وزارت اقتصادی امور کا ایکس اکاؤنٹ ہیک کر لیا گیا
اشاعت کی تاریخ: 9th, May 2025 GMT
وزارت اقتصادی امور کا ایکس اکاؤنٹ رات گئے ہیک ہو گیا۔ترجمان وزارت اقتصادی امور نے ایکس اکاؤنٹ ہیک ہونے کی تصدیق کرتے ہوئے کہا ہے کہ اس دوران ایکس پر کی جانے والی کسی پوسٹ کا وزارت سے کوئی تعلق نہیں ہے۔یاد رہے کہ دو روز قبل نیشنل سائبر ایمرجنسی رسپانس ٹیم نے بھارتی جارحیت کے بعد ملک میں سائبر حملوں کے پیش نظر اہم ایڈوائزری جاری کی تھی نیشنل سائبرایمرجنسی رسپانس ٹیم کی جانب سے جاری ایڈوائزری میں کہا گیا تھا سائبر حملوں کا مقصد پاکستان کے اہم نیٹ ورکس کو متاثر کرنا ہے، دشمن عناصر موجودہ حالات کا فائدہ اٹھاتے ہوئے سائبر حملوں میں غلط معلومات پھیلا رہے ہیں۔ایڈوائزری میں بتایا گیا تھا کہ یہ عناصر فریب پر مبنی پیغامات، فشنگ اسکیمز اور جھوٹی کہانیوں سے عوام کو گمراہ کر رہے ہیں۔دوسری جانب بھارتی میڈیا اور سوشل میڈیا پر پاکستانی جنگی طیاروں کو تباہ کرنے اور پاکستان کی جانب سے بھارتی پنجاب اور مقبوضہ کشمیر پر حملوں سے متعلق گمراہ کن پیغامات پھیلائے جا رہے ہیں جس کی پاکستانی حکام نے سختی سے تردید کی ہے۔
.ذریعہ: Nawaiwaqt
پڑھیں:
ٹیکنالوجی کی دنیا میں نیا سنگ میل: دنیا کا سب سے چھوٹا سپر کمپیوٹر تخلیق
data-id="863a0a8" data-element_type="widget" data-widget_type="theme-post-content.default">
سان فرانسسکو: ٹیکنالوجی کی دنیا میں ایک نیا اور حیران کن سنگِ میل عبور کرلیا گیا ہے۔
جب بھی سپر کمپیوٹر کا تصور کیا جاتا ہے تو ذہن میں کسی دیو ہیکل مشین کا نقشہ بنتا ہے ۔ تاروں کا جال، درجنوں ایل ای ڈی لائٹس، بھاری مشینری اور بے پناہ توانائی کا استعمال، لیکن ٹیکنالوجی کمپنی انوڈیا نے اس تصور کو یکسر بدل کر رکھ دیا ہے۔
امریکی کمپنی انوڈیا نے دنیا کا سب سے چھوٹا سپر کمپیوٹر ڈی جی ایکس اسپارک (DGX Spark) متعارف کرایا ہے، جس کا سائز محض ایک عام کتاب جتنا ہے۔ حیرت انگیز طور پر اس کی کارکردگی کسی بڑے ڈیٹا سینٹر میں موجود سپر کمپیوٹر سے کم نہیں۔ اس چھوٹے مگر طاقتور کمپیوٹر کی قیمت 4 ہزار امریکی ڈالر رکھی گئی ہے اور انوڈیا نے اسے خصوصی طور پر ٹیسلا کے سی ای او ایلون مسک کو تحفے میں دیا ہے۔
ڈی جی ایکس اسپارک میں 128 جی بی یونیفائیڈ ریم (جو سی پی یو اور جی پی یو دونوں کے لیے مشترکہ ہے) دی گئی ہے۔ اس میں انوڈیا کنکٹ ایکس نیٹ ورکنگ ٹیکنالوجی شامل ہے جو ڈیٹا ٹرانسفر کو غیر معمولی رفتار سے ممکن بناتی ہے۔ اس کا دل کہی جانے والی بلیک ویل سپر چِپ پیٹا فلوپ (petaflop) سطح کی پرفارمنس فراہم کرتی ہے، جو کئی بڑے سپر کمپیوٹرز کے برابر ہے۔
اس چھوٹے سے کمپیوٹر کا وزن صرف ایک کلوگرام سے کچھ زیادہ ہے، لیکن یہ انوڈیا کے جدید ڈی جی ایکس آپریٹنگ سسٹم پر چلتا ہے جو مصنوعی ذہانت اور ہائی پرفارمنس کمپیوٹنگ کے لیے خاص طور پر تیار کیا گیا ہے۔
اس جدید ترین مشین کے پچھلے حصے میں چار یو ایس بی-سی پورٹس، ایک ایچ ڈی ایم آئی پورٹ، ایک ایتھرنیٹ پورٹ، اور دو QSFP پورٹس دی گئی ہیں جو عموماً سرورز، نیٹ ورک سوئچز اور اے آئی سپر کمپیوٹرز میں استعمال ہوتی ہیں۔
دلچسپ بات یہ ہے کہ ماضی کے مشہور سپر کمپیوٹر Cray کو چلانے کے لیے 10 گھروں کے برابر بجلی درکار ہوتی تھی، اس کی تنصیب میں ایک سال لگتا تھا اور وزن تقریباً پانچ ٹن ہوتا تھا، لیکن جدید ٹیکنالوجی نے محض چند سالوں میں یہ فاصلہ طے کرلیا کہ اب سپر کمپیوٹر آپ کی میز پر فٹ ہوسکتا ہے۔
ماہرین کے مطابق ڈی جی ایکس اسپارک کا یہ ماڈل مستقبل میں اے آئی ریسرچ، خودکار گاڑیوں اور روبوٹکس کے میدان میں انقلاب برپا کر سکتا ہے۔ ٹیکنالوجی کے شائقین اسے کمپیوٹنگ کی دنیا کا ایک نیا دور قرار دے رہے ہیں، جہاں طاقت اب سائز کی محتاج نہیں رہی۔
کراچی: پیپلز بس اور ای وی ٹیکسی سروس میں نصب کیمروں کو سیف سٹی سے جوڑنے کا فیصلہ