چینی صدر روس کا سرکاری دورہ کریں گے، وزارت خارجہ
اشاعت کی تاریخ: 4th, May 2025 GMT
بیجنگ :چین کی وزارت خارجہ کے ترجمان نے اعلان کیا کہ روسی فیڈریشن کے صدر ولادیمیر پیوٹن کی دعوت پر چینی صدر شی جن پھنگ 7 سے 10 مئی تک روس کا سرکاری دورہ کریں گے اور ماسکو میں عظیم حب الوطنی کی جنگ میں سوویت یونین کی فتح کی 80 ویں سالگرہ کی تقریبات میں شرکت کریں گے۔
وزارت خارجہ کے ترجمان کا کہنا تھا کہ دورے کے دوران صدر شی جن پھنگ نئی صورتحال میں چین روس تعلقات کی ترقی اور اہم بین الاقوامی اور علاقائی امور پر صدر پیوٹن سے اسٹریٹجک بات چیت کریں گے۔انہوں نے یقین ظاہر کیا کہ دونوں سربراہان مملکت کے درمیان طے پانے والے اہم اتفاق رائے سے چین اور روس کے درمیان سیاسی باہمی اعتماد مزید گہرا ہوگا، تزویراتی تعاون آگے بڑھے گا، مختلف شعبوں میں عملی تعاون کو فروغ ملے گا، دونوں ممالک کے عوام کو مزید فوائد حاصل ہوں گے اور بین الاقوامی برادری میں مزید استحکام اور مثبت توانائی آئے گی۔
اس سال جاپانی جارحیت کے خلاف چین کی مزاحمتی جنگ، سوویت یونین کی عظیم حب الوطنی کی جنگ اور عالمی فاشسٹ مخالف جنگ کی فتح کی 80 ویں سالگرہ ہے۔ اس تاریخی لمحے پر ماسکو میں منعقد ہونے والی تقریبات میں شرکت صدر شی جن پھنگ کے دورے کا ایک اہم حصہ ہے، اور عالمی فاشسٹ مخالف جنگ کی فتح کی 80 ویں سالگرہ کی تقریبات کے انعقاد میں چین اور روس کی باہمی حمایت کی لازمی ذمہ داری بھی ہے۔
اس سال اقوام متحدہ کے قیام کی 80 ویں سالگرہ بھی منائی جا رہی ہے۔ چین اور روس اقوام متحدہ، شنگھائی تعاون تنظیم اور برکس جیسے کثیر الجہتی پلیٹ فارمز میں قریبی تعاون کو مزید مستحکم کریں گے، گلوبل ساؤتھ کو متحد کریں گے، عالمی حکمرانی کی درست سمت میں قیادت کریں گے، یکطرفہ پسندی اور غنڈہ گردی کے خلاف واضح موقف اختیار کریں گے، اور مساوی، منظم کثیر قطبی دنیا اور جامع اقتصادی عالمگیریت کو فروغ دینے کے لئے مل کر کام کریں گے۔
ذریعہ: Daily Mumtaz
پڑھیں:
وفاقی سرکاری ملازمین کیلئے کرایہ داری سیلنگ میں 85 فیصد اضافہ
اسلام آباد(نیوز ڈیسک)وفاقی حکومت نے سرکاری ملازمین کے لیے بڑا ریلیف فراہم کرتے ہوئے کرایہ داری سیلنگ میں 85 فیصد اضافہ کر دیا، وزارتِ ہاؤسنگ و ورکس نے اضافے کا نوٹیفکیشن جاری کر دیا ہے، جو یکم نومبر 2025 سے نافذ العمل ہوگا۔
ڈان نیوز کے مطابق ترجمان وزارت ہاؤسنگ کے مطابق نئی کرایہ داری سیلنگ کی شرحیں فنانس ڈویژن کی مشاورت سے طے کی گئی ہیں، اور اس کا اطلاق وفاقی حکومت کے تمام ملازمین بی ایس-1 تا 22 پر ہو گا۔
ترجمان وزارت ہاؤسنگ کا کہنا ہے کہ اضافے کا اطلاق فی الحال 6 بڑے اسٹیشنز پر کیا گیا ہے، وزارت کے مطابق بڑے شہروں میں بڑھتے ہوئے کرایوں کے پیشِ نظر یہ فیصلہ سرکاری ملازمین کے لیے قابلِ قدر ریلیف ثابت ہوگا۔
وفاقی وزیر برائے ہاؤسنگ و ورکس میاں ریاض حسین پیرزادہ نے فیصلے کو ملازمین کے لیے خوش آئند قرار دیتے ہوئے کہا کہ وزارت ہاؤسنگ ملازمین کی سہولت اور فلاح کے لیے پُرعزم ہے۔
اعداد و شمار کے مطابق اسلام آباد میں اس وقت17 ہزار 400 سرکاری رہائشی مکانات موجود ہیں جبکہ 43 ہزار سے زائد رجسٹرڈ درخواست گزار سرکاری رہائش کے منتظر ہیں۔
افغانستان سے کشیدگی میں تحریک انصاف ریاست پاکستان کے ساتھ کھڑی ہوگی، بیرسٹر گوہر