بھارتی طیاروں کی تباہی کی خبر نشر ہوتے ہی غائب، 'دی ہندو' نے دباؤ میں آکر ٹویٹ بھی ڈیلیٹ کردی
اشاعت کی تاریخ: 7th, May 2025 GMT
ویب ڈیسک : بھارتی انگریزی اخبار ’دی ہندو‘ نے مقبوضہ کشمیر میں پاک فضائیہ کی کارروائی میں بھارتی طیارے تباہ ہونے کی خبر ویب سائٹ سے ہٹادی اور سوشل میڈیا پلیٹ فارم ’ایکس‘ (ٹوئٹر) پر کی گئی پوسٹ بھی ڈیلیٹ کردی۔
ابتدائی طور پر دی ہندو نے خبر شائع کی کہ پاک فضائیہ نے تین بھارتی جنگی طیارے تباہ کر دیے ہیں۔ تاہم کچھ دیر بعد ویب سائٹ پر موجود خبر کلک کرنے پر غائب ہوگئی اور تفصیلات نظر آنا بند ہوگئیں۔ اس کے بعد خبر مکمل طور پر ویب سائٹ سے ہٹا دی گئی۔ سوشل میڈیا پر کی گئی پوسٹ بھی غائب کر دی گئی، جس سے اندازہ ہوتا ہے کہ بھارتی میڈیا شدید حکومتی دباؤ میں ہے۔
ذرائع کے مطابق یہ طیارے گزشتہ رات پاکستان کے مختلف علاقوں پر ہونے والے بھارتی حملوں کے بعد جوابی کارروائی میں مار گرائے گئے تھے۔ پاک فضائیہ نے 3 رافیل، ایک مگ 29، ایک سخوئی اور ایک ڈرون کو نشانہ بنایا، جبکہ بھارتی بریگیڈ ہیڈکوارٹر بھی تباہ کیا گیا۔
پاکستانی میڈیا اور افواج کے ترجمان نے ان کامیاب کارروائیوں کی کھل کر تفصیلات میڈیا پر شیئر کیں، جب کہ بھارتی میڈیا نے سچ چھپانے اور صرف مودی حکومت کا بیانیہ دہرانے کی روش برقرار رکھی۔
بھارتی میڈیا میں آزادانہ صحافت کا شدید فقدان دیکھا جارہا ہے اور بیشتر ادارے مودی سرکار کے پروپیگنڈا ٹول بن چکے ہیں۔
واضح رہے کہ گزشتہ رات بھارتی فوج نے اندھیرے میں پاکستان کے شہری علاقوں پر حملے کیے، جس کے نتیجے میں 26 شہری شہید ہوئے۔ تاہم پاک فوج نے فوری اور مؤثر ردعمل دے کر دشمن کو بھاری نقصان پہنچایا۔ وزیراطلاعات عطا اللہ تارڑ کے مطابق بھارتی فوج نے لائن آف کنٹرول پر سفید جھنڈا لہرا کر اپنی شکست تسلیم کی ہے۔
ذریعہ: Express News
پڑھیں:
بھارتی اخبار ’دی ہندو‘ نے پاک فضائیہ کی کارروائی کی خبر ہٹا دی، سچ چھپانے کی کوشش بے نقاب
بھارتی انگریزی اخبار دی ہندو نے مقبوضہ کشمیر میں پاکستانی فضائی کارروائی کے نتیجے میں بھارتی طیاروں کی تباہی کی خبر پہلے ویب سائٹ پر شائع کی لیکن بعد ازاں اچانک خبر کو ڈیلیٹ کر دیا گیا، اور سوشل میڈیا پوسٹ بھی ہٹا دی گئی ابتدائی رپورٹ میں دی ہندو نے لکھا تھا کہ پاک فضائیہ نے تین بھارتی جنگی طیارے مار گرائے تاہم کچھ ہی دیر بعد خبر ویب سائٹ سے ہٹا دی گئی اور لنک کام کرنا بند کر گیا اسی طرح خبر سے متعلق ٹوئٹر (ایکس) پوسٹ بھی غائب کر دی گئی ذرائع کے مطابق پاک فضائیہ نے گزشتہ شب بھارتی حملوں کے جواب میں 3 رافیل، ایک مگ 29، ایک سخوئی اور ایک ڈرون مار گرایا، جبکہ بھارتی بریگیڈ ہیڈکوارٹر کو بھی نشانہ بنایا گیا پاکستانی میڈیا اور افواج کے ترجمان نے اس کارروائی کی تفصیلات کھل کر شیئر کیں، مگر بھارتی میڈیا نے ایک بار پھر حکومتی دباؤ میں آ کر سچ کو چھپانے کی کوشش کی جس سے بھارت میں صحافت کی آزادی پر سوالات اٹھنے لگے ہیں
بنوں میں سی ٹی ڈی اور دہشتگردوں کے درمیان فائرنگ کا تبادلہ، 3 اہلکار جاں بحق