انڈیا اور پاکستان کشیدگی ایشیائی ایئرلائنز کا یورپ کی پروازوں کے راستے تبدیل یا منسوخ کرنے کا اعلان
اشاعت کی تاریخ: 7th, May 2025 GMT
لندن(اردوپوائنٹ اخبارتازہ ترین-انٹرنیشنل پریس ایجنسی۔ 07 مئی ۔2025 )انڈیا اور پاکستان کے درمیان حالیہ کشیدگی کے بعد کئی ایشیائی ایئرلائنز نے بدھ کو یورپ جانے اور آنے والی پروازوں کے راستے تبدیل یا منسوخ کرنے کا اعلان کیا ہے پاکستان نے موجودہ صورت حال میں اسلام آباد انٹرنیشنل ائیرپورٹ کو پروازوں کے لیے بند کرتے ہوئے تمام فلائٹس کو کراچی ایئرپورٹ کی طرف موڑ دیا ہے جبکہ پاکستان نے اپنی ائیر سپیس بھی ابتدائی طور پر 48 گھنٹوں کے لیے بند کرتے ہوئے مسافروں کو واپس گھر جانے کی ہدایت کی ہے.
(جاری ہے)
پروازوں کی آمد ورفت پر نظر رکھنے والے ادارے فلائٹ ریڈار24 نے اس حوالے سے پاکستانی فضائی حدود کی عکاسی کرنے والی ایک تصویر بھی شائع کیے صورت حال کے پیش نظر تائیوان کی ایوا ایئر نے کہا کہ انڈیا اور پاکستان کے درمیان کشیدگی کے باعث یورپ جانے اور آنے والی پروازوں کے روٹ کو ایڈجسٹ کیا جائے گا تاکہ متاثرہ فضائی حدود سے بچا جا سکے. برطانوی نشریاتی ادارے کے مطابق کمپنی نے ایک بیان میں کہا ہے کہ ایک پرواز جو ویانا سے روانہ ہوئی تھی اسے واپس وہیں بھیج دیا جائے گا جبکہ تائپے سے میلان جانے والی پرواز کو ایندھن بھرنے کے لیے ویانا کی جانب موڑ دیا جائے گا جس کے بعد یہ اپنی منزل کی طرف روانہ ہوگی. کوریئن ایئر نے کہا کہ اس نے اپنے سیول انچیون سے دبئی پروازوں کے راستے کو تبدیل کر دیے ہیں اور اب یہ راستہ میانمار، بنگلہ دیش اور انڈیا کے اوپر سے گزرے گا جو پہلے پاکستانی فضائی حدود سے گزرتا تھا تھائی ایئرویز نے اعلان کیا کہ یورپ اور جنوبی ایشیا کے مقامات کی پروازوں کے راستے بدھ کی صبح سے تبدیل کیے گے ہیں اور بعض پروازوں میں تاخیر کا خدشہ بھی ظاہر کیا گیا ہے. تائیوان کی چائنا ایئرلائنز نے کہا کہ اس نے ہنگامی منصوبہ بندی کو فعال کر دیا ہے اور مسافروں اور عملے کی حفاظت کو یقینی بنانے کے لیے کئی اقدامات اٹھائے ہیں تاہم ان اقدامات کی تفصیلات فراہم نہیں کی گئی ہیں تائیوان کے مرکزی بین الاقوامی ہوائی اڈے تاﺅیوان کے ویب سائٹ کے مطابق بدھ کو لندن جانے والی چائنا ایئرلائنز کی نان سٹاپ پرواز منسوخ کر دی گئی ہے. روس کے یوکرین پر حملے سے پہلے تائیوان سے یورپ جانے والی کئی پروازیں روس کے اوپر سے گزرتی تھیں لیکن تائیوانی ایئرلائنز پر اب پابندی ہے کیونکہ تائیوان نے ماسکو کے خلاف مغربی پابندیوں میں شرکت کی ہے اس کے بعد سے یہ پروازیں انڈیا، پاکستان اور وسطی ایشیا کے اوپر سے گزرتی ہیں دوسری جانب قطر ایئر ویز نے بھی” ایکس“ پر اپنے ایک بیان میں کہا ہے کہ پاکستان کی فضائی حدود بند ہونے کی وجہ سے پروازیں عارضی طور پر وہاں سے نہیں گزریں گی.
