بھارت کی طرف سے سندھ طاس معاہدے کی معطلی اور پاکستان پر اس کے مضمرات
اشاعت کی تاریخ: 24th, April 2025 GMT
اسلام آباد (اُردو پوائنٹ ۔ DW اردو۔ 24 اپریل 2025ء) جنوبی ایشیا کے جوہری طاقت رکھنے والے دو حریف بھارت اور پاکستان کے درمیان پچھلے پچہتر سال کے دوران کئی جنگیں ہو چکی ہیں اور دونوں کے درمیان بیشتر اوقات تعلقات کشیدہ رہے ہیں، تاہم پانی کے ایک اہم وسیلے سے متعلق چھ دہائیوں سے زیادہ عرصے قبل کیا گیا سندھ طاس آبی معاہدہ پر اس کا کوئی اثر نہیں پڑا۔
لیکن، بھارت کے زیر انتظام جموں و کشمیر کے اہم سیاحتی مقام پہلگام میں گزشتہ منگل کو ہونے والے دہشت گردانہ حملے، جس میں 26 سیاح ہلاک ہوئے، نے اس معاہدے کو بھی متاثر کردیا۔ بھارت نے اپنی طرف سے اس معاہدے کو معطل کرنے کا اعلان کردیا ہے۔
پاک بھارت سندھ طاس معاہدے سے متعلق تنازعہ ہے کیا؟
بھارتی وزارت خارجہ کے سکریٹری وکرم مصری نے معاہدے کو معطل کرنے کا اعلان کرتے ہوئے کہا، "1960 کا سندھ آبی معاہدہ اب سے اس وقت تک غیر نافذ العمل رہے گا، جب تک کہ پاکستان قابل اعتبار اور ٹھوس طور پر سرحد پار دہشت گردی کی حمایت سے دستبردار نہیں ہو جاتا"۔
(جاری ہے)
سن 1960 کا سندھ طاس آبی معاہدہ دونوں دیرینہ حریف پڑوسیوں کو دریائے سندھ کے پانی تک مشترکہ رسائی کی سہولت فراہم کرتا ہے۔
سندھ طاس آبی معاہدہ کیا ہے؟ملک کی تقسیم کے بعد بھارت اور پاکستان کے نمائندوں کے درمیان برسوں کے مذاکرات کے بعد عالمی بینک کی ثالثی میں سندھ طاس آبی معاہدہ ستمبر 1960 میں عمل میں آیا تھا۔
سندھ طاس معاہدے پر عالمی بینک کو تشریح کا حق نہیں، بھارت
اس وقت بھارت کے وزیر اعظم جواہر لال نہرو اور پاکستان کے اس وقت کے سربراہ مملکت جنرل ایوب خان نے کراچی میں اس معاہدے پر دستخط کیے تھے۔
یہ امید کی گئی تھی کہ یہ معاہدہ دونوں ملکوں کے عوام اور بالخصوص کاشتکاروں کے لیے خوشحالی لائے گا اور امن، خیر سگالی اور دوستی کا ضامن ہو گا۔معاہدے کے تحت بھارت کو تین مشرقی دریاؤں راوی، ستلج اور بیاس پر کنٹرول دیا گیا جبکہ پاکستان کو تین مغربی دریاؤں سندھ، جہلم اور چناب پر کنٹرول سونپا گیا۔ اس کے تحت ان دریاؤں کے 80 فیصد پانی پر پاکستان کا حق ہے۔
یہ معاہدہ بھارت کو مغربی دریاؤں پر ہائیڈرو الیکٹرک پراجیکٹس تیار کرنے کی بھی اجازت دیتا ہے، لیکن ان منصوبوں کو سخت شرائط پر عمل کرنا چاہیے۔ انہیں "رن آف دی ریور" پروجیکٹ ہونا چاہیے، مطلب یہ ہے کہ وہ پانی کے بہاؤ یا ذخیرہ کو نمایاں طور پر تبدیل نہیں کر سکتے، اس بات کو یقینی بناتے ہوئے کہ پاکستان کے پانی کے حقوق بہاو والے ملک کے طور پر بری طرح متاثر نہ ہوں۔
یہ معاہدہ پاکستان کو کسی ایسے ڈیزائن پر اعتراضات اٹھانے کی بھی اجازت دیتا ہے جو پانی کے بہاؤ کو متاثر کر سکتا ہو۔
معاہدے کی معطلی کا پاکستان پر کیا اثر پڑے گا؟پاکستان، جو معاہدے کے تحت دریائے سندھ سے تقریباً 80 فیصد پانی حاصل کرتا ہے، ان دریاؤں پر بہت زیادہ انحصار کرتا ہے۔ سسٹم میں موجود 16.
