سفارتی محاذ پر اچھا مقدمہ لڑا، دوست ممالک نے موقف مانا، عطا تارڑ
اشاعت کی تاریخ: 2nd, May 2025 GMT
سرکاری ٹی وی کے پروگرام میں گفتگو کرتے ہوئے وفاقی وزیر اطلاعات و نشریات کا کہنا تھا کہ کشیدگی کی صورتحال ہے، ہم تیار ہیں، ہمیں آزمانا نہیں، آرمی چیف نے سرحدی علاقے کا دورہ کیا اور آپریشنل تیاریوں کا جائزہ لیا۔ ان کا مزید کہنا تھا کہ سندھ طاس معاہدہ کا قانونی طور پر ہمارا کیس بہت مضبوط ہے، دوست ملک پاک، بھارت کشیدگی میں کمی کے لیے سفارتی کوششیں کر رہے ہیں۔ اسلام ٹائمز۔ وفاقی وزیر اطلاعات و نشریات عطا تارڑ نے کہا ہے کہ سفارتی محاذ پر پاکستان نے اچھا مقدمہ لڑا، دوست ممالک نے ہمارے موقف کی تائید کی۔سرکاری ٹی وی کے پروگرام میں گفتگو کرتے ہوئے عطا تارڑ کا کہنا تھا کہ ہماری امن کی خواہش کو کمزوری نہ سمجھا جائے، نریندر مودی کا کوئی بھروسہ نہیں ہے، کسی بھی جارحیت کا بھرپور جواب دیا جائے گا۔
انہوں نے کہا کہ سفارتی محاذ پر پاکستان نے اچھا مقدمہ لڑا ہے، نریندر مودی نے بہار الیکشن کے لیے پہلگام فالز فلیگ کا ڈرامہ رچایا، سفارتی محاذ پر پاکستان نے بڑی کامیابی حاصل کی ہے، تمام دوست ملکوں نے پاکستان کے موقف کی بھرپور حمایت کی ہے۔ وفاقی وزیر اطلاعات و نشریات کا کہنا تھا کہ بھارت کا پروپیگنڈا بری طرح پٹ گیا ہے، میڈیا اور سوشل میڈیا کے محاذ پر بھی بھارت کو ناکامی کا سامنا کرنا پڑا، بھارت نے فالزفلیگ کی شرمندگی سے بچنے کے لیے پاکستانی یو ٹیوب چینلز پر پابندی لگائی۔
عطا تارڑ نے کہا کہ کشیدگی کی صورتحال ہے، ہم تیار ہیں، ہمیں آزمانا نہیں، آرمی چیف نے سرحدی علاقے کا دورہ کیا اور آپریشنل تیاریوں کا جائزہ لیا۔ ان کا مزید کہنا تھا کہ سندھ طاس معاہدہ کا قانونی طور پر ہمارا کیس بہت مضبوط ہے، دوست ملک پاک، بھارت کشیدگی میں کمی کے لیے سفارتی کوششیں کر رہے ہیں، بھارت نے ماضی میں مذموم عزائم کے لیے پلوامہ کا ڈرامہ رچایا، بھارتی میڈیا آوارہ اور گودی میڈیا ہے، بھارت کو پہلگام فالز فلیگ کے بعد عالمی سطح پر ناکامی ہوئی ہے۔
ذریعہ: Islam Times
کلیدی لفظ: سفارتی محاذ پر کہنا تھا کہ عطا تارڑ کے لیے
پڑھیں:
جی سیون اجلاس نے بھارت کو سفارتی سطح پر تنہا ثابت کردیا
جی سیون اجلاس نے بھارت کو سفارتی سطح پر تنہا ثابت کردیا، کینیڈا میں شریک ممالک کے سربراہان کی موجودگی میں بھارتی وزیراعظم مودی غیر حاضر رہے، بین الاقوامی میڈیا نے بھی جی سیون اجلاس کی کوریج میں بھارت کا نام اور پرچم منظر سے غائب کردیا۔
ایکسپریس نیوز کے مطابق جی سیون اجلاس میں بھارت کو اس کے جارحانہ رویے کے پیش نظر سامنے نہیں لایا گیا، جی سیون اجلاس میں بھارتی وزیراعظم کو مدعو کرنا صرف رسمی کارروائی تھی۔
قبل ازیں مودی کی کوششوں کے باوجود ان کی امریکی صدر ٹرمپ سے ملاقات نہ ہوسکی۔
بھارت کو بین الاقوامی سطح پر تنہا کرنے پر بھارت کے اندر سے بھی آوازیں اٹھنے لگیں، آل انڈیا ترنمول کانگریس کے رہنما جواہر سرکار نے مودی کو آڑے ہاتھوں لے لیا۔
جواہر سرکار نے کہا کہ مودی پہنچے ہی تھے کہ ٹرمپ اجلاس چھوڑ کر روانہ ہوگئے یہ محض اتفاق نہیں لگتا، ٹرمپ کی جانب سے ملاقات سے انکار پر مودی اور بھارتی میڈیا شدید مایوس ہوگیا۔
بھارتی میڈیا نے ٹرمپ کے پاک بھارت جنگ بندی فیصلے کو تسلیم نہ کرتے ہوئے سخت رد عمل دیا تھا۔ ٹرمپ کی عدم دلچسپی اور ملاقات سے انکار نے عالمی سطح پر مودی کی سیاسی ساکھ کو مزید کمزور کردیا
نائب وزیراعظم اسحاق ڈار رواں ماہ امریکا کا دورہ کریں گے