عازمین کی روانگی کیلئے حج پروازوں کے دوسرے مرحلے کاآغاز
اشاعت کی تاریخ: 14th, May 2025 GMT
پاکستانی عازمین کو حج پر لے جانے کا آپریشن 33 روز میں مکمل ہوگا، اس دوران سرکاری سکیم کے 89 ہزار عازمین کو 342 پروازوں کے ذریعے مدینہ منورہ اور مکہ مکرمہ پہنچایا جائےگا، نجی سکیم کے تحت 23،620 عازمین فریضہ حج ادا کریں گے۔ اسلام ٹائمز۔ پاکستان سے جدہ کے لیے حج پروازوں کے دوسرے مرحلے کا آغاز آج ہو گیا۔ ذرائع کے مظابق جدہ ایئرپورٹ سے عازمین مکہ مکرمہ روانہ ہوں گے، آج شام تک 2 پروازوں کے ذریعہ 633 پاکستانی عازمین کو سعودیہ پہنچایا جائے گا۔ خیال رہے پی آئی اے کی دوسرے مرحلے کی پہلی پرواز پی کے 741، 305 عازمین کو لے کر جدہ پہنچ گئی، دوسری پرواز پی کے 759 بھی آج 328 عازمین کے ساتھ جدہ پہنچ جائے گی۔
ذرائع نے بتایا پاکستان سے کل منگل کو 13 حج پروازوں کے ذریعے 2399 عازمین حج مدینہ منورہ پہنچے، اب تک 145 حج پروازوں کے ذریعے 31044 پاکستانی عازمین مدینہ منورہ پہنچ چکے ہیں۔ اسی طرح اسلام آباد سے 45 پروازوں کے ذریعہ 9 ہزار 472 عازمین سعودی عرب پہنچے، کراچی سے 31 پروازوں سے 6 ہزار 156 اور لاہور سے 39 پروازوں سے 9 ہزار 314، ملتان سے 16 پروازوں کی ذریعے 3726 اور کوئٹہ سے 14 پروازوں سے 2376 عازمین حجاز مقدس پہنچے۔
ذرائع کا مزید کہنا تھا کہ ابتدائی 15 دنوں میں عازمین کو مدینہ منورہ پہنچایا گیا، یہ پروازیں قومی، نجی اور ایک سعودی فضائی کمپنی کے ذریعے چلائی جا رہی ہیں، پاکستان سے حج آپریشن کا آغاز 29 اپریل کو ہوا تھا، عازمین کو حجاز مقدس پہنچانے کا آپریشن 31 مئی تک جاری رہے گا۔ پاکستانی عازمین کو حج پر لے جانے کا آپریشن 33 روز میں مکمل ہوگا، اس دوران سرکاری سکیم کے 89 ہزار عازمین کو 342 پروازوں کے ذریعے مدینہ منورہ اور مکہ مکرمہ پہنچایا جائے گا، نجی سکیم کے تحت 23،620 عازمین فریضہ حج ادا کریں گے۔
ذریعہ: Islam Times
کلیدی لفظ: پروازوں کے ذریعے پاکستانی عازمین حج پروازوں کے عازمین کو سکیم کے
پڑھیں:
اینڈرے فلیچر آئی ایل ٹی 20میں سب سے مہنگے کھلاڑی قرار،پاکستانی فخر زمان اور نسیم شاہ بھی نمایاں
اینڈرے فلیچر آئی ایل ٹی 20میں سب سے مہنگے کھلاڑی قرار،پاکستانی فخر زمان اور نسیم شاہ بھی نمایاں WhatsAppFacebookTwitter 0 2 October, 2025 سب نیوز
