نریندر مودی سے عوام ناراض، سیاسی گراف تیزی سے گر گیا: اعزاز چوہدری
اشاعت کی تاریخ: 11th, May 2025 GMT
اعزاز چوہدری—فائل فوٹو
سابق سیکریٹری خارجہ اعزاز چوہدری نے کہا ہے کہ بھارت کے لوگ بھی نریندر مودی سے ناراض ہیں۔
’جیو نیوز‘ کے پروگرام ’نیا پاکستان‘ میں گفتگو کے دوران اعزاز چوہدری نے کہا کہ بھارتی ہر بار حقائق نہیں مانتے بلکہ انکار کرتے ہیں۔
انہوں نے کہا کہ بھارت کے لوگ بھی نریندر مودی سے ناراض ہیں، بھارتی وزیرِ اعظم کا سیاسی گراف تیزی سے گرا ہے۔
سابق سیکریٹری خارجہ نے کہا کہ بھارتی عوام نریندر مودی کے خلاف بڑھ چڑھ کر بول رہے ہیں، بھارت نے بغیر ثبوت پاکستان پر حملے کیے۔
اُن کا کہنا ہے کہ ڈونلڈ ٹرمپ کی آفر کو اس طرح مسترد کرنا آسان نہیں، بھارت کا مذاکرات کی میز پر آنا مشکل ہے لیکن اُسے آنا ہو گا۔
اعزاز چوہدری نے مزید کہا کہ شروع میں بھارت نخرے کرے گا لیکن اسے مذاکرات کی میز پر آنا پڑے گا۔
سابق سیکریٹری خارجہ نے یہ بھی کہا کہ پانی کو روکنا اتنا آسان نہیں، ہمیں کشمیر اور پانی ایشوز پر بین الاقوامی برادری کو لانا ہو گا۔
.ذریعہ: Jang News
کلیدی لفظ: اعزاز چوہدری کہ بھارت نے کہا کہا کہ
پڑھیں:
داؤد ابراہیم کا سری لنکا کے سابق باغی گروہ سے اتحاد، بھارتی خفیہ اداروں کا انکشاف
بھارتی خفیہ اداروں نے انکشاف کیا ہے کہ داؤد ابراہیم کے گروہ نے سری لنکا کے سابق باغی گروہ لبریشن ٹائیگرز آف تامل ایلام (ایل ٹی ٹی ای) کی باقیات کے درمیان اتحاد بنا لیا ہے۔
رپورٹ میں بتایا گیا ہے کہ داؤد گروہ جنوبی بھارت اور سری لنکا کے راستوں کے ذریعے اپنی منشیات کی کارروائیوں کو دوبارہ بحال کرنے کی کوشش کررہا ہے، کیونکہ اس گروہ کے خلاف مغربی اور شمالی بھارت میں سخت کارروائی کی گئی تھی۔
یہ بھی پڑھیں: داؤد ابراہیم کو زہر دے دیا گیا، بھارتی میڈیا کا دعوٰی
داؤد ابراہیم کا گروہ ایل ٹی ٹی ای سے منسلک عناصر کے لیے مالی معاونت فراہم کرتا ہے کیونکہ ان کے پاس قیادت کے خلا اور فنڈنگ کی کمی ہے۔
بھارتی حکام کا یہ بھی کہنا ہے کہ کہ ایل ٹی ٹی ای کی علیحدگی پسند باغی تحریک کا مکمل طور پر دوبارہ آغاز ممکن نہیں، لیکن انہوں نے خبردار کیا کہ گروہ کے سابقہ لاجسٹک نیٹ ورک اور پَلک اسٹریٹ کے ساحلی تجربے کی وجہ سے جنوبی بھارت اور اس سے آگے اسمگلنگ آسان ہوسکتی ہے۔
ایل ٹی ٹی ای کو 2009 میں فوجی طور پر شکست دی گئی تھی اور اس پر الزامات تھے کہ وہ اپنی کارروائیوں کے لیے منشیات سے حاصل ہونے والی آمدنی کو بیرون ملک کاروبار کے ذریعے لانڈرنگ کرتا رہا۔
یہ بھی پڑھیں: ماؤ نواز علاقوں میں تعینات بھارتی فوجی اہلکاروں کی خودکشیاں بڑھنے لگیں
سیکیورٹی ذرائع کا کہنا ہے کہ داؤد گروہ کے سرمایہ اور عالمی رسائی کو ایل ٹی ٹی ای کے ساحلی علم کے ساتھ جوڑنے سے خطے میں قانون نافذ کرنے والے اداروں کے لیے نئے چیلنجز پیدا ہو سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اتحاد باغی گروہ بھارت خفیہ ادارے داؤد ابراہیم لبریشن ٹائیگرز آف تامل ایلام
ای چالان سسٹم پر تحفظات: سیاسی جماعتیں اور سندھ حکومت آمنے سامنے