یہ انحصار انتہائی اہم بلکہ ناگزیر ہے۔ یہ دریا پاکستان کے زرعی شعبے کی ریڑھ کی ہڈی کی حیثیت رکھتے ہیں۔ یہ کروڑوں افراد کی آبادی کے لیے انتہائی اہم ہیں اور ملک کی 23 فیصد زرعی پانی کی ضروریات کو پورا کرتا ہے جب کہ تقریباً 68 فیصد دیہی معاش کی براہ راست مدد کرتا ہے۔
اس سپلائی میں کوئی بھی رکاوٹ بڑے پیمانے پر منفی نتائج کو جنم دے سکتی ہے۔ مثلاﹰ فصلوں کی پیداوار میں کمی، غذائی عدم تحفظ، اور مزید معاشی عدم استحکام، خاص طور پر ان خطوں میں جو پہلے ہی غربت اور جاری مالیاتی بحران کے بوجھ تلے دبے ہوئے ہیں۔
پاکستان کی پانی ذخیرہ کرنے کی محدود صلاحیت اس مسئلے کو مزید پیچیدہ بناتی ہے۔ منگلا اور تربیلا جیسے بڑے ڈیموں کا مشترکہ لائیو اسٹوریج صرف 14.4 ملین ایکڑ فٹ ہے جو کہ معاہدے کے تحت پاکستان کے سالانہ استحقاق کا محض 10 فیصد ہے۔
پانی کے بہاؤ میں کمی یا موسمی تغیر کے وقت، ذخیرہ اندوزی میں یہ کمی پاکستان کو شدید خطرات سے دوچار کر دیتی ہے۔ بھارتی ماہرین کیا کہتے ہیں؟پردیپ کمار سکسینہ، جنہوں نے چھ سال سے زائد عرصے تک بھارت کی جانب سے سندھ آبی کمشنر کے طور پر کام کیا، کا کہنا ہے کہ "اگر حکومت (ہند) نے ایسا فیصلہ کیا ہے تو یہ معاہدہ منسوخ کرنے کی طرف پہلا قدم ہو سکتا ہے۔
"انہوں نے کہا،"اگرچہ معاہدے میں اس کی منسوخی کے لیے کوئی واضح شق موجود نہیں ہے، لیکن معاہدوں کے قانون سے متعلق ویانا کنونشن کا آرٹیکل 62 کافی گنجائش فراہم کرتا ہے جس کے تحت حالات کی بنیادی تبدیلی کے پیش نظر معاہدے کو رد کیا جا سکتا ہے جو کہ اس معاہدے کے اختتام کے وقت موجود ہیں"۔
سابق بھارتی انڈس واٹر کمشنر سکسینہ کا کہنا تھا کہ دریا چونکہ بھارت کی طرف سے پاکستان کی جانب بہتے ہیں، اس لیے بھارت کو متعدد اختیارات حاصل ہیں۔
خیال رہے کہ گزشتہ سال، بھارت نے پاکستان کو ایک باضابطہ نوٹس بھیجا تھا، جس میں اس معاہدے پر نظرثانی اور ترمیم کا مطالبہ کیا گیا تھا۔
پاکستانی ماہرین کی رائےسابق پاکستانی سفارت کاروں اور ماہرین کا کہنا ہے کہ نئی دہلی 1960 میں عالمی بینک کی ضمانت میں طے پانے والے دو طرفہ سندھ آبی معاہدے سے یکطرفہ طور پر دستبردار نہیں ہو سکتا۔
بھارت میں پاکستان کے سابق ہائی کمشنر عبدالباسط نے ایک پاکستانی نیوز چینل سے بات کرتے ہوئے کہا کہ سندھ طاس معاہدے کو یکطرفہ طور پر نہ تو معطل کیا جا سکتا ہے اور نہ ہی ختم کیا جا سکتا ہے۔
انہیں خیالات کی تائید کرتے ہوئے، پاکستان کے سابق سینیٹر مشاہد حسین سید نے کہا کہ بھارت نے پہلگام واقعے کو سندھ طاس معاہدے کو معطل کرنے کے بہانے کے طور پر استعمال کیا کیونکہ وہ "سازش کے تحت پاکستان پر دباؤ ڈالنا چاہتا ہے"۔
