گورنر سندھ کا افواج پاکستان کو خراج تحسین، آرمی چیف کو "پاکستانی ارتغرل" کا خطاب
اشاعت کی تاریخ: 11th, May 2025 GMT
پریس کانفرنس کے دوران کامران ٹیسوری نے ڈی جی آئی ایس آئی، تمام کور کمانڈرز اور افواج پاکستان کے سپہ سالاروں و جوانوں کو مبارکباد دی اور کہا کہ پاکستان نے پہل نہیں کی، بھارت نے معصوم عورتوں اور بچوں کو نشانہ بنایا لیکن انٹرنیشنل میڈیا نے سچ دکھایا کہ کس نے پہل کی۔ اسلام ٹائمز۔ گورنر سندھ کامران ٹیسوری نے اپنی پریس کانفرنس کے دوران افواجِ پاکستان کو ان کی جرات، حکمتِ عملی اور بہادری پر زبردست خراج تحسین پیش کیا۔ انہوں نے آرمی چیف جنرل عاصم منیر کو "فاتح سپہ سالار" اور "پاکستانی ارتغرل" کا خطاب دیتے ہوئے کہا کہ پوری قوم ان کی قیادت پر نازاں ہے۔ گورنر سندھ نے کہا کہ پوری قوم اور میڈیا پاکستان کے ساتھ رہا۔ حالتِ جنگ میں ہونے کے باوجود عوام پُر اعتماد رہی، ہوٹلوں اور سڑکوں پر موجود رہی، کیونکہ انہیں اپنی فوج، فضائیہ اور نیوی پر مکمل بھروسہ تھا۔ انہوں نے بتایا کہ وہ خود حملے والے روز اپنی فیملی کے ہمراہ واہگہ بارڈر پر موجود تھے جہاں انہوں نے پاکستانی جوانوں کے جذبے اور ولولے کو اپنی آنکھوں سے دیکھا۔
پریس کانفرنس کے دوران گورنر سندھ نے ڈی جی آئی ایس آئی، تمام کور کمانڈرز اور افواج پاکستان کے سپہ سالاروں و جوانوں کو مبارکباد دی اور کہا کہ پاکستان نے پہل نہیں کی، بھارت نے معصوم عورتوں اور بچوں کو نشانہ بنایا لیکن انٹرنیشنل میڈیا نے سچ دکھایا کہ کس نے پہل کی۔ انہوں نے 9 مئی کو ایک "بیرونی سازش" قرار دیتے ہوئے کہا کہ سوشل میڈیا پر افواج پاکستان کے خلاف پروپیگنڈہ بیرونی فنڈنگ کے ذریعے کیا گیا لیکن قوم نے جواب میں اتحاد، ایمان اور قربانی کی مثال قائم کی، 10 مئی کو قوم ایک ہوگئی، جوانوں پر پھول برسائے گئے اور سوشل میڈیا آرمی چیف زندہ باد کے نعروں سے گونج اٹھا۔
مدرز ڈے کے موقع پر انہوں نے شہداء اور غازیوں کی ماؤں کو خراج عقیدت پیش کرتے ہوئے کہا کہ آج میرے ساتھ مسلمان، ہندو اور سکھ مائیں موجود ہیں اور میں آج کا دن ان عظیم ماؤں کے نام کرتا ہوں۔ پریس کانفرنس کے آخر میں انہوں نے اعلان کیا کہ پرسوں گورنر ہاؤس میں اظہار تشکر کی تقریب ہوگی، جس میں قوم کی جانب سے افواج پاکستان کا شکریہ ادا کیا جائے گا۔ گورنر سندھ نے کہا کہ دشمن ہیبت سے ہی پیچھے ہٹ گیا اور ہماری افواج نے بھارت کے 80 ارب ڈالر کے جنگی بجٹ کو جذبے اور شہادت کی طاقت سے ناکام بنا دیا۔ انہوں نے بھارتی پائلٹس کا مقابلہ کرنے والے پاکستانی فضائیہ کے جوانوں، رینجرز اور دیگر اداروں کو سلام پیش کیا۔
ذریعہ: Islam Times
کلیدی لفظ: پریس کانفرنس کے افواج پاکستان پاکستان کے گورنر سندھ انہوں نے نے پہل کہا کہ
پڑھیں:
وکلاء برادری اور پیپلزپارٹی کے درمیان دل کا رشتہ: گورنر پنجاب
لاہور (نیوز رپورٹر) گورنر پنجاب سردار سلیم حیدر خان نے کہا کہ عوام کو بلاتفریق انصاف کی فراہمی یقینی بناکر ہی ایک پرامن معاشرہ تشکیل دیا جا سکتا ہے۔ یہ بات انہوں نے اسلام آباد ہائی کورٹ بار ایسوسی ایشن کے صدر سید واجد علی شاہ گیلانی سے ملاقات کے دوران کہی جنہوں نے وفد کے ہمراہ ان سے ملاقات کی۔ گورنر پنجاب سردار سلیم حیدر خان نے کہا وکلاء برادری اور پیپلز پارٹی کا دل کا رشتہ ہے جسے قدر کی نگاہ سے دیکھتے ہیں۔ وکلاء برادری پیپلز پارٹی کا ہراول دستہ ہیں۔ بلاول بھٹو زرداری نے بہت کم وقت میں اپنی صلاحیتوں کا لوہا منوایا ہیاور عالمی سطح پر انڈیا کا مکردہ چہرہ بے نقاب کیا۔ انہوں نے کہا کہ پارٹی ورکرز میں سے ہوں اور پیپلز پارٹی کا جیالا ہوں۔ علاوہ ازیں، گورنر پنجاب سردار سلیم حیدر خان نے سندھ پولیس آپریشن میں ڈاکو شاہنواز عرف شاہو اور اس کے 11 ساتھیوں کی ہلاکت پر سندھ حکومت کو خراج تحسین پیش کیا۔ انہوں نے آپریشن کے دوران شہید ہونے والے پولیس اہلکار کو بھی خراج عقیدت پیش کیا۔
استعمال شدہ اور سیکنڈ ہینڈ آٹو پارٹس کی غیر قانونی کلیئرنس کا انکشاف