کراچی، ملیر کالا بورڈ کے علاقے میں دھماکا، علاقے میں خوف و ہراس
اشاعت کی تاریخ: 4th, May 2025 GMT
کراچی:
ابتدائی تفتیش کے دوران دھماکا کریکر حملہ بتایا جا رہا ہے جس کی مزید تحقیقات کی جا رہی ہے ، خوش قسمتی سے کوئی جانی نقصان نہیں ہوا
شہر قائد کے علاقے ملیر کالا بورڈ چھیپا بوتھ کے عقب سے گزرنے والی ریلوے لائن کے قریب دھماکے سے علاقے میں خوف و ہراس پھیل گیا۔
واقعے کی اطلاع ملتے ہی پولیس اور رینجرز کی بھاری نفری موقع پر پہنچ گئی اور جائے وقوعہ کو سیل کر کے دھماکے کی نوعیت کا پتہ چلانے کے لیے بم ڈسپوزل اسکواڈ کو طلب کرلیا۔
چھیپا بوتھ کے عقب میں رینجرز کی خالی چوکی بھی قائم ہے اور ابتدائی تفتیش کے دوران دھماکا کریکر حملہ بتایا جا رہا ہے جس کی مزید تحقیقات کی جا رہی ہے۔
مزید پڑھیں: کراچی؛ گھر میں گیس لیکیج سے دھماکا؛ ملازمہ جاں بحق اور دو زخمی
دھماکے میں خوش قسمتی سے کوئی جانی نقصان نہیں ہوا ، دھماکے سے قریب ہی کھڑی ہوئی چھیپا کی ایمبولینس کی چھت اور موٹر سائیکل کی ٹنکی پر دھماکے کے بعد نشانات پائے گئے۔
جبکہ اس بات کا بھی شبہ ظاہر کیا جا رہا ہے کہ کہیں دھماکا ریلوے لائن کو نقصان پہنچانے کی کوشش تو نہیں تھی جبکہ ڈی آئی جی ایسٹ زون عثمان غنی کی جانب سے دھماکے کو کریکر حملہ قرار دیا جا رہا ہے جبکہ رات گئے تک بی ڈی ایس کا عملہ دھماکے سے متعلق شواہد حاصل کرنے میں مصروف تھے ۔
.ذریعہ: Express News
کلیدی لفظ: جا رہا ہے
پڑھیں:
جعفر ایکسپریس پر جیکب آباد کے قریب بم حملہ، تمام مسافر محفوظ رہے
پشاور سے کوئٹہ جانے والی جعفر ایکسپریس کو جیکب آباد کے قریب بم دھماکے کے ذریعے نشانہ بنایا گیا۔ ریلوے ذرائع کے مطابق دھماکے کے نتیجے میں ٹرین کی 2 بوگیاں پٹڑی سے اتر گئیں، تاہم خوش قسمتی سے کسی قسم کا جانی نقصان یا زخمی ہونے کی اطلاع نہیں ملی۔
ٹرین کی پٹری کو نقصان، مرمت کا کام فوری شروعحکام کے مطابق دھماکے کے نتیجے میں ریلوے ٹریک کو جزوی نقصان پہنچا ہے جس کی مرمت کا کام فوری طور پر شروع کر دیا گیا ہے۔ ریلوے انتظامیہ نے متاثرہ کوچز کو ہٹانے اور رُکے ہوئے سفر کو بحال کرنے کے لیے فوری طور پر ریلیف ٹرین روانہ کر دی۔
وزیراعلیٰ سندھ کی شدید مذمت، فوری تحقیقات کا حکموزیراعلیٰ سندھ مراد علی شاہ نے واقعے کی شدید مذمت کرتے ہوئے اسے عوام کی سلامتی پر حملہ قرار دیا ہے۔ انہوں نے متعلقہ حکام کو ہدایت جاری کی کہ واقعے میں ملوث عناصر کو جلد قانون کے کٹہرے میں لایا جائے۔
ان کا کہنا تھا کہ مکمل تحقیقات کر کے رپورٹ فوری پیش کی جائے، صوبے بھر میں ریلوے ٹریکس اور حساس مقامات کی سیکیورٹی کو مزید سخت کیا جائے۔
آئی جی کی بریفنگ، بم ڈسپوزل اسکواڈ متحرکآئی جی سندھ نے وزیراعلیٰ کو ابتدائی بریفنگ میں بتایا کہ بم ڈسپوزل اسکواڈ دھماکے کی نوعیت کا جائزہ لے رہا ہے۔ تحقیقات جاری ہیں، اور ابتدائی اطلاعات کے مطابق جعفر ایکسپریس کی پانچ بوگیاں دھماکے کے نتیجے میں پٹری سے اتر گئیں، تاہم کسی بھی قسم کی جانی نقصان کی تصدیق نہیں ہوئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی جی سندھ بم دھماکا ٹرین جعفر ایکسپریس جیکب آباد مراد علی شاہ وزیراعلیٰ سندھ
وفاقی بجٹ متوازن اور عوام دوست ہے، عبدالروف چوہدری