خیبر پختونخوا کے 12 اضلاع میں زیر زمین پانی کی سطح میں تیزی سے کمی
اشاعت کی تاریخ: 5th, May 2025 GMT
خیبر پختونخوا کے 12 مختلف اضلاع میں زیر زمین پانی کی سطح تیزی سے کم ہو رہی ہے۔ شہری علاقوں کے مقابلے میں دیہی علاقوں میں پانی کی سطح کم ہونے کی رفتار زیادہ ہے۔
وزیراعلیٰ علی امین گنڈاپور کے ضلع ڈی آئی خان میں گزشتہ 10 سال کے دوران زیر زمین پانی کی سطح 8 فٹ تک گری ہے۔ حکومت نے زیر زمین پانی کی گرتی سطح کو کنٹرول کرنے کے لیے سوات اور پشاور سمیت صوبے کے مختلف اضلاع میں زمینی ذرائع سے پانی حاصل کرنے والے منصوبوں پر کام شروع کردیا ہے۔
خیبر پختونخوا میں زیر زمین پانی کی سطح تیزی سے کم ہو رہی ہے۔ حکومتی رپورٹ کے مطابق پشاور کے شہری علاقوں میں زیر زمین پانی کی سطح میں کمی آئی ہے جبکہ دیہی علاقوں میں سالانہ ایک فٹ کمی ہوئی ہے۔
ضلع خیبر میں صورتحال انتہائی تشویشناک ہے جہاں سالانہ زیر زمین پانی کی سطح سات اعشاریہ چار فیصد گر رہی ہے۔ ہری پور میں 6 اشاریہ4 ، مہمند میں 5 اعشاریہ 7 جبکہ باجوڑ میں سالانہ زیرزمین پانی تین اعشاریہ تین فٹ کم ہورہا ہے۔
موسمیاتی تبدیلی، شہری علاقوں میں تیزی سے بڑھتی آبادی اور ضروریات کے لیے زیرزمین پانی پر زیادہ انحصار پانی کی مسلسل کمی کی بڑی وجوہات ہیں۔ جنوبی وزیرستان سمیت صوبہ کے 20 اضلاع میں سالانہ زیر زمین پانی کی سطح صفر اعشاریہ 1 سے تک گر رہی ہے۔ جس کے پیش نظر اب قدرتی وسائل سے حاصل ہونے والے پانی کو ڈیمز میں محفوظ کرنا ناگزیر ہوگیا ہے۔
گندے پانی کو قابل استعمال بنانے، زیر زمین پانی کو نکالنے کے نظام کی نگرانی اور مینجمنٹ جبکہ عوام میں پانی کے مناسب استعمال کے حوالے سے آگاہی پیدا کرکے نہ صرف اس کے ضیاع کو روکا بلکہ آئندہ آنے والی نسلوں کے لئے بھی پانی کو محفوظ بنایا جاسکتا ہے۔
خیبرپختونخوا کے متعدد اضلاع میں زیر زمین پانی کی سطح میں کمی ہوئی ہے تاہم چترال، شمالی وزیرستان اور اپر دیر سمیت صوبہ کے 8 اضلاع ایسے ہیں جہاں شہریوں کا زیادہ انحصار زمین پر موجود پانی کے استعمال پر ہے، یہ ہی وجہ ہے کہ ان اضلاع میں زیر زمین پانی کی سطح مستحکم ہے۔
.ذریعہ: Jang News
کلیدی لفظ: اضلاع میں زیر زمین پانی کی سطح علاقوں میں پانی کو تیزی سے رہی ہے
پڑھیں:
پی ٹی آئی احتجاج: خیبر پختونخوا میں کہاں کہاں مظاہرے ہوں گے، کون سی اہم شاہراہیں متاثر ہوں گی؟
پاکستان تحریکِ انصاف (پی ٹی آئی) خیبر پختونخوا نے بانی چیئرمین عمران خان کی ہدایت پر ان کی رہائی کے لیے 5 اگست کو ہونے والے احتجاج کو حتمی شکل دے دی ہے۔ پارٹی کے اعلان کے مطابق، صوبے بھر میں احتجاجی مظاہروں کا آغاز سہ پہر 4 بجے سے ہوگا۔
پی ٹی آئی پشاور ریجن کی جانب سے جاری کردہ شیڈول کے مطابق، پشاور ریجن میں 3 مقامات پر احتجاجی مظاہرے ہوں گے، جن کی قیادت متعلقہ اضلاع کے رہنما یا منتخب نمائندے کریں گے۔
