پاک بھارت کشیدگی: پاکستان کا خطے کی صورتحال پر اقوام متحدہ سلامتی کونسل کو بریفنگ دینے کا فیصلہ
اشاعت کی تاریخ: 4th, May 2025 GMT
پاکستان نے خطے کی تازہ صورت حال پر اقوام متحدہ سلامتی کونسل کو بریفنگ دینے کا فیصلہ کرلیا۔
ترجمان دفتر خارجہ کے مطابق نائب وزیراعظم اسحاق ڈار نے اسحاق ڈار نے اقوام متحدہ میں پاکستانی مندوب کو ہدایت کی ہے کہ سلامتی کونسل کا اجلاس جلد بلانے کے لیے اقدامات کیے جائیں۔
یہ بھی پڑھیں پہلگام واقعہ: سوئٹزر لینڈ کے بعد یونان نے بھی پاکستان کی تجویز کی حمایت کردی
ترجمان دفتر خارجہ کے مطابق پاکستان اقوام متحدہ کی سلامتی کونسل کو بھارت کے جارحانہ اقدامات سے آگاہ کرےگا۔
ترجمان نے بتایا کہ بریفنگ کے دوران سندھ طاس معاہدے کی معطلی کے غیرقانونی بھارتی اقدام کو اجاگر کیا جائےگا۔
ترجمان دفتر خارجہ نے بتایا کہ پاکستان واضح کرے گا کہ بھارتی اقدامات خطے میں امن و سلامتی کو خطرے میں ڈال رہے ہیں۔
ترجمان کے مطابق سفارتی اقام پاکستان کی عالمی برادری کے سامنے درست حقائق کو پیش کرنے کی کوششوں کا حصہ ہے۔
واضح رہے کہ پہلگام واقعہ کے پاکستان اور بھارت کے درمیان حالات کشیدہ ہیں، ہندوستان نے واقعہ کا الزام پاکستان پر لگاتے ہوئے سندھ طاس معاہدہ یکطرفہ طور پر معطل کردیا اور سنگین نتائج کی بھی دھمکی دی۔
پاکستان نے بھی جوابی اقدام کرتے ہوئے بھارت پر واضح کیا ہے کہ اگر ہمارا پانی روکنے کی کوشش کی تو اسے جنگ تصور کیا جائےگا۔
یہ بھی پڑھیں ابدالی میزائل ایٹمی ہتھیار لے جانے کی صلاحیت رکھتا ہے، رانا ثنااللہ نے بھارت کو خبردار کردیا
اس وقت پاکستان اور بھارت کی افواج آمنے سامنے ہیں، پاکستان نے کہا ہے کہ اگر بھارت نے کوئی مہم جوئی کی تو اسے کئی گنا بڑھ کر جواب دیا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار اقوام متحدہ سلامتی کونسل بریفنگ پاک بھارت کشیدگی پاکستان بھارت جنگ ترجمان دفتر خارجہ جنوبی ایشیا نائب وزیراعظم وی نیوز.ذریعہ: WE News
کلیدی لفظ: اسحاق ڈار اقوام متحدہ سلامتی کونسل بریفنگ پاک بھارت کشیدگی پاکستان بھارت جنگ ترجمان دفتر خارجہ جنوبی ایشیا وی نیوز ترجمان دفتر خارجہ سلامتی کونسل اقوام متحدہ سلامتی کو
پڑھیں:
خلیج فارس میں کشیدگی: پی آئی اے نے قطر، بحرین، کویت اور دبئی کی پروازیں منسوخ کر دیں
data-id="863a0a8" data-element_type="widget" data-widget_type="theme-post-content.default">
اسلام آباد:پاکستان انٹرنیشنل ایئرلائن (پی آئی اے) نے مشرقِ وسطیٰ میں بڑھتی ہوئی جنگی صورتحال کے باعث اہم فیصلہ لیتے ہوئے قطر، بحرین، کویت اور دبئی کے لیے اپنی تمام پروازیں عارضی طور پر منسوخ کر دی ہیں۔
میڈیا رپورٹس کے مطابق ترجمان پی آئی اے کاکہنا ہےکہ یہ فیصلہ خلیج کے متعدد ممالک میں سیکیورٹی کی صورتحال اور “ممکنہ خطرات” کے پیشِ نظر احتیاطی اقدام کے طور پر کیا گیا ہے،مسافروں کی حفاظت پی آئی اے کی اولین ترجیح ہے۔
انہوں نے مزید کہاکہ قطر، بحرین، کویت اور دبئی کی پروازوں کی منسوخی کا فیصلہ مکمل جانچ کے بعد کیا گیا اور جیسے ہی حالات معمول پر آئیں گے، فضائی آپریشن بحال کر دیا جائے گا،تمام متاثرہ مسافروں کو ان کی پروازوں کے بارے میں بروقت آگاہی دی جا رہی ہے۔
ترجمان کاکہنا تھا کہ محکمہ ریزرویشن نے فوری طور پر متاثرہ مسافروں کی دوسری دستیاب پروازوں میں منتقلی کا عمل شروع کر دیا ہے، مسافروں سے درخواست کی گئی ہے کہ وہ اپنی پروازوں کی تازہ ترین صورتحال جاننے کے لیے پی آئی اے کال سینٹر یا قریبی دفاتر سے رابطہ کریں۔
انہو ں نے مزید کہاکہ متاثرہ مسافر درج ذیل ذرائع سے معلومات حاصل کر سکتے ہیںپی آئی اے کال سینٹر: 111-786-786، ویب سائٹ: www.piac.com.pk، قریبی بکنگ آفس یا ایجنٹ سے رابطہ کریں۔
ترجمان پی آئی اے نے پروازوں کی منسوخی کے باعث مسافروں کو ہونے والی تکلیف پر دلی معذرت کا اظہار کرتے ہوئے کہا کہ یہ فیصلہ آپ کی حفاظت کے پیشِ نظر لیا گیا ہے اور ہم ہر ممکن کوشش کر رہے ہیں کہ مسافروں کو کم سے کم پریشانی ہو۔ جیسے ہی صورتحال بہتر ہوگی، آپریشن فوری بحال کیا جائے گا۔
پینشن کا حجم ترقیاتی بجٹ سے زیادہ ہے، پینشن فنڈ پر ٹیکس کی تجویز دی گئی ہے، وزیر خزانہ