پاکستانیوں کی اکثریت امن کی خواہشمند: 93فیصد خون کے آخری قطرے تک لڑنے کیلئے پرعزم
اشاعت کی تاریخ: 7th, May 2025 GMT
---فائل فوٹو
پاکستانیوں کی اکثریت امن کی خواہشمند ہے لیکن 93 فیصد لوگ کہتے ہیں کہ بھارت نے جنگ مسلط کی تو خون کے آخری قطرے تک لڑیں گے۔
گیلپ پاکستان کی جانب سے نیا سروے کیا گیا جس میں ملک کے 100 اضلاع سے شماریاتی طور پر منتخب پاکستانیوں نے حصہ لیا۔
گیلپ پاکستان کی جانب سے جاری کیے گئے تازہ سروے کے مطابق 7 فیصد پاکستانیوں نے جنگ سے انکار کیا ہے۔
سروے کے مطابق 77 فیصد پاکستانیوں نے پہلگام حملے میں پاکستان کے ملوث ہونے کے بھارتی الزاما ت کو مسترد اور انہیں جھوٹ کا پلندہ قرار دیا ہے۔ 17 فیصد پاکستانیوں نے اس بارے میں کچھ معلومات نہ ہونے کا بتایا۔
راولپنڈیپاک فوج کی انڈیا کو پھروارننگ ‘مسلح.
اس سوال پر کہ پہلگام حملے میں کون ملوث ہوسکتا ہے؟ 55 فیصد نے پہلگام حملے کو بھارت کا فالس فلیگ آپریشن قرار دیا، رائے کا اظہار کرتے ہوئے شہریوں نے کہا کہ بھارتی حکومت اور انٹیلیجنس ادارے اس میں ملوث ہیں جبکہ 8 فیصد نے حملے کو بیرونی ایجنسیوں کی کارروائی قراردیا، 9 فیصد نے دیگر نام لیے جبکہ 27 فیصد نے اس بارے میں کچھ نہ جاننے کا کہا۔
بھار ت کے ساتھ بڑھتی کشیدگی کے باوجود 72 فیصد پاکستانی امن کی بات کرتے نظر آئے اور جنگ سے بچنے کا مشورہ دیا، صرف 27 فیصد نے جنگ کی حمایت کی۔
سروے کے مطابق 15 فیصد افراد ایسے بھی نظر آئے جو پاکستان اور بھارت کے درمیا ن موجودہ تنازع کو جنگ سے حل کرنے کا مشورہ دیتے نظر آئے، مگر 74 فیصد نے کہا کہ جنگ اچھی چیز نہیں اس سے بچنا چاہیے۔ 11 فیصد نے موجودہ تنازع کو حالات پر چھوڑنے کا مشورہ دیا۔
گیلپ پاکستان کے مطابق 41 فیصد پاکستانیوں نے دونوں ملکوں کے درمیان جنگ ہونے کا بہت زیادہ امکان ہونے کا کہا، البتہ 40 فیصد نے جنگ کے امکان کو مسترد کر دیا۔
سروے میں پاکستانیوں کی اکثریت نیوکلیئر جنگ کے خطرات سے بھی پریشان دکھائی دی۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل احمد شریف چوہدری کا کہنا ہے کہ بھارت کے بزدلانہ حملے میں 26 معصوم شہری شہید اور 46 زخمی ہوئے۔
61 فیصد نے رائے کا اظہار کرتے ہوئے کہا کہ اگر ضرورت پڑی تو پاکستان بھارت کو جوہری ہتھیاروں سے جواب دے گا جبکہ 45 فیصد نے جنگ کی صورت میں بھارت کی جانب سے پہلے نیوکلیئر ہتھیار استعمال کرنے کے خدشے کا اظہار کیا۔
