شاہ رخ خان دنیا کے چوتھے امیر ترین اداکار بن گئے
اشاعت کی تاریخ: 3rd, May 2025 GMT
شاہ رخ خان، جو بھارت میں ’بادشاہ‘ اور دنیا بھر میں ’کنگ آف رومانس‘ کے نام سے پہچانے جاتے ہیں، اب صرف دلوں کے نہیں بلکہ دولت کے بھی بادشاہ بن چکے ہیں۔
عالمی شہرت یافتہ میگزین اسکوائر کی تازہ رپورٹ کے مطابق، شاہ رخ خان کو 2025 کے دنیا کے دس امیر ترین اداکاروں کی فہرست میں چوتھا مقام حاصل ہوا ہے۔ ان کی مجموعی دولت کا تخمینہ 87 کروڑ 65 لاکھ امریکی ڈالر یعنی تقریباً 8 ارب 76 کروڑ روپے لگایا گیا ہے۔
دلچسپ بات یہ ہے کہ اس فہرست میں شاہ رخ نے صرف بالی ووڈ کے ہی نہیں، بلکہ ہالی ووڈ کے کئی معروف اور مقبول چہروں کو بھی پیچھے چھوڑ دیا ہے۔ بریڈ پٹ، جیکی چن، جارج کلونی، ٹام ہینکس اور رابرٹ ڈی نیرو جیسے عالمی سطح کے ستارے اس دوڑ میں شاہ رخ سے پیچھے رہ گئے ہیں۔
رپورٹ کے مطابق آرنلڈ شیوارزنیگر 1.
میگزین اسکوائر کی رپورٹ یہ بھی ظاہر کرتی ہے کہ شاہ رخ خان کی دولت میں پچھلے پانچ برسوں کے دوران حیران کن طور پر 46 فیصد اضافہ ہوا ہے۔ 2020 میں ان کی دولت 60 کروڑ ڈالر تھی، جو 2025 میں 80 کروڑ 76 لاکھ ڈالر تک پہنچ چکی ہے۔ یہ اضافہ محض فلمی کمائی کا نتیجہ نہیں، بلکہ ان کی بزنس اسٹریٹجی، سرمایہ کاری اور برانڈ ویلیو کا ثبوت ہے۔
شاہ رخ کی حالیہ کامیابیوں میں 2023 کی بلاک بسٹر فلمیں ’پٹھان‘ اور ’جوان‘ بھی شامل ہیں جنہوں نے باکس آفس پر ریکارڈ توڑ کامیابیاں سمیٹیں اور کنگ خان کو نہ صرف اداکاری کے میدان میں بلکہ مالی میدان میں بھی بلند مقام پر پہنچا دیا۔
ذریعہ: Express News
کلیدی لفظ: شاہ رخ خان کے ساتھ
پڑھیں:
لارڈ سرفراز یونیورسٹی آف ایسٹ لندن کے چوتھے چانسلر مقرر
لندن(نیوز ڈیسک)یونیورسٹی آف ایسٹ لندن (UEL) نےپاکستانی نژادبرطانوی شہری پاکستانی عامر احمد سرفراز، لارڈ سرفراز آف کینسنگٹن کو اپنا نیا چانسلر مقرر کرنے کا اعلان کیا ہے۔ ان کی تعیناتی آج سے ہوگی۔
لارڈ سرفراز، جو برطانوی ہاؤس آف لارڈز کے ممتاز رکن اور کاروبار، عوامی خدمت اور فلاحی کاموں میں نمایاں قیادت کے حامل ہیں، یونیورسٹی کے مطابق اس اہم وقت میں عالمی تجربے کا منفرد امتزاج لے کر آ رہے ہیں۔ بطور چانسلر وہ یونیورسٹی کے سفیر کی حیثیت سے طلبہ، مشن اور اسٹریٹجک وژن کو فروغ دیں گے۔
یہ تقرری اس وقت ہوئی ہے جب یونیورسٹی “ویژن 2028” پر عمل درآمد کر رہی ہے، جس کا مقصد یونیورسٹی کو برطانیہ کی صفِ اول کی “کیرئیرز فرسٹ” یونیورسٹی بنانا ہے، جہاں شمولیت، پائیداری اور جدت پر خصوصی توجہ دی جا رہی ہے۔
یونیورسٹی کی وائس چانسلر پروفیسر امانڈا بروڈیرک نے کہا:
“لارڈ سرفراز کی بطور چانسلر تقرری ہمارے لیے ایک تاریخی لمحہ ہے۔ ان کی قیادت میں طلبہ کے لیے ایسا ماحول فراہم ہوگا جہاں ہر پس منظر سے تعلق رکھنے والے طلبہ کامیاب ہو سکیں۔ ان کی پائیداری کے حوالے سے قیادت ہمارے 2030 تک نیٹ زیرو کاربن کے ہدف سے ہم آہنگ ہے۔”
لارڈ سرفراز نے 2019 میں ہاؤس آف لارڈز میں نامزدگی حاصل کی اور 2020 میں بارون سرفراز آف کینسنگٹن بنے۔ وہ 2022 سے 2024 تک وزیراعظم کے سنگاپور کے لیے تجارتی نمائندے بھی رہے اور اس وقت نیشنل سیکیورٹی اسٹریٹیجی کی مشترکہ کمیٹی کے رکن ہیں۔
بطور وینچر کیپیٹلسٹ اور نیٹ زیرو ایگ کے بانی، جو ترقی پذیر خطوں میں پائیدار زراعت کی معاونت کرتا ہے، ان کا کیریئر یونیورسٹی کے ویژن 2028 کے معاشی خودمختاری اور ماحولیاتی قیادت کے اہداف سے مطابقت رکھتا ہے۔ وہ مختلف ٹیکنالوجی کمپنیوں اور فنڈز کے سینئر مشیر بھی ہیں جبکہ ان کی فلاحی سرگرمیاں لارڈ سرفراز فاؤنڈیشن کے ذریعے تعلیم اور مواقع پر مرکوز ہیں۔
لارڈ سرفراز نے کہا:
“یونیورسٹی آف ایسٹ لندن کا نیا چانسلر بننا میرے لیے اعزاز کی بات ہے۔ UEL نے ہمیشہ متنوع کمیونٹیز کی خدمت، مواقع فراہم کرنے اور طلبہ کو مستقبل بنانے کی صلاحیت دینے کی شاندار تاریخ رکھی ہے۔ میں اس مشن کو آگے بڑھانے اور نئی نسل کے لیڈرز اور انوویٹرز کی حمایت کرنے کا منتظر ہوں۔”
پی ٹی آئی نے 5 اگست تحریک کا پلان تیار کرلیا