وزیراعظم شہباز شریف کا قوم سے خطاب کا فیصلہ
اشاعت کی تاریخ: 7th, May 2025 GMT
اسلام آباد(اردوپوائنٹ اخبار تازہ ترین۔07 مئی 2025)وزیراعظم شہباز شریف نے قوم سے خطاب کا فیصلہ کرلیا،وزیراعظم شہباز شریف پاک بھارت کشیدگی اور خطے کی موجودہ صورتحال کے حوالے سے قوم کو اعتماد میں لیں گے،وزیراعظم شہباز شریف پارلیمنٹ کے اجلاس سے بھی خطاب کرینگے،وزیراعظم شہباز شریف کی زیر صدارت سلامتی کمیٹی کا اہم اجلاس ختم ہوگیا،وزیراعظم کے زیر صدارت قومی سلامتی کمیٹی کے اجلاس میں پاک بحریہ کے سربراہ ایڈمرل نوید اشرف، چیئرمین جوائنٹ چیفس آف سٹاف ،وفاقی وزیرقانون اعظم نذیر تارڑ،وفاقی وزیر احسن اقبال اور مصدق ملک بھی شریک ہوئے۔
قومی سلامتی کمیٹی کے اجلاس میں بھارتی جارحیت کے خلاف حکمت عملی پر غور کیا گیا۔ اجلاس میں بھارتی حملوں اور پاکستانی جوابی کارروائی پر عسکری حکام نے بریفنگ دی۔(جاری ہے)
قومی سلامتی کمیٹی کا اجلاس دو گھنٹے جاری رہا اور اس میں اہم فیصلے کئے گئے۔سلامتی کمیٹی کی بریفنگ میں بتایا گیا کہ پاکستان نے حملوں کا فوری جواب دیتے ہوئے بھارتی فوجی تنصیبات کو نشانہ بنایا، جوابی کارروائی میں بھارت کے 5 طیارے گرائے اور بریگیڈ ہیڈکوارٹر کو تباہ کر دیا۔
اس موقع پر وزیراعظم شہباز شریف نے قومی سلامتی کمیٹی کے اجلاس میں خطاب کرتے ہوئے کہا کہ ساری قوم مسلح افواج کے ساتھ ہے۔ پاکستان کی خود مختاری سالمیت اور وقار پر کوئی آنچ نہیں آنے دیں گے۔قبل ازیں بھی وزیر اعظم شہباز شریف کاکہنا تھا کہ مکار دشمن نے پاکستان کے 5 مقامات پر بزدلانہ حملہ کیا، قوم اور افواج پاکستان دشمن سے نبٹنا بخوبی جانتے ہیں۔وزیر اعظم شہباز شریف نے بھارتی حملے پر اپنے ردعمل میں کہا ہے کہ مکار دشمن نے پاکستان کے 5 مقامات پر بزدلانہ حملہ کیا ہے۔پاکستان بھارت کی مسلط کردہ اس جنگی عمل کا بھرپور جواب دینے کا پورا حق رکھتا ہے اور بھرپور جواب دیا جا رہا ہے۔ پوری قوم افواج پاکستان کے ساتھ ہے اور پوری پاکستانی قوم کا مورال اور جذبہ بلند ہے۔ان کایہ بھی کہنا تھا کہ پاکستانی قوم اور افواج پاکستان دشمن سے نبٹنا بخوبی جانتے ہیں۔ دشمن کو اپنے مذموم مقاصد میں کبھی کامیاب نہیں ہونے دیں گے۔.ذریعہ: UrduPoint
کلیدی لفظ: تلاش کیجئے وزیراعظم شہباز شریف قومی سلامتی کمیٹی اجلاس میں کے اجلاس
پڑھیں:
بھارتی جارحیت ، وزیراعظم شہباز شریف آج قوم سے خطاب کریں گے
اسلام آباد : بھارت کے پاکستان پر بزدلانہ حملے کے بعد وزیراعظم شہبازشریف آج قوم سے اہم خطاب کریں گے۔
تفصیلات کے مطابق وزیراعظم شہبازشریف کی زیرصدارت قومی سلامتی کمیٹی کا اجلاس شروع ہوگیا وفاقی وزرا، تینوں مسلح افواج کے سربراہان ،مشیر قومی سلامتی اجلاس میں شریک ہیں۔
اجلاس میں پاک بھارت کشیدگی اور موجودہ حالات کے حوالے سے کمیٹی کو بریف کیا جائے گا اور بھارتی جارحیت،پاک فوج کے دندان شکن جواب اورآئندہ کےلائحہ عمل پر غور ہوگا۔
وزیراعظم شہبازشریف قومی سلامتی کمیٹی کے اجلاس کے بعد قوم سے خطاب کریں گے۔
اس سے قبل ڈی جی آئی ایس پی آرلیفٹیننٹ جنرل احمدشریف نے پریس بریفنگ میں بتایا تھا کہ رات کی تاریکی میں بھارت نے پاکستان میں چھ مقامات پربزدلانہ حملےکیے، جس میں بچوں اور خواتین سمیت چھبیس معصوم پاکستانی شہید اورچھیالیس زخمی ہوئے، بھارت نے مظفرآباد میں مسجد بلال، کوٹلی میں مسجد عباس، احمد پور شرقیہ میں مسجد سبحان اللہ کے ساتھ ساتھ مرید کے میں بھی مسجد کو نشانہ بنایا۔
یاد رہے گذشتہ روز بھارت نےاسٹینڈ آف ہتھیار استعمال کرکے شہری آبادی کو نشانہ بنایا تھا ، بھارت نے مریدکے،بہاولپور،کوٹلی اورمظفرآبادمیں حملےکیے، بھارتی جارحیت میں خواتین اور بچے شہید ہوئے تھے۔
بعد ازاں پاک فوج نے کارروائی کرتے ہوئے دشمن کے5طیارے مار گرائے، طیاروں میں 3 رافیل، ایک مگ 29 اور ایک سخوئی ایس یو30شامل ہے، بھارتی طیاروں کوبھارتی فضائی حدودمیں ہی مارگرایا۔
پاک فضائیہ نےمنہ توڑکارروائی کےدوران ایک ڈرون بھی مارگرایا اور بھارت کا بریگیڈ ہیڈ کوارٹرز تباہ کر دیا تھا۔
پاک فوج نے میزائل حملے میں کنٹرول لائن پر دودھنیال سیکٹر میں دشمن کی پوری پوسٹ کا صفایا کر دیا، پاک فوج نے ایل او سی پر بھارت کی گفدار اور چھتری پوسٹیں تباہ کردیں۔
پاک فوج کی کارروائی پر جولی پوسٹ، بڈوری سیکٹر میں دشمن کے پچاس فوجی پوسٹیں چھوڑ کر بھاگ گئے، پیر کانٹی سیکٹر میں بھی چالیس بھارتی فوجی پوسٹیں چھوڑ کر بھاگ نکلے۔
Post Views: 2
پوری قوم پاک فوج کے ساتھ کھڑی ہے، چوہدری یاسین