کوئٹہ، پشتونخوا میپ کا افغان شہریوں کے انخلا اور فلسطین میں جاری مظالم کیخلاف ریلی
اشاعت کی تاریخ: 26th, April 2025 GMT
مظاہرین نے مطالبہ کیا کہ افغان شہریوں کے جبری انخلا کا سلسلہ روکا جائے۔ انہوں نے فلسطین میں جاری اسرائیلی مظالم کی بھی مذمت کی۔ اسلام ٹائمز۔ پشتونخواہ ملی عوامی پارٹی کی جانب سے بلوچستان کے صوبائی دارالحکومت کوئٹہ میں افغان شہریوں کے جبری انخلا اور فلسطین میں جاری اسرائیلی مظالم کے خلاف احتجاجی ریلی نکالی گئی۔ مظاہرین کی ریلی کا آغاز میٹروپولیٹن کوئٹہ کے سبززار سے ہوا۔ مظاہرین ریلی کی شکل میں مینان چوک تک آئے جہاں مظاہرہ کیا گیا۔ مظاہرین نے اس موقع پر خطاب کرتے ہوئے حکومت سے مطالبہ کیا کہ افغان شہریوں کے جبری انخلا کا سلسلہ روکا جائے۔ انہوں نے فلسطین میں جاری اسرائیلی مظالم کی بھی مذمت کی اور مسلم ممالک کے حکمرانوں سے مطالبہ کیا کہ فلسطین کی مدد کرتے ہوئے اپنا کردار ادا کرے۔
.ذریعہ: Islam Times
کلیدی لفظ: افغان شہریوں کے فلسطین میں جاری
پڑھیں:
سینیگال یونیورسٹی میں طلبا کے فلسطین کے حق میں نعرے؛ اسرائیلی سفیر بھاگنے پر مجبور
سینیگال کی ایک یونی ورسٹی کے سیمینار میں شرکت کرنا اسرائیلی سفیر کو مہنگا پڑ گیا۔
عالمی خبر رساں ادارے کے مطابق سینیگال کے دارالحکومت ڈاکار میں واقع شیخ انتا دیوپ یونیورسٹی میں جیسے ہی اسرائیلی سفیر یووال واکس پہنچے۔ طلبا نے احتجاج شروع کردیا۔
طلبا نے فلسطین کو آزاد کرو کے نعرے لگائے اور اسرائیلی جارحیت کے خلاف شدید نعرے بازی کی۔ معاملہ اتنا شدت اختیار کرگیا تھا کہ اسرائیلی سفیر کو یونیورسٹی سے بیدخل ہونا پڑا۔
اسرائیلی سفیر شدید نعرے بازی کے باعث اپنی تقریر بھی نہیں کرسکے اور سیکیورٹی اہلکاروں نے انھیں حصار میں لیکر یونی ورسٹی سے باہر نکالا۔
اسرائیلی سفیر تیز تیز قدم اُٹھا کر جلد از جلد یونیورسٹی سے باہر نکل جانے کی کوشش کی تاہم طلبا نے مرکزی دروازے تک تعاقب کیا اور نعرے بازی کرتے رہے۔
سینیگال میں غزہ پر اسرائیلی جارحیت کے خلاف شدید غم و غصہ پایا جاتا ہے اور ایک بڑا احتجاجی مظاہرہ بھی 3 جون کو کیا جائے گا۔
یاد رہے کہ 7 اکتوبر 2023 سے جاری اسرائیلی جارحیت کے دوران 60 ہزار کے قریب فلسطینی شہید اور ڈیڑھ لاکھ سے زائد زخمی ہوگئے۔
شہید اور زخمی ہونے والوں میں نصف تعداد خواتین اور بچوں کی ہے جب کہ تقریبا 70 فیصد رہائشی عمارتیں اور اسپتال تباہ ہوگئے ہیں۔
شاہ محمود قریشی کو جیل ٹرائل کیلئے پی آئی سی سے واپس جیل منتقل کردیا گیا