
ان کے مطابق پِنگ سولڈ کا تھیم جو اس پویلین کا مرکزی خیال ہے، دنیا بھر کے لوگوں کے لیے نہ صرف دلچسپی کا باعث بنا ہے بلکہ اس کے ذریعے پہلی بار دنیا کو معلوم ہوا ہے کہ یہ منفرد تھیم پاکستان کی تخلیق ہے۔
سید فیروز عالم شاہ کا کہنا تھا کہ ایکسپو جیسے عالمی ایونٹ میں پاکستان کی موجودگی اور تخلیقی صلاحیتوں کا مظاہرہ سرمایہ کاروں کے لیے بھی امید کی نئی کرن ہے۔ انہوں نے امید ظاہر کی کہ اس پویلین کے ذریعے بین الاقوامی سرمایہ کار پاکستان میں سرمایہ کاری کی جانب راغب ہوں گے۔
انہوں نے پاکستانی کمیونٹی اور سرکاری اداروں کی مشترکہ کاوشوں کو سراہا جنہوں نے اس کامیاب نمائندگی کو ممکن بنایا۔ ان کا کہنا تھا کہ ایسے اقدامات پاکستان کے سافٹ امیج کو دنیا کے سامنے بہتر انداز میں پیش کرنے کا ذریعہ بنتے ہیں۔
امریکا میں کتنے فیصد ملازمین کو خوراک کے حصول، بچوں کی نگہداشت میں مشکل کا سامنا؟