اپوزیشن لیڈر جی بی اسمبلی کاظم میثم کا گلگت میں سیمینار سے خطاب
اشاعت کی تاریخ: 5th, May 2025 GMT
سیمینار سے خطاب میں اپوزیشن لیڈر جی بی اسمبلی نے واضح کیا کہ گلگت بلتستان کے وسائل کا ہر صورت تحفظ کرینگے۔ انہوں نے کہا کہ وفاق کو جی بی کے ساتھ مالیاتی معاہدہ کرنا ہوگا، جیسا کہ کشمیر کے ساتھ کیا گیا ہے۔ متعلقہ فائیلیںاسلام ٹائمز۔ گلگت میں مجلس وحدت مسلمین کے زیراہتمام "عالمی سازشیں اور ہماری ذمہ داریاں" کے عنوان سے سیمینار کا انعقاد کیا گیا، جس میں قومی و علاقائی صورتحال کے ساتھ عالمی امور پر بھی سیر حاصل گفتگو کی گئی۔ سیمینار سے خطاب کرتے ہوئے اپوزیشن لیڈر گلگت بلتستان و پارلیمانی لیڈر ایم ڈبلیو ایم محمد کاظم میثم نے جی بی کیخلاف کچھ محلاتی سازشوں سے پردہ اٹھایا۔ انہوں نے اپنے خطاب میں اسلام آباد میں ہونے والی ایک امریکی این جی بی او کے اجلاس کی کہانی بھی سنائی۔ انہوں نے واضح کیا کہ گلگت بلتستان کے وسائل کا ہر صورت تحفظ کرینگے۔ انہوں نے کہا کہ وفاق کو جی بی کے ساتھ مالیاتی معاہدہ کرنا ہوگا، جیسا کہ کشمیر کے ساتھ کیا گیا ہے۔ ان کا کہنا تھا کہ ایک جانب کہا جاتا ہے کہ گلگت بلتستان متنازعہ علاقہ ہے تو ایک متنازعہ علاقے میں غداری کا کیس کیسے بن سکتا ہے۔؟ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ: Islam Times
کلیدی لفظ: گلگت بلتستان انہوں نے کے ساتھ
پڑھیں:
انجمن طلبہ اسلام کے زیراہتمام پری بجٹ ایجوکیشنل سیمینار کا انعقاد
مقررین نے کہا کہ تعلیم حکومت کی ترجیحات میں شامل نہیں، ہر سال مختص تعلیمی بجٹ میں بھی کمی کرکے تعلیم دشمنی کا ثبوت دیا جاتا ہے، جامعات کی خود مختاری، طلباء کی فیسوں، نئی پی ایچ ڈی پالیسی کے مسائل جوں کے توں ہیں، حکومت تمام سٹیک ہولڈرز کی مشاورت سے تعلیمی پالیسیاں ترتیب دے۔ اسلام ٹائمز۔ انجمن طلبہ اسلام کے مرکزی صدر مبشر حسین نے پری بجٹ ایجوکیشنل سیمینار سے خطاب کرتے ہوئے کہا کہ حکومت نے روایتی اور تعلیم دشمن بجٹ پیش کیا تو طلبہ برادری کو سٹرکوں پر لے آئیں گے۔ ملک میں بڑھتے ہوئے تعلیمی مسائل سے نمٹنے کیلئے بجٹ میں تعلیم کیلئے مجموعی بجٹ کا کم ازکم 5 فیصد مختص کیا جائے جبکہ تعلیمی بجٹ کا پچیس فیصد اعلیٰ تعلیم کیلئے مختص کیا جائے۔ حکومتوں سے نوجوان نسل مایوس ہو چکی ہے۔ وفاقی اور صوبائی حکومتیں تعلیم دوست بجٹ پیش کریں۔ لاکھوں طلباء کے مستقبل سے کھیلنے کا گھناؤنا کھیل بند ہونا چاہیے۔ اعلی تعلیمی بجٹ میں 5.90 ارب کی کٹ لگانے والے تعلیم کے دشمن ہیں۔ تعلیم حکمرانوں کی ترجیحات میں سرے سے شامل ہی نہیں۔
انہوں نے کہا مجموعی بجٹ کا 5فیصد تعلیم کیلئے مختص کیا جائے۔ مجموعی بجٹ میں اعلی تعلیم کیلئے 150 بلین مختص کئے جائیں، ریسرچ اور ڈویلپمنٹ کے فنڈز میں کٹوتی نہ کی جائے، گزشتہ پانچ برس سے اعلی تعلیم کا بجٹ 65 ارب سے نہیں بڑھ رہا جسے فی الفور بڑھایا جائے، جامعات کے اساتذہ کی تنخواہوں میں اضافہ کیا جائے، صوبائی سطح پر تمام صوبہ جات میں سٹوڈنٹس کونسلنگ سینٹرز قائم کئے جائیں، نئی جامعات کی بجائے فی الوقت موجود جامعات میں تعلیمی معیار کو بہتر بنایا جائے، یونیورسٹی سنڈیکیٹ میں طلباء کی نمائندگی یقینی بنائی جائے، بلوچستان کے پی کے سندھ سمیت جنوبی پنجاب کے پسماندہ علاقوں کی جامعات کو بجٹ میں خصوصی اہمیت دی جائے۔
پری بجٹ سیمینار سے ممتاز ماہر تعلیم محمد مرتضی نور، ماہر قانون سید جوادالحسن کاظمی ایڈووکیٹ، مختلف طلبہ تنظیموں، یوتھ جماعتوں کے نمائندوں سمیت دیگر اہم شخصیات نے بھی خطاب کیا۔ مقررین نے کہا کہ تعلیم حکومت کی ترجیحات میں شامل نہیں، ہر سال مختص تعلیمی بجٹ میں بھی کمی کرکے تعلیم دشمنی کا ثبوت دیا جاتا ہے، جامعات کی خود مختاری، طلباء کی فیسوں، نئی پی ایچ ڈی پالیسی کے مسائل جوں کے توں ہیں، حکومت تمام سٹیک ہولڈرز کی مشاورت سے تعلیمی پالیسیاں ترتیب دے تاکہ پاکستان کا تعلیمی نظام مستحکم ہو سکے، یکساں نصاب اور نظام بھی ادھورا خواب ہے، شرکاء سیمینار نے مطالبہ کیا کہ سی ایس ایس پی ایم ایس سمیت تمام امتحانات کو اردو میں منعقد کیا جائے، شرکاء نے مطالبات نہ منظور ہونے کی صورت میں ملک گیر احتجاجی تحریک کا عندیہ بھی دیا ہے۔
پاکستان کے ترقی کرتے آئی ٹی شعبے میں خواتین کا کردار کم کیوں؟ رپورٹ جاری