بابر اعظم کو آؤٹ کرنے پر محمد عامر کا جارحانہ جشن، دونوں کھلاڑی آمنے سامنے
اشاعت کی تاریخ: 28th, April 2025 GMT
پاکستان سپر لیگ 10 میں پشاور زلمی کے بابر اعطم کو آؤٹ کرنے پر کوئٹہ گلیڈی ایٹرز کے فاسٹ بولر محمد عامر نے گراؤنڈ میں غصہ دکھاتے ہوئے جارحانہ انداز میں جشن منایا جس کی ویڈیو سوشل میڈیا پر وائرل ہو گئی۔
وائرل ویڈیو میں دیکھا جا سکتا ہے کہ محمد عامر نے بابراعظم کو 12 رنز پر ایل بی ڈبلیو کردیا اور آؤٹ کرنے کے بعد بالی ووڈ فلم پشپا کے اسٹائل میں گلے کے نیچے سے ہاتھ گھماتے ہوئے دھماکے کا اشارہ بھی کیا جس پرکوئٹہ کےمینٹور ویون رچرڈز انھیں ٹھنڈا رہنے کا اشارہ کرتے ہوئے نظر آئے۔
What's the temperature again? ????#HBLPSLX I #ApnaXHai I #QGvPZ pic.
— PakistanSuperLeague (@thePSLt20) April 27, 2025
محمد عامر کے اس انداز پر کسی نے ان کی حمایت کی تو کوئی انہیں تنقید کا نشانہ بناتا نظرآیا، میچ کے بعد فاسٹ بولر نے پریس کانفرنس میں اپنے اس انداز پر بات کرتے ہوئے کہا کہ جارحانہ انداز فاسٹ بولر کی خوبصورتی ہوتا ہے۔
پی ایس ایل 10 میں بابراعظم کو دوسری مرتبہ آؤٹ کرنے کے سوال پر محمد عامر نے جواب دیا کہ بابر اعظم بڑا پلیئر ہے اور اس میں کوئی شک نہیں ہے، اور اگر مجھے کامیابی مل رہی ہے تو ملنے دیں۔
انہوں نے کہا کہ میرا سارا فوکس بولنگ پر ہوتا ہے اس لیے مجھے کامیابی ملنے کے چانسز بڑھ جاتے ہیں۔ محمد عامر نے کہا کہ میرا یہی پلان ہوتا ہے کہ اگر نیا گیند سوئنگ ہورہا ہے تو میں اس کو جتنا چاہے استعمال کروں پھر وہ چاہے صائم ایوب ہو یا بابر اعظم ہو۔
Mohammad Amir : "No Doubt Babar Bara Player Ha, Par Mujhe Success Mill Rahi Hai." pic.twitter.com/rSKI9zhVjY
— Thakur (@hassam_sajjad) April 27, 2025
بابر اعظم نے اس حوالے سے جواب دیتے ہوئے کہا کہ آخری 2 میچوں میں اوس نہیں تھی لیکن ہمارے میچ میں تھی۔ انہوں نے کہا کہ ٹھیک نہیں کھیلیں گے تو آؤٹ ہی ہوں گے پھر سامنے جو بھی بولر ہو تو جب غلطی کریں گے تو ایسا ہو گا اور یہ چیزیں ساتھ ساتھ چلتی رہتی ہیں۔
“Correct Execution matters not the toss. When you make mistake you lose wicket against any bowler.”
Babar Azam in Press conference ⤵️
pic.twitter.com/uMNoIab6SG
— Abu Bakar Tarar (@abubakartarar_) April 27, 2025
واضح رہے کہ پی ایس ایل 10 میں پشاور زلمی کے خلاف کوئٹہ گلیڈی ایٹرز نے 64 رنز سے کامیابی حاصل کی اور یوں پوائنٹس ٹیبل پر اب تیسری پوزیشن پر موجود ہے۔ کوئٹہ گلیڈی ایٹرز نے اب تک پانچ میں سے تین میچوں میں کامیابی حاصل کرلی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابر اعظم پشاور زلمی پی ایس ایل کوئٹہ گلیڈی ایٹر محمد عامرذریعہ: WE News
کلیدی لفظ: پشاور زلمی پی ایس ایل کوئٹہ گلیڈی ایٹر
پڑھیں:
حسینہ واجدمودی کی کٹھ پتلی، دونوں کی ملی بھگت خطے کے امن کے لیے سنگین خطرہ ہے، محمد یونس
بنگلہ دیش کے چیف ایڈوائزر محمد یونس نے ایک انٹرویو میں کہا ہے کہ سابق وزیراعظم حسینہ واجد بھارتی وزیراعظم نریندر مودی کے اشاروں پر چل رہی ہیں، اور دونوں کی ملی بھگت سے پورے خطے میں بدامنی پھیل رہی ہے۔
یہ بھی پڑھیں: بنگلہ دیش کے عبوری رہنما محمد یونس کا انتخابات کے بعد اقتدار چھوڑنے کا اعلان
اپنے ایک انٹرویو میں بنگلہ دیش کے چیف ایڈوائزر محمد یونس نے کہا کہ بھارتی وزیراعظم مودی کا رویہ اشتعال انگیز ہے اور یہ جنوبی ایشیا کے امن کے لیے خطرہ بن سکتا ہے۔
محمد یونس نے اس بات پر بھی تشویش ظاہر کی کہ بھارت کی حکومت سوشل میڈیا کو استعمال کرکے بنگلہ دیش میں ہونے والے مظالم پر پردہ ڈال رہی ہے اور عوام کی آواز دبائی جا رہی ہے۔
یہ بھی پڑھیں: دنیا کا سب سے بڑا مینوفیکچرنگ ملک بننا چاہتے ہیں، چیف ایڈوائزر بنگلہ دیش محمد یونس کا عزم
انہوں نے کہا کہ سابق وزیراعظم حسینہ واجد مودی کی کٹھ پتلی ہیں، نہ ان کے اشاروں پر زہر اگل رہی ہیں، مودی اگر حسینہ واجد کی نفرت انگیز باتوں کو نہ روکیں تو یہ صورتحال خطے کے امن اور استحکام کو مزید خراب کر سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بنگلہ دیش چیف ایڈوائزر شیخ حسینہ واجد محمد یونس نریندرمودی
چاند کے تاریک حصے میں خلائی مخلوق کی موجودگی؟ دلچسپ انکشاف