دبئی: ویسٹ انڈیز کے جارح مزاج اوپنر اینڈرے فلیچر نے ڈی پی ورلڈ انٹرنیشنل لیگ ٹی20 کے سیزن 4 پلیئرز آکشن میں سب کو پیچھے چھوڑ دیا۔ ایم آئی ایمریٹس نے فلیچر کو 2 لاکھ 60 ہزار امریکی ڈالر میں حاصل کر کے انہیں اب تک کا سب سے مہنگا کھلاڑی بنا دیا۔انگلینڈ کے نوجوان فاسٹ بولر اسکاٹ کری کو دبئی کیپیٹلز نے 2 لاکھ 50 ہزار ڈالر میں خرید کر بڑا سرپرائز دیا، جب کہ انگلینڈ کے آل راؤنڈر لیام ڈاؤسن کو گلف جائنٹس نے ایک لاکھ 70 ہزار ڈالر میں اپنی ٹیم کا حصہ بنایا۔یو اے ای کے فاسٹ بولرز کی ریکارڈ مانگمقامی کھلاڑیوں میں یو اے ای کے پیسرز کی مانگ سب سے زیادہ رہی۔
جنید صدیقی کو شارجہ واریئرز نے 1 لاکھ 70 ہزار ڈالر میں خریدا۔محمد روہید کو ایم آئی ایمریٹس نے 1 لاکھ 40 ہزار ڈالر میں سائن کیا۔وسیم اکرم کو شارجہ واریئرز نے 55 ہزار ڈالر میں حاصل کیا۔پاکستانی کھلاڑی بھی مرکز نگاہ رہے، پاکستانی اسٹارز کی بھی اچھی بولی لگی۔فخر زمان اور نسیم شاہ کو ڈیزرٹ وائپرز نے 80، 80 ہزار ڈالر میں خریدا۔نوجوان بیٹر حسن نواز کو 40 ہزار ڈالر میں موقع ملا۔
دیگر نمایاں معاہدےمحمد نبی (افغانستان) اور ٹائمل ملز (انگلینڈ) دبئی کیپیٹلز کا حصہ بنے (80، 80 ہزار ڈالر)۔شکیب الحسن (بنگلہ دیش) کو ایم آئی ایمریٹس نے 40 ہزار ڈالر میں خریدا۔دویان پریٹوریئس (جنوبی افریقہ) شارجہ واریئرز کا حصہ بنے (1 لاکھ 20 ہزار ڈالر)۔اسکاٹ لینڈ کے برینڈن مکملن 1 لاکھ 10 ہزار ڈالر میں ابو ظہبی نائٹ رائیڈرز کو جوائن کر گئے۔تاریخی لمحہاس آکشن میں پہلی بار سعودی عرب کے کھلاڑی بھی شامل ہوئے، جہاں فیصل خان (ڈیزرٹ وائپرز) اور عثمان نجیب (دبئی کیپیٹلز) سمیت کئی نام فرنچائزز نے منتخب کیے۔ایونٹ کا شیڈولڈی پی ورلڈ آئی ایل ٹی20 سیزن 4 کا آغاز 2 دسمبر 2025 (یومِ اتحاد، یو اے ای نیشنل ڈے) سے ہوگا جبکہ فائنل میچ 4 جنوری 2026 کو کھیلا جائے گا۔ چھ ٹیمیں مجموعی طور پر 34 میچز میں مدمقابل ہوں گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرجسٹس طارق محمود جہانگیری نے سندھ ہائی کورٹ کا فیصلہ چیلنج کر دیا صائم ایوب نے پانڈیا کو روند ڈالا، نمبر ون ٹی ٹوئنٹی آل راونڈر بن گئے میں نے کچھ غلط نہیں کیا،بی سی سی آئی سے کبھی معافی نہیں مانگوں گا، محسن نقوی ڈٹ گئے فخر زمان اورصائم ایوب ایشیا کپ کے بعد آئی ایل ٹی 20 میں بھی دھوم مچانے کو تیار ڈی پی ورلڈ آئی ایل ٹی 20 اور سعودی کرکٹ فیڈریشن کا اشتراک،خطے میں کرکٹ کے فروغ کے نئے دروازے کھل گئے پاکستان کرکٹ بورڈ نے لیگز کیلئے کھلاڑیوں کے این او سی معطل کردئیے ایشیاکپ جیتنے والی بھارتی ٹیم پر نوٹوں کی برسات، کتنی رقم دی جائیگی؟Copyright © 2025, All Rights Reserved
رابطہ کریں ہماری ٹیم
پاکستان کا اقوام متحدہ میں بھارت کو منہ توڑ جواب، بھارتی مندوب بوکھلاہٹ میں ہال چھوڑ کر چلاگیا