انہوں نے ایک پاکستانی نیوز چینل کو دیے گئے انٹرویو میں کہا کہ سندھ طاس معاہدہ اسلام آباد اور نئی دہلی کے درمیان دو طرفہ بین الاقوامی معاہدہ ہے اور ا"گر مودی کی زیر قیادت حکومت پاکستان کا پانی روکتی ہے تو یہ بین الاقوامی قوانین کی خلاف ورزی اور جنگ کے مترادف ہو گا۔"
پاکستان پیپلز پارٹی سے تعلق رکھنے والی سینیٹر شیری رحمٰن نے کہا، "سندھ طاس معاہدہ تو جنگ میں بھی معطل نہیں ہوتا، پانی تو جنگ میں بھی بند نہیں ہوتا لیکن لگتا ہے بھارت معاملہ انتہا کی طرف لے کر جا رہا ہے۔
" کیا معاہدہ ختم کرنا ممکن ہے؟جنوبی ایشیا میں دریاؤں کے تنازع پر ایک کتاب کے مصنف اور سنگاپور نیشنل یونیورسٹی کے مصنف پروفیسر امت رنجن نے اپنے ایک مضمون میں لکھا ہے کہ سندھ طاس معاہدے سے اگر دونوں میں سے کوئی ایک ملک بھی یکطرفہ طور پر نکلنا چاہے تو وہ نہیں نکل سکتا۔
وہ کہتے ہیں کہ ویانا کنونشن کے تحت معاہدہ ختم کرنا یا اس سے الگ ہونے کی گنجائش موجود ہے لیکن اس پہلو کا اطلاق سندھ طاس معاہدے پر نہیں ہو گا۔
پاکستانی میڈیا رپورٹوں کے مطابق اسلام آباد حکومت کے ذرائع کا کہنا ہے کہ سندھ طاس معاہدے کے تحت بھارت یک طرفہ طور پر اس معاہدے کو معطل یا ختم نہیں کر سکتا۔
پاکستانی حکومتی ذرائع نے خبردار کیا کہ بھارت کی جانب سے سندھ طاس معاہدے کو معطل کرنے کے اعلان پر پاکستان عالمی بینک سے ثالثی عدالت کے لیے رجوع کر سکتا ہے۔
تجزیہ کاروں کا خیال ہے کہ اگست 2019 میں بھارت کی طرف سے جموں و کشمیر کی خصوصی حیثیت کو منسوخ کرنے کے بعد دونوں ممالک کے درمیان تعلقات میں نمایاں تنزلی آئی ہے۔
تب سے نئی دہلی اور اسلام آباد کے درمیان اعتماد میں مزید کمی آئی ہے۔ اس تیزی سے غیر مستحکم جغرافیائی سیاسی حالات میں آگے بڑھنے کا سب سے قابل عمل راستہ تعاون کے اس جذبے کی طرف واپسی ہے جس میں سندھ طاس آبی معاہدہ پر دستخط کیے گئے تھے۔ذریعہ: UrduPoint
کلیدی لفظ: تلاش کیجئے سندھ طاس ا بی معاہدہ معاہدے کو معطل کرنے اس معاہدے کو معطل سندھ طاس معاہدے اس معاہدے پر اور پاکستان کہ سندھ طاس پاکستان کو عالمی بینک پاکستان کے کے درمیان معاہدے کے یہ معاہدہ بھارت کی بھارت کو کرتا ہے نہیں ہو کا کہنا پانی کے سکتا ہے کے تحت کی طرف کے لیے
پڑھیں:
سندھ طاس معاہدے پر بھارت کے یکطرفہ اقدامات اور شملہ معاہدے کی معطلی: قانونی نقطہ نظر
سندھ طاس معاہدے پر بھارت کے یکطرفہ اقدامات اور شملہ معاہدے کی معطلی: قانونی نقطہ نظر WhatsAppFacebookTwitter 0 24 April, 2025 سب نیوز
تحریر۔۔حافظ احسان احمد کھوکھر،ایڈووکیٹ سپریم کورٹ اور ممتاز ماہرِ آئینی و بین الاقوامی قانون
