بھارتی کھلاڑیوں کے خراب رویے کے باوجود شائقین پاکستانی کھلاڑیوں کے دیوانے نکلے، ویڈیو وائرل
اشاعت کی تاریخ: 31st, July 2025 GMT
ورلڈ چیمپیئن شپ آف لیجنڈز کے سیمی فائنل میں پہنچنے کے بعد انڈیا چیمپینز نے پاکستان کے ساتھ کھیلنے سے انکار کر دیا ہے۔ ٹورنامنٹ کے منتظمین نے اس فیصلے کی وجہ ’عوامی جذبات‘ کو قرار دیا ہے لیکن دوسری طرف بھارتی شائقین کی کئی ویڈیوز سوشل میڈیا پر وائرل ہو رہی ہیں جس میں انہیں پاکستانی ٹیم کے کھلاڑیوں کے ساتھ تصاویر لیتے اور ہاتھ ملاتے دیکھا گیا۔
حال ہی میں سوشل میڈیا پر ایک ویڈیو وائرل ہو رہی ہے جس میں ایک بھارتی فین کو پاکستان کرکٹ ٹیم کے سابق کھلاڑی کامران اکمل سے دستانے مانگتے ہوئے دیکھا جا سکتا ہے جس پر کھلاڑی میدان میں پڑے بیگ سے اپنے دستانے نکالتے ہیں اور وہ بھارتی فین کو دے دیتے ہیں۔
کامران اکمل سے دستانے لینے کے بعد ویڈیو بنانے والا صارف بھارتی فین سے پوچھتا ہے کہ آپ کیسا محسوس کر رہے ہیں جس کے جواب میں وہ کہتا ہے کہ مجھے بہت خوشی ہو رہی ہے، میں کامران اکمل کا بہت بڑا فین ہوں۔
بھارتی تماشائی نے سابق کرکٹر کامران اکمل سے انکے دستانے مانگے جس پر کامران اکمل نے اس بھارتی تماشائی کو اپنے دستانے دے دیئے
ویڈیو انٹرنیٹ پر وائرل ❤️ pic.
— Ather Salem® (@AthSa01) July 30, 2025
ایک صارف نے اس پر تبصرہ کرتے ہوئے کہا کہ انڈیا پاکستان کے ساتھ میچ نہیں کھیل رہا اور بھارتی فینز پاکستانی کھلاڑیوں سے گلوز مانگ رہے ہیں۔
Kahan India pk se match nhi khel Raha or ink fans Pakistan players se gloves mang rahy hen ???? , hat's off to Kamran Akmal
— ٰImran Siddique (@imransiddique89) July 31, 2025
ایک ایکس صارف نے پاکستانی کھلاڑیوں کی تعرہف کرتے ہوئے لکھا کہ بھارت کے متعصب کھلاڑیوں اور پاکستان کے کھلاڑیوں میں فرق صاف ظاہر ہے۔
بھارت کے متعصب کھلاڑیوں اور پاکستان کے کھلاڑیوں میں فرق https://t.co/HmftEwlY36
— {H0R|Z0N} (@Glowpoint) July 30, 2025
واضح رہے کہ ورلڈ چیمپیئن شپ آف لیجنڈز 2025 کے سیمی فائنل میں انڈیا چیمپیئنز کی جانب سے میچ نہ کھیلنے کے فیصلے کے بعد پاکستان چیمپیئنز بغیر کھیلے ہی فائنل میں پہنچ گئے ہیں۔ یہ پہلا موقع نہیں ہے کہ انڈیا چیمپیئنز نے پاکستان کے خلاف کھیلنے سے انکار کیا ہو وہ گروپ مرحلے میں بھی اسی فیصلے کے تحت میدان میں نہ اُترے تھے۔ اب تمام نگاہیں ہفتہ کو ہونے والے فائنل پر مرکوز ہیں، جہاں پاکستان چیمپیئنز ٹائٹل کے دفاع کے لیے میدان میں اتریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کامران اکمل
ذریعہ
ذریعہ: WE News
کلیدی لفظ: کامران اکمل کامران اکمل پاکستان کے بھارتی فین
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار