ایپل کا سال میں 2 بار نئے آئی فونز متعارف کرانے کا منصوبہ
اشاعت کی تاریخ: 6th, May 2025 GMT
ایپل، جو روایتی طور پر ہر سال ایک بار نئے آئی فونز متعارف کراتا ہے اب اس طریقہ کار میں تبدیلی پر غور کر رہا ہے۔
رپورٹ کے مطابق ایپل 2026 سے نئے آئی فونز کے اجرا کو دو مراحل میں تقسیم کرنے کی منصوبہ بندی کر رہا ہے جس میں ہر مرحلے کے درمیان 6 ماہ کا وقفہ ہوگا۔رپورٹ کے مطابق آئی فون 18 سیریز کے پرو ماڈلز ستمبر 2026 میں معمول کے مطابق متعارف کرائے جائیں گے جبکہ سستے آئی فون 18 ماڈلز 2027 کے موسم بہار میں پیش کیے جائیں گے۔
امکان ہے کہ پرو ماڈلز کے ساتھ ایپل اپنا پہلا فولڈ ایبل آئی فون بھی 2026 میں لانچ کر سکتا ہے۔اس کے علاوہ ایپل رواں سال اپنا سب سے پتلا آئی فون 17 ایئر متعارف کرائے گا اور 2026 میں اس کا نیا ورژن بھی پیش کیا جائے گا۔
رپورٹ میں یہ بھی بتایا گیا کہ ایپل آئی فون 18 سیریز کے سستے ماڈلز کی تیاری بھارت میں کرنے پر غور کر رہا ہے تاکہ چین پر انحصار کم کیا جا سکے۔اس اقدام کا مقصد امریکی صدر کے ممکنہ ٹیرف سے کمپنی کے منافع کو تحفظ فراہم کرنا ہے۔
.ذریعہ: Daily Ausaf
کلیدی لفظ: ا ئی فون
پڑھیں:
راولپنڈی، 70 سالہ بزرگ ہنی ٹریپ کا شکار، ایک کروڑ روپے اور آئی فونز بطور تاوان طلب
راولپنڈی:مورگاہ کے رہائشی 70 سالہ بزرگ ہنی ٹریپ کا شکار ہو کر کچے کے ڈاکوؤں کے ہتھے چڑھ گئے اور ڈاکوؤں نے بزرگ محمود بیگ کی ہتھکڑیوں میں جکڑی ویڈیو وٹس ایپ کے ذریعے ان کے گھروالوں کو بھجوا کر بھاری تاوان طلب کرلیا۔
راولپنڈی پولیس کے مطابق بزرگ شہری کو اغوا کرنے والے ڈاکوؤں نے ایک کروڑ روپے نقد، دو آئی فون اور دو گھڑیاں بطور تاوان طلب کی ہیں، ڈاکوؤں نے مغوی محمود بیگ کے بینک اکاؤنٹ سے تین لاکھ روپے بھی نکلوا لیے ہیں۔
پولیس نے بتایا کہ مغوی کے بیٹے ماجد قریشی کی درخواست پر تھانہ مورگاہ میں مقدمہ درج ہوچکا ہے۔
مغوی کے بارے میں پولیس نے بتایا کہ بزرگ محمود بیگ کو 16 ستمبر کو راولپنڈی سے ملتان بلایا گیا اور پھر اغوا کرلیا گیا اور محمود بیگ اپنی موٹر سائیکل ملتان ریلوے اسٹیشن کے قریب دوست کے گھر میں کھڑی کر کے روانہ ہوئے تھے۔
پولیس نے بتایا کہ یکم اکتوبر کو ایف آئی آر درج کرنے کا فیصلہ کیا اور تفتیش کی جارہی ہے۔
کراچی، اورنگی ٹاؤن میں ڈکیتی مزاحمت پر اولاد کے سامنے باپ کا قتل