بھارت کی مسلسل پاکستان دشمنی اور دو طرفہ و بین الاقوامی وعدوں کی خلاف ورزیوں کے پیش نظر، سندھ طاس معاہدے اور شملہ معاہدے کی معطلی جیسے حالیہ اقدامات کا قانونی جائزہ لینا نہایت ضروری ہے۔ یہ دونوں معاہدے پاک بھارت تعلقات کی بنیاد سمجھے جاتے ہیں، اور بین الاقوامی قانون کے تحت پاکستان کا موقف اصولی، مضبوط اور قابلِ دفاع ہے۔سندھ طاس معاہدہ، جو 1960 میں بھارت اور پاکستان کے درمیان عالمی بینک کی ضمانت کے ساتھ طے پایا تھا، ایک بین الاقوامی معاہدہ ہے۔ اس معاہدے کے تحت مشرقی دریا (راوی، بیاس، ستلج)بھارت کے اختیار میں دیے گئے، جبکہ مغربی دریا (سندھ، جہلم، چناب)پاکستان کے حق میں مخصوص کیے گئے، کچھ شرائط کے ساتھ۔ اہم بات یہ ہے کہ اس معاہدے کے آرٹیکل کے مطابق، یہ معاہدہ دونوں حکومتوں کی باہمی رضا مندی کے بغیر ختم نہیں ہو سکتا۔
اس کا مطلب ہے کہ بھارت کی جانب سے اس معاہدے سے یکطرفہ علیحدگی کی کوئی بھی کوشش نہ صرف قانونی طور پر غلط بلکہ بین الاقوامی سطح پر ناقابلِ قبول ہوگی۔معاہدے میں کسی بھی فریق کو یکطرفہ علیحدگی کی اجازت نہیں دی گئی۔ صرف تین صورتیں ممکن ہیں: معاہدے کو جاری رکھنا، اسے باہمی ترمیم کے ذریعے بدلنا، یا باہمی رضا مندی سے ختم کرنا۔ اس سے ایک قانونی حقیقت واضح ہوتی ہے کہ معاہدے میں تبدیلی صرف بات چیت سے ممکن ہے، زبردستی یا یکطرفہ فیصلے ممنوع ہیں۔
یہ پہلا موقع نہیں کہ بھارت نے سندھ طاس معاہدے کو معطل یا ختم کرنے کی دھمکیاں دی ہوں۔ بھارت کے کئی عہدیدار پاکستان کو دیے گئے پانی کے بہا کو موڑنے کے بیانات دے چکے ہیں، یہ بیانات نہ صرف معاہدے کی خلاف ورزی ہیں بلکہ دشمنی کے مترادف ہیں۔ پاکستان نے ان کے جواب میں قومی سلامتی کمیٹی کے ذریعے ثبوتوں کے ساتھ مقف اپنایا ہے اور ان اقدامات کو عالمی قوانین کی سنگین خلاف ورزیاں اور خطے کے امن کے لیے خطرہ قرار دیا ہے۔بھارت کا سندھ طاس معاہدے کو کمزور یا نظرانداز کرنے کی کوششیں بین الاقوامی قوانین کی کھلی خلاف ورزیاں ہیں۔
چونکہ عالمی بینک اس معاہدے کا ضامن ہے، اس لیے اس کی کثیر الجہتی حیثیت اور بھی اہم ہو جاتی ہے۔ پاکستان کو قانونی، سفارتی اور ثالثی کے بین الاقوامی فورمز پر ان بھارتی اقدامات کو چیلنج کرنے کے کئی راستے موجود ہیں۔پاکستان کو قانونی سطح پر سرگرم حکمتِ عملی اپنانا ہوگی، جس میں معاہدے کے ضمیمہ ایف اور جی کے تحت تنازع کے حل کے طریقے اختیار کیے جا سکتے ہیں، جیسے کہ غیرجانبدار ماہر کی تقرری یا بین الاقوامی ثالثی عدالت سے رجوع۔ بھارت کی مسلسل خلاف ورزیوں کے پیش نظر، پاکستان اقوام متحدہ اور عالمی بینک کو بھی متحرک کر سکتا ہے تاکہ معاہدے پر عملدرآمد کو یقینی بنایا جا سکے۔شملہ معاہدے (1972) کی پاکستان کی جانب سے حالیہ معطلی نہ صرف قانونی طور پر درست ہے بلکہ یہ بہترین سفارتی طور حکمتِ عملی ہے ۔ بھارت نے دہائیوں تک اس معاہدے کو استعمال کر کے کشمیر کے مسئلے کو بین الاقوامی سطح پر لانے سے روکا، اور صرف دو طرفہ مذاکرات پر زور دیا۔
