راولپنڈی: ٹیکس حکام نے عمارت سیل کرکے تالے لگادیے، بینک اور جِم میں شہری پھنس گئے
اشاعت کی تاریخ: 16th, May 2025 GMT
راولپنڈی:
کنٹونمنٹ بورڈ راولپنڈی نے انوکھی ٹیکس ریکوری مہم میں بلڈنگز مالک کے ڈیفالٹر ہونے پر بینک میں شہریوں اور اسٹاف اور لیڈیز جم میں خواتین کی موجودگی کے باجود عمارت کو سربمہر کردیا، ٹیکس ریکوری ٹیم کے انچارج کو معطل کردیا گیا۔
راولپنڈی کینٹ کے علاقے رینج روڈ پر ایک پرائیویٹ بلڈنگ جو ٹیکس نادہندہ تھی اس میں ایک نجی بینک اور ایک فلور پر لیڈیز جم قائم تھا بلڈنگ مالک کی جانب سے کنٹونمنٹ ٹیکس ریکوری ٹیم سے کہا گیا کہ اس ایک روز کی مہلت دی جائے وہ اپنے ذمہ ٹیکس ادا کردے گی۔
ٹیکس ریکوری ٹیم کی قیادت ایل ڈی سی احسان اللہ نے کی جنہوں ںے مہلت دینے سے نہ صرف انکار کردیا بلکہ نامناسب رویہ اپناتے ہوئے بلڈنگ کو سیل کردیا اور باہر سے تالے لگادیے۔
بلڈنگ میں قائم بینک میں اُس وقت شہری موجود تھے اور بلڈنگ کے ایک فلور پر لیڈیز جم قائم ہے جس میں خواتین ایکسر سائز کررہی تھیں شہریوں اور خواتین کو باہر نکلنے کا موقع نہیں دیا گیا۔
یہ دیکھ کر بعض مقامی افراد اور بلڈنگ مالک نے کنٹونمنٹ بورڈ دفتر پہنچ کر صورتحال سے اتھارٹی کو آگاہ کیا جس پر ایڈیشنل سی ای او حیدر شجاع نے فوری طور پر سر بمہر بلڈنگ کو کھلوا کر وہاں بند افراد کو باہر نکلنے کا موقع فراہم کیا۔
ایڈیشنل سی ای او نے متعلقہ ایل ڈی سی احسان اللہ کو معطل کردیا اور اسے مس کنڈکٹ کا مرتکب قرار دے کر اس کے خلاف محکمانہ کارروائی کے لیے چارج شیٹ جاری کردی۔
.ذریعہ: Express News
کلیدی لفظ: ٹیکس ریکوری
پڑھیں:
کراچی: عمارت سے بزرگ شخص کی لاش اور خاتون بے ہوشی کی حالت میں برآمد
گلشن اقبال میں واقعے رہائشی عمارت عثمان پلازہ سے بزرگ شخص کی لاش اور ایک خاتون بے ہوشی کی حالت میں ملی ہے۔
ایدھی حکام کے مطابق خاتون کی حالت تشویشناک ہے جسے فوری طبی امداد کے لیے جناح اسپتال منتقل کردیا گیا۔
ایدھی حکام کا کہنا ہے کہ متوفی ضعیف شخص اور بے ہوش خاتون کی شناخت تاحال نہیں ہوسکی، اسپتال ذرائع کے مطابق ابتدائی معائنے میں بزرگ کی موت کی وجہ طبعی معلوم ہوتی ہے تاہم حتمی رائے پوسٹ مارٹم رپورٹ کے بعد سامنے آئے گی۔
ایس ایچ او تھانہ گلشن اقبال کے مطابق ضعیف شخص کی لاش اور بے ہوش خاتون رہائشی عمارت کے تیسرے فلور پر فلیٹ سے ملے ہیں۔ ابتدائی تفتیش کے مطابق متوفی اور بے ہوش خاتون بھائی بہن بتائے جارہے ہیں۔ تاہم واقعے کی مزید تفتیش جاری ہے اور جاں بحق شخص و خاتون کی شناخت کے لیے کوششیں کی جا رہی ہیں۔
گلشن اقبال تھانہ کے تفتیشی افسر نے بتایا کہ ابتدائی اطلاع کے مطابق جاں بحق ہونے والے شخص کی شناخت 76 سالہ اقبال الدین اور بے ہوش خاتون کی امینہ کے ناموں سے ہوئی۔
دونوں بھائی بہن ہیں، بھائی کی بیرون ملک روانگی تھی تاہم طعبیت خرابی کے باعث ان کی حالت خراب ہوگئی اور وہ جاں بحق ہوگئے۔بھائی کی خراب حالت کو دیکھ کر بہن بے ہوش ہوگئی۔تاہم طبعی امداد کی فراہمی کے بعد خاتون ہوش میں آگئی یے، پولیس واقعہ کی مذید تفتیش کررہی ہے۔
کراچی، قائد آباد میں پولیس مقابلہ، ڈاکو زخمی حالت میں گرفتار، ایک فرار