پہلگام واقعے پر اقوام متحدہ کی پاکستان اور بھارت کو تحمل کا مظاہرہ کرنے کی تلقین
اشاعت کی تاریخ: 25th, April 2025 GMT
پہلگام واقعے پر اقوام متحدہ کی پاکستان اور بھارت کو تحمل کا مظاہرہ کرنے کی تلقین WhatsAppFacebookTwitter 0 25 April, 2025 سب نیوز
نیویارک (آئی پی ایس )مقبوضہ جموں و کشمیر کے علاقے پہلگام میں ہونے والے حملے کے بعد پاکستان اور بھارت کے درمیان سفارتی و عسکری کشیدگی میں نمایاں اضافہ ہوا ہے، جس پر اقوام متحدہ نے دونوں ممالک سے زیادہ سے زیادہ تحمل اور پرامن حل پر زور دیا ہے۔
خبر رساں ایجنسی اے ایف پی کے مطابق، اقوام متحدہ کے سیکریٹری جنرل انتونیو گوتریس کے ترجمان اسٹیفن دوجارک نے نیویارک میں صحافیوں سے بات کرتے ہوئے کہا کہ سیکریٹری جنرل کا گزشتہ 24 گھنٹوں کے دوران دونوں ممالک سے کوئی براہِ راست رابطہ نہیں ہوا، تاہم وہ صورتحال پر گہری نظر رکھے ہوئے ہیں۔
انہوں نے دونوں حکومتوں سے اپیل کی کہ وہ ایسے اقدامات سے گریز کریں جو حالات کو مزید خراب کریں اور زور دیا کہ پاکستان اور بھارت کے درمیان مسائل صرف بامعنی، باہمی رابطے اور پرامن مکالمے سے ہی حل ہو سکتے ہیں۔
یاد رہے کہ منگل کے روز پہلگام میں ہونے والے حملے میں 26 سیاحوں کی مبینہ ہلاکت کے بعد بھارت نے بدھ کے روز سندھ طاس معاہدے کی فوری معطلی کا اعلان کر دیا۔ بھارت نے اس واقعے کو فالس فلیگ آپریشن قرار دیتے ہوئے پاکستانی شہریوں کو 48 گھنٹوں کے اندر ملک چھوڑنے کا حکم دیا، واہگہ بارڈر بند کر دیا، اور اسلام آباد میں تعینات اپنے ملٹری اتاشی کو واپس بلا لیا۔ اس کے ساتھ ہی بھارتی ہائی کمیشن میں سفارتی عملے کی تعداد بھی محدود کر دی گئی۔
ان یکطرفہ بھارتی اقدامات کے جواب میں وزیراعظم شہباز شریف کی زیر صدارت قومی سلامتی کمیٹی کا ہنگامی اجلاس منعقد ہوا، جس کے بعد ایک جامع اعلامیہ جاری کیا گیا۔
اعلامیے کے مطابق، پاکستان نے شملہ معاہدہ سمیت تمام دوطرفہ معاہدوں کی معطلی کا عندیہ دیا ہے اور بھارت کے لیے فضائی حدود، زمینی آمد و رفت, واہگہ بارڈر اور ہر قسم کی تجارت بند کرنے کا فیصلہ کیا ہے۔ بھارتی ہائی کمیشن میں سفارتی عملہ 30 افراد تک محدود کر دیا گیا ہے جبکہ بھارت کے دفاعی، بحری اور فضائی مشیروں کو ناپسندیدہ شخصیت قرار دے کر ملک چھوڑنے کا حکم دیا گیا ہے۔
اس کے علاوہ پاکستان نے سکھ یاتریوں کے سوا تمام بھارتی شہریوں کے ویزے منسوخ کرتے ہوئے انہیں 48 گھنٹوں میں پاکستان چھوڑنے کی ہدایت جاری کی ہے۔
علاقائی امن و استحکام کے لیے اس تیزی سے بگڑتی ہوئی صورتحال نے بین الاقوامی برادری کی تشویش میں اضافہ کر دیا ہے، اور اقوام متحدہ سمیت مختلف عالمی قوتیں دونوں ممالک سے تحمل، تدبر اور مذاکرات پر زور دے رہی ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپہلگام واقعے کے بعد مقبوضہ کشمیر میں غیرقانونی قید دو سے 3 پاکستانیوں کو جیل سے غائب کردیا گیا پہلگام واقعے کے بعد مقبوضہ کشمیر میں غیرقانونی قید دو سے 3 پاکستانیوں کو جیل سے غائب کردیا گیا سی ڈی اے، 65لوئرکیڈرملازمین کو بطور جونیئراسسٹنٹ ترقی دے دی گئی نیتن یاہو اور مودی کا گٹھ جوڑ بے نقاب، 20 اسرائیلی اہلکار مقبوضہ کشمیر پہنچ گئے عمران خان نے چیف جسٹس یحیی آفریدی کو خط لکھ دیا، 200 سے زائد کیسز کا حوالہ ڈپٹی ڈائریکٹر سی ڈی اے انجینئر ڈاکٹر سجاد شکراللہ باجوہ کا اعزاز،پی ایچ ڈی تھیسز کا کامیاب دفاع،آفیسرز ایسو سی ایشن کی مبارکباد پہلگام فالس فلیگ کا پردہ چاک کرنے پر آسام کا مسلمان رکن قانون ساز اسمبلی گرفتارCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: پاکستان اور بھارت پہلگام واقعے اقوام متحدہ
پڑھیں:
وزیر خارجہ اسحاق ڈار کی اقوام متحدہ کے سیکرٹری جنرل سے ملاقات
نیویارک (طاہر محمود چوہدری سے)پاکستان کے نائب وزیراعظم/وزیر خارجہ سینیٹر محمد اسحاق ڈار نےاقوام متحدہ کے سیکرٹری جنرل انتونیو گوتریس سے اقوام متحدہ کے ہیڈ کوارٹرz میں ملاقات کی۔
ملاقات کے دوران اسحاق ڈار نے کثیرالجہتی کے لیے پاکستان کے غیر متزلزل اور پُرعزم وابستگی اور انتہائی اہم عالمی چیلنجوں سے نمٹنے میں اقوام متحدہ کے مرکزی کردار کی تصدیق کی۔ وزیر خارجہ نے تنازعات کے حل، پائیدار ترقی کو فروغ دینے اور دنیا بھر کے تمام لوگوں کے بنیادی حقوق کو برقرار رکھنے میں اقوام متحدہ کے کردار کو مضبوط بنانے پر پاکستان کے سیکرٹری جنرل کی توجہ کا یقین دلایا۔
منیب فاروق نے اے ٹی سی سرگودھا کا فیصلہ ریاستی برہمی کا نتیجہ قرار دے دیا
سیکرٹری جنرل نے اقوام متحدہ کی سلامتی کونسل میں پاکستان کی موجودگی اور اقدامات کو سراہا۔
مزید :
پاکستان نے تاریخ میں پہلی بار 1046 ارب روپے کے ترقیاتی اخراجات کیے، ترقیاتی اہداف کامیابی سے حاصل کر لئے ، وفاقی وزیر احسن اقبال