تاہم، بھارت کی جانب سے آئین کے آرٹیکل 370 کی منسوخی، مقبوضہ کشمیر میں آبادیاتی تبدیلی، اور انسانی حقوق کی خلاف ورزیاں اس معاہدے کو بے اثر کر چکی ہیں۔شملہ معاہدے کی معطلی سے اقوام متحدہ کی قراردادوں کی اہمیت ایک مرتبہ پھر واضح ہوتی ہے، جو کشمیری عوام کو اپنے سیاسی مستقبل کے تعین کے لیے رائے شماری کا حق دیتی ہیں۔ اس معطلی کے بعد پاکستان پر اب صرف دوطرفہ مذاکرات کی پابندی نہیں رہی اور وہ کشمیر کے مسئلے کو عالمی سفارتی اور قانونی سطح پر دوبارہ اجاگر کر سکتا ہے۔بھارت کی جارحانہ پالیسیوں، جھوٹے حملوں، غلط معلومات کی مہم اور ریاستی سرپرستی میں دہشتگردی نے دونوں ممالک کے تعلقات کو شدید متاثر کیا ہے۔
پلوامہ حملہ اور بالا کوٹ فضائی کارروائی جیسے واقعات، جنہیں زیادہ تر سیاسی چالیں سمجھا گیا، بھارت کے خطرناک رویے کو ظاہر کرتے ہیں۔سندھ طاس معاہدے اور کشمیر کے معاملے پر پاکستان کا قانونی موقف بین الاقوامی قوانین کی روشنی میں مضبوط ہے۔ عالمی برادری، خاص طور پر عالمی بینک اور اقوام متحدہ، کو چاہیے کہ بھارت کو ذمہ دار ٹھہرائیں۔ پاکستان کو قانونی مہم، سفارتی چالاکی، اور اصولی مزاحمت کے ذریعے اپنی خودمختاری اور علاقائی امن کا دفاع جاری رکھنا ہوگا۔وہ اس بات کو دہراتے ہیں کہ انڈس واٹرز معاہدے پر پاکستان کا موقف قانونی طور پر مضبوط ہے، اور شملہ معاہدے کی معطلی نہ صرف قانونی ردعمل ہے بلکہ ایک ضروری حکمتِ عملی بھی، جو بھارت کی بڑھتی ہوئی جارحیت کا موثر جواب ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرایجنسیوں کی کلیئرنس کے بعد اوگرا میں تعیناتی کیلئے 3نام فائنل، سمری وزیراعظم آفس کو ارسال ایجنسیوں کی کلیئرنس کے بعد اوگرا میں تعیناتی کیلئے 3نام فائنل، سمری وزیراعظم آفس کو ارسال رینجرز نے پاکستانی حدود میں داخل ہونیوالے بھارتی بارڈر سکیورٹی فورس کے اہلکار کو پکڑلیا بھارتی اقدامات، مرکزی مسلم لیگ کاملک گیر احتجاج، مودی سرکار کیخلاف عوام سڑکوں پر، قوم کو متحد و بیدار کریں گے، مقررین بھارتی ناظم الامور کی دفتر خارجہ طلبی، احتجاجی مراسلہ تھما دیا گیا، سفارتی ذرائع کینیڈا الیکشن،50سے زائد پاکستانی بھی میدان میں اتر گئے لگتا ہے مودی نے بالا کوٹ کی غلطی سے کچھ نہیں سیکھا ، اسد عمر کا بھارتی بڑھکوں پر ردعملCopyright © 2025, All Rights Reserved
رابطہ کریں ہمارے بارے ہماری ٹیم
پی ایس ایل 2025: آج کراچی کنگز اور کوئٹہ گلیڈی ایٹرز مدِمقابل