خیبر پختونخوا میں اساتذہ کی بھرتیوں میں بے ضابطگی کا اسکینڈل سامنے آگیا
اشاعت کی تاریخ: 11th, May 2025 GMT
وزیراعلی سیکرٹریٹ نے اس سلسلے میں چیف سیکرٹری کو مراسلہ ارسال کردیا ہے جس میں کہا گیا ہے کہ وزیراعلیٰ خیبر پختونخوا علی امین خان گنڈا پور نے 10 مئی 2025 کو بنوں میں منعقدہ ایجوکیشنل ٹیسٹنگ اینڈ ایویلیوایشن ایجنسی (ایٹا) کے اسکریننگ ٹیسٹ میں مبینہ بے ضابطگی اور پیپر لیک ہونے کے واقعے کا سختی سے نوٹس لیا ہے۔ اسلام ٹائمز۔ وزیراعلیٰ خیبر پختونخوا علی امین گنڈاپور نے اساتذہ کی بھرتیوں کے لئے ایٹا ٹیسٹ میں سامنے آنے والی مبینہ بے ضابطگی کا سخت نوٹس لیتے ہوئے چیف سیکریٹری خیبر پختونخوا کو معاملے کی اعلیٰ سطح انکوائری کا حکم دے دیا ہے۔ وزیراعلی سیکرٹریٹ نے اس سلسلے میں چیف سیکرٹری کو مراسلہ ارسال کردیا ہے جس میں کہا گیا ہے کہ وزیراعلیٰ خیبر پختونخوا علی امین خان گنڈا پور نے 10 مئی 2025 کو بنوں میں منعقدہ ایجوکیشنل ٹیسٹنگ اینڈ ایویلیوایشن ایجنسی (ایٹا) کے اسکریننگ ٹیسٹ میں مبینہ بے ضابطگی اور پیپر لیک ہونے کے واقعے کا سختی سے نوٹس لیا ہے۔ ابتدائی اطلاعات کے مطابق ایک نجی گیسٹ ہاؤس سے چند افراد کو گرفتار کیا گیا جن کے قبضے سے ٹیسٹ کا سوالنامہ، ببل شیٹس، لیپ ٹاپس اور اسکیننگ مشینیں برآمد ہوئیں جبکہ اس دوراں ایٹا ٹیسٹ کا عمل جاری تھا۔
یہ واقعہ امتحانی نظام کی شفافیت اور نگرانی کے طریقہ کار پر سنگین سوالات اٹھاتا ہے۔ مراسلے میں مزید کہا گیا ہے کہ وزیراعلیٰ نے بے ضابطگی کے اس مبینہ واقعے کو میرٹ اور شفافیت کی سنگین خلاف ورزی قرار دیتے ہوئے ہدایت کی ہے کہ واقعے کی مکمل اور بروقت انکوائری کروائی جائے۔ مراسلے میں ہدایت کی گئی ہے کہ تحقیقات کے لیے کسی سینئر افسر یا افسران کے گروپ کو نامزد کیا جائے گا جو واقعے کی مکمل چھان بین کر کے ذمہ داران کی نشاندہی اور تادیبی اقدامات کی سفارش کرے۔ وزیراعلیٰ نے واضح کیا کہ اس وقت صوبے بھر میں ہزاروں اساتذہ کی بھرتیوں کے لیے ایٹا کے ذریعے امتحانات منعقد ہو رہے ہیں لہٰذا امتحانی نظام میں کسی بھی قسم کی بے ضابطگی نہ صرف امیدواروں کے مستقبل کو متاثر کرتی ہے بلکہ عوام کے اعتماد کو بھی مجروح کرتی ہے۔
وزیر اعلیٰ نے ہدایت کی ہے کہ اس معاملے کی انکوائری میں نہ صرف موقع کے فوری حقائق بلکہ ایٹا کے نظام میں موجود ممکنہ کمزوریوں کا بھی جائزہ لیا جائے اور واقعے میں ملوث یا غفلت کے مرتکب کسی بھی شخص یا ادارے کے خلاف قانونی و انتظامی کارروائی کی سفارش کی جائے۔
ذریعہ: Islam Times
کلیدی لفظ: خیبر پختونخوا بے ضابطگی
پڑھیں:
ڈمپر حادثے میں بہن بھائی کی ہلاکت، واقعے کی سی سی ٹی وی فوٹیج سامنے آگئی
شہر قائد کے علاقے راشد منہاس روڈ پر پیش آنے والے افسوسناک ٹریفک حادثے میں ڈمپر کی ٹکر سے بہن بھائی جاں بحق اور والد شدید زخمی ہونے کے واقعے کی دل دہلا دینے والی سی سی ٹی وی فوٹیج سامنے آگئی ہے۔
سی سی ٹی وی فوٹیج میں واضح طور پر دیکھا جا سکتا ہے کہ تیز رفتار ڈمپر متاثرہ موٹر سائیکل سوار خاندان کے عقب میں آرہا تھا۔ ڈمپر کی پہلی ٹکر سے موٹر سائیکل پر پیچھے بیٹھی ماہ نور سڑک پر گری، جسے ڈمپر نے کچل ڈالا اور پھر موٹر سائیکل میں جا گھسا۔
ڈرائیور نے بریک لگانے کے بجائے ڈمپر کو آگے بڑھا دیا، جو موٹر سائیکل سوار باپ اور بیٹے کو بھی روندتا ہوا گزر گیا۔
حادثے کے فوری بعد کی سی سی ٹی وی فوٹیج میں راشد منہاس روڈ پر مشتعل افراد کو جمع ہوتے دیکھا گیا جنہوں نے راشد منہاس روڈ صغیر سینٹر کے قریب سے گزرنے والے 7 ڈمپرز کو آگ لگا دی۔
ہفتے اور اتوار کی درمیانی شب ڈمپر کو موٹر سائیکل کو ٹکر کے نتیجے میں والد شاکر زخمی جبکہ بیٹی ماہ نور اور بیٹا احمد جاں بوجھ ہوئے تھے۔
غیرملکی مسافروں کیلئے ایئرپورٹس پر علیحدہ امیگریشن کا ئونٹرز قائم کرنے کا فیصلہ