ذریعہ: UrduPoint
کلیدی لفظ: تلاش کیجئے پروازوں کے راستے کے لیے
پڑھیں:
پنجاب، سندھ کے میدانوں نے دھند کا غلاف اوڑھ لیا، ٹرینوں کی آمدورفت میں تاخیر
پاکستان کے میدانی علاقوں کے دھند کا غلاف اوڑھنے کے باعث ٹرینیں لیٹ ہو گئیں، سڑکوں پر اور موٹر ویز پر ٹریفک سست ہو گیا ، دھند نے کم از کم ایک جگہ پر موٹر وے بند بھی کروا دی۔پاکستان کے میدانی علاقوں میں دھند ّاور سموگ) کا غبار آمد و رفت میں رکاوٹ بن گیا۔
دھند کے باعث ٹرینیں تاخیر کا شکار ہونے کی ابتدا ہو گئی۔ موٹر ویز اور سڑکوں پر ٹریفک بھی سست ہو گیا۔ خدشہ ہے کہ دھند کے باعث آمد و رفت مین جس دشواری کی ابتدا ہوئی ہے وہ کئی ماہ تک جاری رہے گا۔
پاکستان سپورٹس بورڈ نے ویٹ لفٹنگ کے کھلاڑیوں و عہدیداروں پر پابندیاں لگادیں
ملتان سے بتایا جا رہا ہے کہ اپ اور ڈ ڈاؤن ٹریکس پر ٹرینوں کا پہیہ دھند کی وجہ سے سست روی کا شکار ہونے کی ابتدا ہو گئی ہے۔
آج پیر کے روز یہ نوٹ کیا گیا کہ ٹرینیں کئی کئی گھنٹوں تاخیر کے بعد ملتان ریلوے اسٹیشن پر پہنچ رہی تھیں۔
ٹرینوں کی آمد میں بتائے گئے وقت سے کئی گھنٹے تاخیر ہونے کے سبب مسافر انتظار کی اذیت میں مبتلا دکھائی دیئے۔
ریلوے ٹریک پر دور دور تک دھند کی گرفت کے سبب ٹرینوں کے ڈرائیوروں نے سیفٹی مینوئل پر عمل کرتے ہوئے ٹرینوں کی رفتار کو کنٹرول کرنا شروع کر دیا ہے جس کے نتیجہ میں آج کراچی سے راولپنڈی جانے والی تیز گام ایکسپریس ملتان تک پہنچتے پہنچتے 3 گھنٹے تاخیر کا شکار ہو گئی۔
لاہور: سیف سٹی اتھارٹی کا پولیس ڈرونز پائلٹ پروجیکٹ کا آغاز
کراچی سے ملتان آنے والی بہاوالدین ذکریا ایکسپریس 2 گھنٹے تاخیر سے ملتان ریلوے سٹیشن پہنچی۔
ملتان: کراچی سے پشاور جانے والی خیبر میل ایکسپریس 2 گھنٹے لیٹ ہوئی۔
لاہور سے کراچی جانے والی خیبر میل ڈھائی گھنٹے لیٹ ملتان ریلوے سٹیشن پر پہنچی۔
لاہور سے کراچی جانے والی شالیمار ایکسپریس لاہور سے ملتان آنے تک 4 گھنٹے لیٹ ہو چکی تھی۔کراچی سے لاہور جانے والی شالیمار ایکسپریس بھی 3 گھنٹے لیٹ ہوئی۔
لاہور: 4 افراد کی ہلاکت، ٹرک ڈرائیور کے خلاف مقدمہ درج
راولپنڈی سے کراچی جانے والی پاکستان ایکسپریس 1 گھنٹہ تاخیر سے ملتان پہنچی۔
روالپنڈی سے کراچی جانے والی تیز گام ایکسپریس 1 گھنٹہ تاخیر کا شکار پائی گئیْ۔
ٹریفک اہلکار کی موجودگی میں ڈمپر کا دلخراش حادثہ، کراچی میں ایک شہری ہلاک