صوابی موٹروے انٹرچینج پر بڑا احتجاجپی ٹی آئی کے مطابق، 5 اگست کو موٹروے پر بھی بڑا احتجاج متوقع ہے۔ صوابی، مردان اور چارسدہ کے کارکنان سہ پہر 3:30 بجے سے صوابی موٹروے انٹرچینج پر جمع ہونا شروع ہوں گے۔
مزید پڑھیں: 9 مئی : مقتدر حلقوں نے پی ٹی آئی قیادت کو پیغام دیدیا
اگرچہ موٹروے بند کرنے سے متعلق کوئی واضح اعلان نہیں کیا گیا، تاہم امکان ہے کہ احتجاج کے باعث پشاور سے اسلام آباد جانے والی ٹریفک متاثر ہو گی۔ اس احتجاج میں سابق اسپیکر اسد قیصر، عاطف خان، شہرام ترکئی اور دیگر رہنما شرکت کریں گے۔ پی ٹی آئی کے مطابق احتجاج پرامن ہو گا اور اسلام آباد کی طرف کسی ریلی یا دھرنے کا کوئی منصوبہ نہیں ہے۔ قائدین احتجاجی شرکا سے خطاب کریں گے۔
پشاور میں احتجاج کہاں ہوگا؟پی ٹی آئی پشاور ریجن کے اعلامیے کے مطابق، پشاور اور ضلع خیبر کا مشترکہ احتجاج رنگ روڈ پر واقع حیات آباد ٹول پلازہ سے شروع ہو گا۔ کارکنان کو ہدایت کی گئی ہے کہ وہ شام 4 بجے تک ٹول پلازہ پر پہنچیں۔ ضلع خیبر کے کارکنان بھی وہیں جمع ہوں گے، اور وزیراعلیٰ خیبر پختونخوا علی امین گنڈاپور کی قیادت میں ریلی کا آغاز ہو گا، جو حیات آباد ٹول پلازہ سے جی ٹی روڈ فردوس چوک تک جائے گی۔
ریلی کے دوران وزیر اعلیٰ اور دیگر قائدین خطاب کریں گے۔ احتجاج کے باعث رنگ روڈ اور جی ٹی روڈ پر ٹریفک کی روانی متاثر ہو سکتی ہے، تاہم بی آر ٹی بس سروس متاثر نہیں ہو گی۔
مزید پڑھیں: روپوشی کے دوران کئی مرتبہ بھیس بدلا، پی ٹی آئی رہنما شیخ امتیاز
نوشہرہ میں جی ٹی روڈ پر مظاہرہپی ٹی آئی کے اعلامیے کے مطابق، ضلع نوشہرہ کا احتجاج جی ٹی روڈ خیرآباد کے مقام پر ہو گا، جہاں کارکنان کو شام 4 بجے پہنچنے کی ہدایت دی گئی ہے۔ پی ٹی آئی کے مطابق بڑی تعداد میں کارکنان کی آمد متوقع ہے، جس کے باعث جی ٹی روڈ پر ٹریفک متاثر ہو سکتی ہے۔
مالاکنڈ ڈویژن کا احتجاج چکدرہ میںپی ٹی آئی کے مطابق، مالاکنڈ ڈویژن کا احتجاج چکدرہ میں ہو گا، جس کی قیادت خیبر پختونخوا کے صدر جنید اکبر خان کریں گے۔ بٹ خیلہ، تھانہ، درگئی، سوات اور دیگر علاقوں سے کارکنان بڑی تعداد میں چکدرہ پل چوک پر جمع ہوں گے۔ احتجاج میں جنید اکبر اور دیگر رہنما خطاب کریں گے۔ احتجاج کے باعث چترال، سوات، دیر اور پشاور کی طرف آنے والی ٹریفک متاثر ہو سکتی ہے۔
مزید پڑھیں: پی ٹی آئی نے اسلام آباد میں کنونشن کے لیے ضلعی انتظامیہ سے اجازت مانگ لی
ہر ضلع میں احتجاج ہوگاپی ٹی آئی خیبر پختونخوا کے مطابق، عمران خان کی ہدایت پر ان کی رہائی کے لیے ہر ضلع میں احتجاج کیا جائے گا۔ مقامی قیادت اور کارکنان مظاہروں میں شرکت کریں گے۔ پارٹی عہدیداروں کے مطابق ہزارہ ڈویژن اور جنوبی اضلاع میں بھی احتجاج اور مظاہرے ہوں گے۔ ان کے مطابق تمام احتجاجی مظاہرے پرامن ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پشاور پی ٹی آئی احتجاج پی ٹی آئی خیبر پختونخوا صوابی موٹروے انٹرچینج عمران خان
ملک کو ڈیفالٹ سے بچایا، معاشی استحکام آ چکا، اب جی 20 میں شمولیت ہدف ہے، اسحاق ڈار