70 فیصد نے مزید کہا کہ اگر جوہری ہتھیاروں کا استعمال ہوا تو دونوں ملکوں کے کروڑوں افراد مارجائیں گے جبکہ 9 فیصد نے کہا کہ ہلاکتوں کی تعداد لاکھوں میں ہوگی، 20 فیصد نے اس سوال کا کوئی جواب نہیں دیا۔
سروے میں 80 فیصد پاکستانیوں نے جنگ کی صورت میں ملکی معیشت کو بہت زیادہ نقصان پہنچنےکا کہا البتہ 11 فیصد نے کہا جنگ سے ملکی معیشت کو بہت کم نقصان ہوگا، 6 فیصد ایسے نظر آئے جنہوں نے کہا جنگ سے کوئی نقصان نہیں ہوگا۔
بھارت سے جنگ کی صورت میں 78فیصد نے چین، 68 فیصد نے ترکیے، 63 فیصد نے سعودی عرب، 60 فیصد نے ایران، 56فیصد نے بنگلادیش اور 51 فیصد نے افغانستان کی جانب سے پاکستان کو بھرپور مدد ملنے کی امید کی جبکہ مغربی ممالک کی جانب سے پاکستان کو کم مدد ملنے کے خدشے کا اظہار کیا۔
بھارتی حکام کا کہنا ہے کہ عرب حکمران خصوصاً اماراتی حکام کشیدگی کم کرائیں۔
سروے میں 65 فیصد پاکستانیوں نے موجودہ حالات میں حکومتی فارن پالیسی کی حمایت کی اور اسے اچھا کہا جبکہ 15 فیصد نے اعتراض کیا اور 20 فیصد نے اس بارے میں کوئی رائے نہ رکھنے کا کہا۔
64 فیصد پاکستانیوں نے پاک بھارت کشیدگی میں تمام سیاسی جماعتوں کے اتحاد کو خوش آئند قرار دیا اور اطمینان کا اظہار کیا جبکہ 22 فیصد عدم اطمینان کا اظہار کرتے نظر آئے اور 14 فیصد نے اس سوال پر کوئی رائے دینے سے گریز کیا۔
ذریعہ: Jang News
کلیدی لفظ: فیصد پاکستانیوں نے کی جانب سے فیصد نے اس کے مطابق حملے میں کا اظہار نے کہا جنگ کی کہا کہ کا کہا
پڑھیں:
سیلاب سے متاثرہ 1 لاکھ 89 ہزار افراد کے بینک اکاؤنٹس کھل چکے ہیں: عرفان علی کاٹھیا
---فوٹو بشکریہ بین الاقوامی میڈیاصوبائی ڈیزاسٹر مینجمنٹ اتھارٹی کے ڈائریکٹر جنرل عرفان علی کاٹھیا نے کہا ہے کہ ایک لاکھ 86 ہزار 73 گھر سیلاب سے متاثر ہوئے، 1 لاکھ 89 ہزار افراد کے بینک اکاؤنٹس کھل چکے ہیں۔
عرفان علی کاٹھیا نے اپنے بیان میں کہا کہ 26 اگست کو سیلاب کی شروعات ہوئی تھی، 27 اضلاع کو مجموعی طور پر سیلاب سے نقصان پہنچا۔
انہوں نے مزید کہا کہ ساڑھے 11 ہزار افراد کی مدد سے 27 ستمبر کو سروے شروع ہوا تھا، 14 لاکھ 41 ہزار سے زائد ایکڑ پر کاشت فصل خراب ہوئی۔
عرفان علی کاٹھیا کے مطابق 2 لاکھ 14 ہزار 493 افراد کا ڈیٹا اب تک مکمل ہو چکا، 953 شکایات اب تک موصول ہوئی ہیں جن کو حل کیا جا چکا ہے۔
ڈی جی عرفان علی کاٹھیا کا کہنا ہے کہ روجھان اور صادق آباد کی صرف دو تحصیلوں میں سروے نہیں کیا جا سکا، لاہور سروے سے متعلق کوئی شکایت ہے تو آن لائن رجوع کیا جا سکتا ہے۔
ترکیہ برطانیہ سے 20 یورو فائٹر طیارے خریدے گا، معاہدے طے